جامعة القصيم تفسد كليات التربية للبنات...!!!

[المعروف]

[align=center]
من قبل رمضان وحنا ماغير تردد على هالأسواق.. سواء الي في بريدة والا اثناء السفر

وكنت اتصور ان السالفة استعداد من الاهل للعيد..!! واثاري السالفة غير ماتصورت..!!!!

اختي مقبولة بالكلية.. وتستعد الله يحفظه بشراء (البسة) الدراسة..!!!!!

وتفاجأت يوم شفت البلايز الوان وانواع واشكال وشي شفاف وشي كم قصير وووو

وقلت معقول يقبلونكم تدخلون الكلية بهالملابس..؟؟

قالت هذا الي عليه (كليات التربية) بعد انضمامها لجامعة القصيم..!!!!

وقالت ان كليات التربية اول يوم كانت تابعة للرئاسة تجبر الطالبات على زي موحد

بس يوم انضمت الكليات لجامعة القصيم.. عاملوهم مثل معاملة كليات الجامعة.. كلن على راحته

وصارت الروحة للكلية مثل الروحة للعرس والعزيمة...

انواع المكاييج.. والاكسسوارات.. والالبسة المتنوعة...!!!!!!!!

واستغربت صراحة من هالشي.. واستغربت اكثر يوم سمعت من اختي ان مكافاة الكلية تصرف كلها على اللبس

خاصة والبنات يتجاكرن بالماركات والغالي...!!!!!!!!!!

يعني بالله هل يعقل ان تكون الكلية مكان لافساد وتخريب البنات..؟؟

وماذا عن الفقراء الذين دخولهم على قدهم..؟؟ خاصة ومكافات الطالبات لاتصرف الا بعد نهاية الفصل الاول..!!!؟؟

سؤال عريض للمسؤولين.. وللبنات ليدلين بآرائهن عن هذا الواقع المؤلم..

والسؤال الأكبر: هل أفسدت جامعة القصيم كليات التربية للبنات....؟؟[/align]

[Queen of buraydh]

غريبة !!

العام الماضي بالرغم من انضمامنا للجامعة الاّ اننا نُعاقب على مخالفة الزي الموحد الشرعي الذي فرضتة ادارة الكليات علينا !!

[Rambitious]

السلام عليكم

أنا أحد طالبات جامعة القصيم والزي لدينا موحد (أبيض،أسود) وساتر ومن تخالف القوانين تعاقب.

أما بالنسبة لرأي أختكم حول المكافآت قد تكون حيلة منها (عشان تسحبك للسوق) . لا أنكر أن هناك من تبالغ في لبسها لكنها حالات أقل من أن تعمم أو حتى أن يستشهد بها في مثل هذه المواقف وغيرها.

وشكرا ً ،،،

[♚سر الملكة♚]

بالنسبه للكليه العلميه مسموح فيها جميع الالوان لكن يكون لبس ساتر ....

أما لبس الشفاف او القصير او فيه قصه يظهر منها جزء من الجسم فهذه الطالبه يكتب عليها تعهد

[مادموزيل]

مراااااحب..
انا من طالبات الجامعه,,مسموح لنا بجميع الالوان بس بشروط:
((اللبس ساتر-مايكون شفاف-مايكون قصير))

[{ آإلبدر }]

طـــيب وبــعديــن هـي البنت قآعدهـ مع رجـــآآل ......؟

هــي جـآلسـه مـع بنـــآآت مثـــلهآآ يعنــي عـــآدي بـس بشرط ان يكوووون ســـــآآتر ....!!


تقــبل مروري ^_^

تشــآآآآآآآآآآو

[ممادو]

المفروض يصير زي موحد فيه بنات ماتقدر تنافس عرض الازياء الموجود في الكليات // فيه فقرا ياناس

[قاصدخير]

الله يجيب السيل

[Є β т i š š ά м]

اقتباس: والسؤال الأكبر: هل أفسدت جامعة القصيم كليات التربية للبنات....؟؟

وين الفسااد ليش تضخم الموضوع والله ع بالي في موضوع كبير

هو بس انو مصرح بلبس اللوان لكن مو شفاف ولا قصير ولا شي عكس اول موحدين لونين الابيض والاسود


كل بنت وشخصيتها مو من المعقوول نتحكم بالفساد وغيرهـ علشاان لبس وغيرهـ !!

