{للعوائل فقــــــط}

[سيدتهن]

السلام عليكم ورحمالله وبركاته


للعوائل فقط ... هذي الجمله هي سبب تعاسة الذكور العزوبيه .
تجدهم في كل مكان وزمان يذكرون معاناتهم من قلة الإهتمام بهم وكيف أنهم في هذه البلاد لم يأخذوا حقهم من الترفيه فهم مكبوتين لايجدوا مكان يجتمعوا فيه لغرض "الوناسه"
.
.
فالإستراحات صارت ممله
والكشتات وكذلك صالات الترفيه والمقاهي والمطاعم وأيظا "العزايم بالبيت " وملوا بعد من عنيزه ومن الدمام وجده ومن البر والبحر ..
.
.

وظاقت عيونهم على حديقة مكتوب عليه للعوائل ..[ هي تسنه حديقه لان به شجره وحده متسلط عليه العامل يقصص ورقه كل ماطلعن] ..
.
.

احب اريحكم وافسر لكم معنى كلمة عوائل : يعني ماتدخل المره {المرأة} اﻻ وشنبات قاط معه . يعني وش حاسديننا عليه على الغمت ولا على ذرابةالبزارين ولا على الشجرة اللي تو حتسيت عنه &#161;&#161; عيب عليكم حتى "بسامرة"<بيت الموضه>حاشرين خشومكم .. مايكفي الصك علينا بالبيت والكبت والقهر اللي نعيشه
.
.

ياليت تحصل لي براحه مب استراحه او مطاعم ولا المقاهي ولا الصالات او النوادي ولا اذا اشتقت لصديقتي رحت ازوره (أروح لصديقتي بالبيت هذي جريمه استغفر الله)..
.
.
مانبي شي زايد نبي اذا احتجنا شي تودوننا بسمحة نفس مب صياااح وبالنهاية اصير سليطة لسان وقليلة ادب
.
.

ياناس حتى الحيوانات تتفسح&#161;&#161;
كأن اللي يستحق العيش والسعادة فقط الذكور!!.
ليش البنوتات الله خلقهن زيادة اوخلقهن يكرهن الوناسه او يحبن التعاسه ؟&#161;&#161;

.
.

مجتمعنا فيه من الجاهلية الأولى مايجعلك تعتقد فيه أن دين الرحمه لم يمر عليه حتى &#161;&#161;
مجتمع همه الذكور الأنانيين الذكور الجهله الذين وجدوا انفسهم محاطين بهذا المجتمع الذي يُجلهم ويشجع ويتناسى أخطائهم ففرحوا
بهذه العادات وصدقوها وعملوا جاهدين لتستمر فقط للأنانية ولمصالح شخصية والأدهى ووالأمر عندما ينسبون كل هذا الظلم الى هذا الدين الرحيم العادل >(الظلم ظلمات يوم القيامه)..
.
.
لقد اقنعوا النساء بذلك فأصبحن يربين ابنائهن على ذلك اﻻ أنني لست كمثلهن{ يعذبني غبائهن} , يربين أبنائهن الذكور على التسلط والأنانية والإناث على العيب والممنوع!!
.
.
الولد لازم ماتنكسر شوكته ولا تهتز شخصيته والبنت بالطقاق تطلع متخلفه ولا ضعيفة شخصية ولا جبانه ولا معقده ولا .......الخ أهم شيء الولد .
.
.
تلقى الوحده تحمل وتولد بالسنه مرتين < انقصت ظهورهن هالغبيات...تبي تجيب (ولد )لأنه بس تجيب (بنات )..عاد ليته تحسن النيه علشان الأجر من الله.
أنتم ترون وتعرفون هؤلاء الناس غباء مطبق وجهل مركب فهم يعاقبون الأنثى بلا ذنب يحسسونها بأنها عيب وعار يجب ستره .. كم أحتقرهم إنهم عندما
يتحدثون أصاب بالغثيان من" زود هدارتهم"..
.
.
لا اقول غير ان رجال هذا الزمان ورثوا عادات رجال تعبوا حتى أوجدوها بكدهم بتعبهم بترحالهم لطلب العيش الصعب فالمرأة
تراه يكدح فتبرر له قوانينه أما هذا الذي "مسوي زحمه والشارع فاضي" .....!!
.
.
هو أفضل من المرأة بماذا ؟ يعمل ؟ هي تعمل خارج المنزل وداخله &#161;&#161;
ذبحونا عاطلين وفاشلين بس يتسدحون ويتبطحون صاروا عاله على المجتمع ولابعد يعترضون على _للعوائل فقط _ منقهرين ورا مادخلوهم الحديقة هههه .


وغرضي من العنوان (للعوائل فقط) ..لأبين سخف من أكرمه هذا المجتمع على حساب غيره فعلينا أن نعلم جيدا من نقدر..


