للبيع !!!!المزاد العلني لاسماء الاعضاء

[م_ ت_ ن _ ث_ ر]

هاذي اول مشاركة لي معاكم وان شاء الله تعجبكم


مزااااااااد علني على اسمـــــــاء الاعضاء.....

بصراحة شفت هذا الموضوع في احد المنتديات وعجبتني الفكرة حييييييل...

وخصوصا لمل شفت شلون الاعضاء متحمسين مرة ...

وحبيت اني اقل الفكرة لمنتدانا الحبيب,,,

*شروط المــــــــــــزاد.........

1- نختار اسم عضو من اعضاء المنتدى,ونضع سعر معين..

(وسيكون السعر بالريال السعودي)

2- سيكون المزاد على العضو المختار 48 ساعه ( يومين ) و بعدها

يحق لأعلى سعر أن يضع اسم هذا العضو في توقيعه لمدة 3 ايام.

3- سنقوم بارسال رساله خاصه إلى العضو المختار لإعلامه بأنه تم

شراءه ..... وسيتولى المشرف هذي المهمة ( وهقناه).

4- و يحق لكل الأعضاء الاشتراك و المزايده في هذا المزاد .....

**** الرجاء ... الرجاء عدم أخذ هذه الفكرة بحساسيه و أن تتقبلوها

بروح أخويه فكاهيه مرحه ......

و أتمنى من الجميع المشاركه و التفاعل ( لأن الفكرة رائعه جدا )


واول اسم عضو نبدا فيه المزاد راح اتركه لاول واحد يقرا مشاركتي (الله يعينك)...

اتمنا ان الفكرة اعجبتكم وحازت على رضاكم...


10 9 8 7 6 5 4 3 2 1

انطلاااااااااااااااااااااق .

[قم بس قم]

بالخير يا متنثّر


فكرة معقولة بس ترا إسمي مهب للبيع

أنا جاين أبشري إسم تقهو ونفتح الباب
17 ريال من يزوّد


إسمع قبل ما أروح ترا ما هنا إسم ينحط بالتوقيع
الدعوى لعب بلعب وإلا وش رايكم يالربع خلّهم يصوتون

مشكووووور على هالموضوع يالمنكب

[المشربك]

أول مره يضربه قم بس قم بس علشان انه كذب :::::::>هه
أنا أزود السعر عن قم بس قم من 17 ريال الى( 17,25) يعني 17 ريال وربع
ترى السومه لي وهاه السعي على البائع وتراه 17وربع مب صافي
وعلى فكره تراي ابدفع دفعه أولى 3ريال والباقي أقساط كل يوم ربع ريال قل الله يربحك


المشربك

[فريـــد]

ماشاء الله ..


تبي تشري اسمي ياقم بس قم ..


عشتوا .. انت والمشربك ..!!


ترى ان اخويتونا .. ابشري اسمك انت والمشربك بثلاثة اريل فقط لاغير ..

وبنخليهن ببرواز ونعلقهن على المنتدى


على آخر الزمن ..


مابقى الا هي

ههههههههههههههههههه

[شيخ بريدة]

انا ازود على اسم تقهو هللة وحدة ويعني يصير السعر:

( 17,26)ريال يعني تصير 17 ريال و26 هللة==>يابخله هالشايب ذا.

[المشربك]

لسلام عليكم ياشيخ بريده لاتزود واجد تراك كسرت ضهري
وأنا أزود السعر الى 17,27
وقولو الله يربحك ترا مافيه أحد يبي يسوم أعلى من كذا

[عصي الدمع]

أنا أزود .. وش قالوا لكم تقهو هذا فعل أمر ونحن محتاجون لأفعال الأمر هذه الأيام .. وبعدين تقهو يستاهل أكثر والله حرام عليك يا قم بس قم 17 ريال الله يسامحك بس .

أنا أسوم اسم ( تقهو ) بـ 22,95

قولوا تم الله يربحك .

[المشربك]

لالا السومه الحين لي أنا ملزم أبيه( 22,96)ريال يالله بيعو

[مسافره بلا زاد]

بصراحه فكره روعه يا اخوي المتنثر ....


اما على المزاد فمعليش ترى حيلتي واللي بشنطتي 19 ريال ..مايقعد بيدي شيء

معليش شباب الاولوية لنا يا البنات ..مو دايم الامريكان يقولون ..ليديز فيرست ...


احم احم ..قولوا تم يا شباب ...


تحياتي لكم :1:

[ماجد الأول]

والله أنتم ما تعرفون تقهو .. والا كان ما حطيتو هالقيمة

أنا أسومه بـ 25 ريال

هين يا تقهو ... شاريك يعني شاريك

[النازية]

لا يستاهل تقهو اكثر من كذافانا ابسومه بـ28.54 انشاء الله البيعة لي

قولو تم تراي قاعد اجمع لي شهر لين حصلت هالمبلغ

تحيات (((ابو سعد ))) النازية

[البيجو]

ودي اشارك بس اخاف اصير سلعة وأروح فيها..

لذلك ماني بمشارك معكم..

مع السلامه

[ALI 9]

السلام عليكم ورحمة الله وبركاته

فكرة جميلة جداً
أنا ابشري تقهو بـــ 30 مب صافي على االشرط مايصير به كسور ولا تعديلات
تحياتي
المطنون

[ولـد بـــريدة]

أنا أسومه 30.99 ريال ...............قولوا تم ..
هذي سيارة ماهو إسم .....
تحياتي لكم ........

[المشربك]

والله أشوفكم زودتو واجد شف يا تقهو ترانا عطيناك سعر خيالي
وهذي سومتي 31ريال فقط لا غير تراها فرصه يمكن ماتعود
تراني ناصح لكم بيعو قولو الله يربحك