كلَّ عام وانتِ .. ن/ب/ض/ي

[بدر بن عبدالله الدخيل]

[align=center]كل عام / وكل جرح / وكل ليل / وكل فرح ..


وما أشوفكـ !


المباسم والثغور ..


والعطور اللي تناديها العطور ..


والجمر يحكي حكاية الضحى !


والمباخر جا يعانقها البخور ..


ويش اقول وكل من حولي سعيد ؟؟


وكم ايد تعانق من الشوق ايد ؟؟


إلاّ ايدي ..


ما لقت منهو يبرّد شوقها ..


تحبس انفاس الغلا بعروقها ..


وسالت الحسرة على خد الوريد !


آه يا دمعي تصبَّر ..


آه يا وقتي تعبَّر ..


آه يا المشتاق قلّي !


دام في صدرك محلّي ..


وش بقا .. اللهُ أكبر !!


كل عام / وكل جرح / وكل ليل / وكل فرح ..


وما أشوفكـ !





.


.





ضاق ك ـــوني ..


واتسَّعْ صدر السكوت ..


يا ج ـــنوني ..


والفَرَح دايم يفوت !


الاماني والتهاني ..


وكل همس وكل صوت ..


لو يغيب الكون كلّه ..


لو يبيع الخل خلّه ..


إلاّ حبكـ !


أيه حبكـ !


بس حبكـ !!


أنتِ لا يمكن يموت ..


كل عام / وكل جرح / وكل ليل / وكل فرح ..


وما أشوفكـ !





.


.





يا سهر !


نبّه عيوني لا تنام ..


يا قهر !


علمتني قل الكلام ..


وين اروح ؟؟


ماني عارف !


كيف اروح ؟؟


ماني عارف !


ويش اسوّي ؟؟


وأنت عارف ...


الحنين اللي بجوفي ..


دون حد ..


والسنين اكبر من ظروفي ..


واشوف الحظ ند !


حيلتي افرك بيديني ..


انتِ وينكـ ؟


وأنا ويني !!!!!!!!!!!!!!


كل عام / وكل جرح / وكل ليل / وكل فرح ..


وما أشوفكـ ![/align]








[align=center]كل عام وأنتِ ن/ب/ض/ي

بـ قلم / بدر الدخيل[/align]