ملاحظه:رجائي من كل (ذكر )يقرأ الموضوع أن يهدأ ويراجع نفسه
ثم يرد < يعني لازم ترد ..وعلمنا الحقيقه .. حتى يستفيد غيرك
من الذكور لأن بعضهم مايسمع كلام (الحريم) ..
فاوش الفايده من الموضوع اذا محد استفاد منه!!

[إلينـ اليوم]

الحقيقه اننا مضدهدين الى حد الاحباط
كل شي عوائل
كثرت سفرياتي للخارج من شان هالمشكله
هناك اروح وادخل مع العوائل ملاهي اسواق مقاهي اللي ابي
وراسي مرفوع هنا ونا معاي اهلي تجي نظرات كأني مجرم
شجون امشي بالسياره وقبل ادخل من عند سوق الذهب
شفت ذيك اللوحه اللي تجيب النوم
تقول(( ا يها الشاب كن رجلاً ))
طيب سويت شي الحين اناهذا ونا مابعد دخلت

تشكرات

[رحّــال]

بصراحة أعجبني توقيعك

وما قلتيه صادقه فيه

لكن للمعلومية هم قلة الذين تتحدثين عنهم ,,

[مساكن برزه]

دااااام الجواااز معك لايضيق صدرك..
دع بريده لهم ولنا الخارج ( لااوصيك على بلاد المغرب - والشاااااام الحبيبه)
عزالله ماقلت الا الصحيح

[سيدتهن]

[align=center]الين اليوم + مساكن برزه = متأكدين انكم قارين الموضوع؟!!
ـــــــــــــــــ
رحّـــال شكرا على الإطراء بالنسبه للتوقيع

اقتباس: لكن للمعلومية هم قلة الذين تتحدثين عنهم

أتمنى ذلك يارحال[/align]

[إلينـ اليوم]

اقتباس: الين اليوم + مساكن برزه = متأكدين انكم قارين الموضوع؟!!

هاه

بديت اشكك

الا قسم اني قاريه

[سيدتهن]

[align=center]الينـ اليوم ههههههههههه خلاص صدقتك < تكفين
[/align]

[أبو الريش]

[align=center]محد راضي عن نفسه

اصبري على حالك مثل بنات اول ماضرهن شي طول عمرهن ببيوتهن مستورات وتزوجن وعيلن والحمد لله ماضرهن الجلسه بالبيوت ... وقرن في بيوتكن

كل البنات اللي قبلك نفس الشي

يعني لاتكونين شاذه قبل عشر سنين او يقل ماكنا نسمع هالشي الا إذا كان هناك خلل في داخل اسوار الاسره

مثل ماحنا مو راضين انتي مو راضيه هاذي سنة الحياة

بعد مو كل من طلع حقق سعاده بالعكس الواحد احيانا لاطلع من بيته طلع من مشاكل وهم فيها مهب طلع يرفه نفسه

لان البيت احيانا مستقر آمن[/align]

[امرؤ القيس]

ماشاء الله جاية جميع ست سيدتهن

يابنت الحلال هذي الدنيا كل يحسب الثاني آخذ حقه وزيادة

أنا ادري ان المرأة ماخذت ربع حقها , وكله بسبب المتخلفين الرجال
بس الشكوى لله

هذي عادات وتقاليد الشيبان الاولين واي واحد يبي يعدل فيهن رايح تجيه اللعنات من كل صوب

مسكينة المرة

تروح للعروس باذن وتطلع للسوق باذن وتجلس بالاستراحة باذن ولافيه اي ديمقراطية او مرونة للروحات والجيات

الحين يوم عينوا وحدة مسؤولة عن تعليم البنات قامت الدنيا ولم تقعد ولن تقعد

اووووه جابوا تاريخها من طأ طأ لسلام عليكم حتى صورتها لقطوها من جواز وجابوها


وش العيشة هذي انا حمقت وانا مالي دخل

فيه ناس تلقينهم يكشتون بمكان ماتلقاهم ولا بالقمر الصناعي كله عشان ماحد يشوفهم !!

الله يستر

لابد من انتفاضة نسائية كانتفاضة اطفال الحجارة

بالبيت محجورة وبالسيارة محجورة وبالاستراحة كذلك وبالبر بوسط خيمة وعند البحر مايطلع منها خرم ابرة !!

والرجل يمشي ويستكع ويرمي من هالارقام ولا احد يقوله ثلث الثلاثة كم !!

عيشة حلوها مر !!

[" TWIX "]

[align=right]كلامك فيه حشد من المبالغات والمغالطات والتعميم ..[/align][align=right]

اقتباس: تروح للعروس باذن وتطلع للسوق باذن وتجلس بالاستراحة باذن ولافيه اي ديمقراطية او مرونة للروحات والجيات

امرؤ القيس
يعني على ما قالوا نترك الحبل على الغارب !!
المرأة لا تخرج من البيت إلا بإذن وليها .. إلا إذا كانك منفتح للآخر يا بيروتي الخبوب هذا كلام آخر !![/align]

[سيدتهن]

[align=center]أخي ابو الريش ولنفسك عليك حقا هذي الطبيعه البشريه وهذي الفطره
فالإنسان خلقه الله هكذا لايحب "الحجرة" الزايده عن الحدود لأنه مهوب حيوان
وقرن في بيوتكن < الله ماقال اسجنوهن!! قال النبي محمد صلى الله عليه وسلم (اتقوا
الله في النساء فإنهن عوان عندكم _أي أسرى_) .