[راصد جماعته]

اخي المعروف اتعجب من هذا المجتمع المتخلف البائس !!!!!! ليش تكرسون

ثقافة الحيونه بمجتمعنا ؟ حنا ناقصين ؟ يعني لازم عصاء ومنغاز ولا مانعرف الصح

من الغلط على فكره اذكر عندنا بالخبوب القبليه من زمان اعزك الله (حمير )

ارتفعت عن الضرب بالعصاء يعني الفلاح مايضربها لانها تعلمت تدخل بالبرسيم

لبريد(الجرده) ودلال البرسيم يحط عليها بعض المقاضي المتفق عليها مع الفلاح

مسبقا ويترك الحمار هو يرجع للفلاحه يعني عنده ( رقابه داخليه) وانت الان

تقول ان الفضيله عند تعليم البنات ولكنها ماهي عند بناتنا بدليل انك تقول مجرد

انتقال الكليات الى الجامعه تخلن البنات عن الفضيله باللبس اذا الاخلاق بادارة

البنات اما بناتنا ماعندهن رقابه داخليه ولا واعز داخلي يعني يمشن بالعصاء

والقانون الخارجي واي فرصه او تراخي الله يستر * ياخي حتى بنوكنا

استسهلوا وضع حواجز حديد للناس مثل البقر بدل ما يتم تعليم الناس النظام

واهم منه الرقابه الداخليه *والله طرحك خطير ويأصل لثقافه اخطر * انا محبط

*تحياتي

[حبيبة قلبة]

انا من منسوبات احد الكليات ..... اقولها بالخط العريض المسؤولية تقع على العمـــــــــــــــــــــيدة ""لادخل للجامعه فيها وبعدين من قال اننا نسمح بالاشياء اللي قلت زي ما قالوا البنات تكتب البنت تعهد اذا خالفت وفقط في الشتاء الالوان مسموح فيها وغيرة تعاقب وين رايحين حفلة او زواج او عرض ازياء يا بنات يا اخوات رايحين مكان وصرح علمي اللبس الرسمي الهادي والله احلى بكثير من الخرابيط الفاضية والغير ساترة ...

تحياتي

[المعروف]

اقتباس:  المشاركة الأصلية كتبت بواسطة Queen of buraydh     غريبة !! العام الماضي بالرغم من انضمامنا للجامعة الاّ اننا نُعاقب على مخالفة الزي الموحد الشرعي الذي فرضتة ادارة الكليات علينا !!

الله يبشرك بالخير

وما أنا إلا ناقل معلومة وصلتني..

والأهم هو عدم تحويل الكلية لساحة عروض أزياء

[المعروف]

اقتباس:  المشاركة الأصلية كتبت بواسطة Rambitious     السلام عليكم أنا أحد طالبات جامعة القصيم والزي لدينا موحد (أبيض،أسود) وساتر ومن تخالف القوانين تعاقب. أما بالنسبة لرأي أختكم حول المكافآت قد تكون حيلة منها (عشان تسحبك للسوق) . لا أنكر أن هناك من تبالغ في لبسها لكنها حالات أقل من أن تعمم أو حتى أن يستشهد بها في مثل هذه المواقف وغيرها. وشكرا ً ،،،

الزي حسب ورقة التعهد التي قرأتها واطلعت عليها لاتشترط لونا محددا للبلوزة

بينما تشترط اللون الأسود للتنورة..

واشترطت أيضا الا تكون الالوان صارخة..

وعن حيلة الاخت.. ممكن يكون ماكرتي..!! وابوريها الشغل اذا صار صدق

[المعروف]

اقتباس:  المشاركة الأصلية كتبت بواسطة Male 5l8     مراااااحب.. انا من طالبات الجامعه,,مسموح لنا بجميع الالوان بس بشروط: ((اللبس ساتر-مايكون شفاف-مايكون قصير))

اقتباس:  المشاركة الأصلية كتبت بواسطة أرق إنســانة     بالنسبه للكليه العلميه مسموح فيها جميع الالوان لكن يكون لبس ساتر .... أما لبس الشفاف او القصير او فيه قصه يظهر منها جزء من الجسم فهذه الطالبه يكتب عليها تعهد

تأكيد لمسألة تعدد الألوان ...

وجميل ان يشترط ان يكون ساتر

[المعروف]

اقتباس:  المشاركة الأصلية كتبت بواسطة هلالي صميم     طـــيب وبــعديــن هـي البنت قآعدهـ مع رجـــآآل ......؟ هــي جـآلسـه مـع بنـــآآت مثـــلهآآ يعنــي عـــآدي بـس بشرط ان يكوووون ســـــآآتر ....!! تقــبل مروري ^_^ تشــآآآآآآآآآآو

وانا اخوك السالفة ان هالشي بيرهق كاهل الفقراء والمساكين..

و.... بس