يالله بالدور كل واحد يا يمد ايده يا يحذف فنجاله علي .. وانا أؤله ايه اللي حيحصل معاه
استغفر الله
أول خلونا نشوف شخصيتكم من فصيله دمكم ..
فصيلة الدم O
أصحاب هذه الفصيله .. مهايطيه .. عصبيين .. على طول يقبسون ..
لكن ان دغدغتهم على طول يرضون ..
يميلون دائما الى العنف .. يفضلون الافلام المرعبه .. ويحبون يسمعون كسرات واغاني عزازي وطقته ..
اغلب المجرمين بالعالم هم من اصحاب هذه الفصيله ..
فصيلة الدم A
أصحاب هذه الفصيله يتميزون بالرقه والحساسيه .. زعولين .. نكديين ..
يحبون الحزن والاسى .. دايما نلقى صورهم بالجرايد والمجلات.. اللي حاط يده على خده ومتنح واللي رافع راسه للسماء يناظر بحسره ..
اغلب المسوقين لكريمات النكهه >>وجه يقول كيف الحال نكتار..
يحبون يسمعون لخالد عبدالرحمن .. فرحتي والله يتيمه ...
ويميلون لمشاهده افلام عادل امام ويسرى ..
فصيلة الدم B
أصحاب هذه الفصيله .. نقودين يحبون القيل والقال ..
من جماعة مانخطبتي .. ماتوظفتي .. مازهقتي وانتي بالبيت ..
يتميزون بالروح المرحه .. يعني تفشلهم تحرجهم تسكتهم ماينفع معهم ..وجيههم مغسوله بمرق ..
يحبون مشاهده افلام هنيدي ومحمد صبحي ..
ويسمعون لنبيل شعيل وراشد الماجد ..
على فكره كل واحد يقول وش فصيلته ..
انا فصيلتي O ...
بالله في احد صدق هالهرج الا انا كاتبته ..
لاحظت هالايام هابين المواقع بتحليل الشخصيه .. وحتى المجلات ..
اعرف شخصيتك من لونك المفضل ..
اعرف شخصيتك من نوع جهاز لاب توبك ..
اعرف شخصيتك من نوع حمامك هو عربي او فرنجي ..
اعرف شخصيتك من جسمك .. هو مهرطل والا معصقل.. حومو كبودنا ..
طيب يقولون اعرف شخصيتك من اسمك .. اذا كان اسمك محمد فانت مسالم وحبوب وطموح
عاد عندنا بالعائله 3 اسمهم محمد ..
1- محمد .. هادئي ومسالم وخجول ومحترم ولبق ..
2- محمد .. ذكي وملكع وغامض ونجس ومن تحت لتحت..
3- محمد .. شيطاني ومايحشم احد وخبل ..
يعني كل كلامهم خرابيط وخراط فاضي ..
وش رايكم .. هل تحبون هالنوع من المواضيع ..
هل تؤمنون بصدقها وواقعيتها ..
الا بالله على طاري الهبه بتحليل الشخصيه وش سالفه الناس اذا طاحت بشي حومو تسبودنا بوه؟؟
ملاحظة موضوع ملطوش لطشا مبرحا مع اضافة لمساتي السحرية عليه
[/align]
بسطة ايفو لقراءة الكف والفنجان
العرض المتطور