ـــــــــــ

اقتباس: امرؤ القيس هذي عادات وتقاليد الشيبان الاولين

صدقت

اقتباس: تروح للعروس باذن وتطلع للسوق باذن وتجلس بالاستراحة باذن ولافيه اي ديمقراطية او مرونة للروحات والجيات

يا امرؤ القيس الاستئذان من الدين وهذا واجب ولافيه كلام ..حنا مشكلتنا بالعادات والتقاليد بتوعة الشيبان اللي تو قلت..

اقتباس: والرجل يمشي ويستكع ويرمي من هالارقام ولا احد يقوله ثلث الثلاثة كم !!

على الجــــــــــــــــــــرح

ـــــــــــــــــــــــــــ
القرار الأخير

اقتباس: كلامك فيه حشد من المبالغات والمغالطات والتعميم ..

إختصار مخل بالمعنى !! وين المبالغات والمغالطات ولا التعميم أرجوا التوضيح للفائدة
وبما انك قلت اني معممه يعني ذلك وجود هذه الفئة طيب انصحهم يخفون علينا كما ترجيتكم بالموضوع ..ما استفدنا شي!![/align]

[عزوزي]

اقتباس: سيدتهن مجتمع همه الذكور الأنانيين الذكور الجهله الذين وجدوا انفسهم محاطين بهذا المجتمع الذي يُجلهم ويشجع ويتناسى أخطائهم ففرحوا بهذه العادات وصدقوها وعملوا جاهدين لتستمر فقط للأنانية ولمصالح شخصية والأدهى ووالأمر عندما ينسبون كل هذا الظلم الى هذا الدين الرحيم العادل >(الظلم ظلمات يوم القيامه)..

اصفق لكي على هذه الكلمات المميزه التي اتت في الصميم لكل انثى..
فعلا الذكور انانين,,

اقتباس: امرؤ القيس فيه ناس تلقينهم يكشتون بمكان ماتلقاهم ولا بالقمر الصناعي كله عشان ماحد يشوفهم !!

ليش وين تبيهم يكشتون بوسط الناس بالعكس كل ما بعدو اريح لحريمهم
هم طالعين ينبسطون مو طالعين للناس,,

[امرؤ القيس]

اقتباس: امرؤ القيس يعني على ما قالوا نترك الحبل على الغارب !! المرأة لا تخرج من البيت إلا بإذن وليها .. إلا إذا كانك منفتح للآخر يا بيروتي الخبوب هذا كلام آخر !!

أي غارب وأي حبل

المرة يبي يجيها انفجار من كثر ماتطلب اذن والرجل لااسمع لا ارى لااتكلم !!

المرة جاها انفصام بالشخصيّة والرجال مكبلها بدون قيود بين اربع جدران

الاحصائية الاخيرة تقول ان جنون النساء وصل سبع من ثمانية يعني الرجل واحد من ثمانيّة فقط بالسعوديّة وكله من الكبت بدون وعي !

وآخرتها تقول بيروتي يا حلويات فرنسا !

[أبو الريش]

اقتباس:  المشاركة الأصلية كتبت بواسطة امرؤ القيس     أي غارب وأي حبل المرة يبي يجيها انفجار من كثر ماتطلب اذن والرجل لااسمع لا ارى لااتكلم !! المرة جاها انفصام بالشخصيّة والرجال مكبلها بدون قيود بين اربع جدران الاحصائية الاخيرة تقول ان جنون النساء وصل سبع من ثمانية يعني الرجل واحد من ثمانيّة فقط بالسعوديّة وكله من الكبت بدون وعي ! وآخرتها تقول بيروتي يا حلويات فرنسا !

الحين موجود بالبيت انترنت ودش وووووو

قبل فتره وجيزه لايوجد لا انترنت ولا دش ولا حتى جوال ولا شفنا التذمر هاذا

يعني اتوقع هاذا راجع لتفكك العلاقات الاجتماعيه مهب مثل اول الوحده بالبيت دايم مع قريباته وجماعته

وهاذا اللي خلى البنت تفكر بالخروج من البيت لانه مافيه هالدافع اجتماعي يشبع الفراغ الناقصص اللي يعزز روح المرح داخل البنت

[مساكن برزه]

ياسيدتهن والله اني منلحس مادري تصدقين
الا متاكد ونص...
طيب وين نرووووووح جاوبي بالله ( بس لاتقولي للخبيب اهم شي)