الأسواق هذه الأيام والمظاهر الغير حضاريه

[جلوي العتيبي]

وينك والله في السوق ...من وين جاي والله من السوق ..

^^^^^^^^^^^^^^^^^^^^^^^^
لسان حال الشارع والمجتمعات هذه الأيام

أسواقنا زحمه والتسوق غير مشجع في أكثر من جانب .

لعلنا نجعل هذا المتصفح لمناقشة قضايا ومشاكل التسوق هذه الأيام بطرح مشكله ومناقشتها بشكل مبسط لننتقل بعدها لقضيه ومشكله أخرى .

وسأبداء بالأخوات الفاضلات وليتحملن البدايه الهجوميه

المنظر :

صرافة في أحد الأسواق وانا ومجموعه من الرجال ننتظر وإذا بالأخت تتخطانا لتقف في الطابور وتحاول الدخول للصرافه وكأنها لاترى أحد

وين يافاضله لو سمحتي ..تتراجع بنظرات حانقه وتمتمات متنرفزه .

هذا المنظر يتكرر في أكثر من مره وأمامي شخصياً فإلى ماذا نعزو أسبابه ؟

وكيف يمكن علاجه ؟

[باونتي]

يؤ

فإن لم تستحي فاصنع ماشئتـ ,,,,,,

للاسف بالزمن هذا الرجال اللي يستحون الا من رحم ربيـ ....


اما عن زحمة السوق فـ الله يعيييييييين

[كيفي عتيبي]

[align=right]

اقتباس: وينك والله في السوق ...من وين جاي والله من السوق

واشتر .. ورجع ..
وسردادك مردادك !!

اشعر بـ معاناة اخي هذه الايام ..

وانا .. والحمد لله ..

عزوبي .. ومرتاح ..

ومتفرغ لـ العباده ^_^



.[/align]

[ضحاوي]

هلا اخوى

ليدز فيرست يابوا الشباب

مفروض ذوقيا تعطونهااا الدوررررر وعلى طارى المناااظر بعطيك منظر



كنت بالنخيل في ملاهى الا طفال وكنت ابي اعدل شيلتى

المهم اختك في الله تروح ماسكه خط وادخل الله يكرمك دورة المياه

المهم دخلت ونزلت الشيله واناظر وراى بالمراية اشوف خشة رجال

انخرشت

ودخلت داخل واناظر بالمراية صاروا اربعه المهم قلبي طاح بسرعه عدلت غطاى واناظر محد فيه

تنفست الصعداء يوم اطلع الاقي الامن على الباب ويقولون حمام رجال يالاخت هههههههههههههه


قسم سحت مكانى بس كرهت النخيل كل ماروح مكان هذولى الاربعه وراى وربي كل واحد كبر ابوي

رجعت اعلم اخوانى خخخخخخخ قالوا مو منك من اللى يخليك تروحين مره ثانيه

[اسم العضو]

اقتباس:  المشاركة الأصلية كتبت بواسطة جلوي الشقير     وينك والله في السوق ...من وين جاي والله من السوق .. ^^^^^^^^^^^^^^^^^^^^^^^^ لسان حال الشارع والمجتمعات هذه الأيام أسواقنا زحمه والتسوق غير مشجع في أكثر من جانب . لعلنا نجعل هذا المتصفح لمناقشة قضايا ومشاكل التسوق هذه الأيام بطرح مشكله ومناقشتها بشكل مبسط لننتقل بعدها لقضيه ومشكله أخرى . وسأبداء بالأخوات الفاضلات وليتحملن البدايه الهجوميه المنظر : صرافة في أحد الأسواق وانا ومجموعه من الرجال ننتظر وإذا بالأخت تتخطانا لتقف في الطابور وتحاول الدخول للصرافه وكأنها لاترى أحد وين يافاضله لو سمحتي ..تتراجع بنظرات حانقه وتمتمات متنرفزه . هذا المنظر يتكرر في أكثر من مره وأمامي شخصياً فإلى ماذا نعزو أسبابه ؟ وكيف يمكن علاجه ؟

[align=center]أخي جلوي

النساء أولآ ,,, متعودات هم قبل الرجال ,, النساء عند الخباز

يعطيها لخبز قبل الرجال مره ويطنبسون الرجال ليس حياء منها

بل حياء أن يقال له عيب عليك,,, هذه مرأه مالها أحد يجيب لها خبز ..

وأنت رجال تقدر توقف وتصبر ..

فتخجل وتهز رأسك وتقول أيه مرأه ..

وتعودو وصار كل السروات لهم من الخباز الى الصرفات ..


سلام ..[/align]

[بدرالوابلي]

اخي العزيز جلوي الشقير ..........

موضوع في وقته ........الأزدحام في الشوارع والأسواق وتهافت الناس على الشراء..........................موقف مؤسف شاهدته في احد المحلات ؟؟؟؟؟ ان الأجنبي الزيدي يختار الملابس الداخليه لبعض النساء !!!!!!!!!! وابويمن واثق من نفسه لابس جنز وحاط جل بشعره ؟؟ الله يرحم ايام القبال //الجبال //وملاحق الحمير بصنعاء .والله يخلف على بعض الرجال من ربعنا !العنز تسرح والتيس بالدار !

[الرحـّـال]

اقتباس:  المشاركة الأصلية كتبت بواسطة جلوي الشقير     وينك والله في السوق...من وين جاي والله من السوق .. [/color]

[align=center]

ابوشهد

ماتقول إنك تتكلّم عن حالنا ؟هذا الله يسلّمكـ

مرااات للشراء .. ومراااات للترجيع
و
خليها على الله

إما

الصراف خلكـ ذيب زبّن حالكـ من بدري بالكاش ..وزوّد شوي <انا ابخص

الصراحة

ثقافة الصرف , والصرافات وخل نزوّدها شوي ونتوسّع (الإلتزام بالدور)
تنقصنا كثيراً

سواء
بنات حواء أو عيال آدم


اعذب تحية[/align]

[أم خماس]

فتـــن كقطـع الليل المظــلم ..

والأسواق مزرعة الفتــن .. الم تكن أبغض الأمــاكن الى الله ؟


مايحنقني ويغيظني وأرجـو وقفة جاده من الإخـوان لإبلاغ الهيئــه لأخذ الاحتياطات اللازمـه ..

رسالة وردتني ..


( اجتــماع للشباب والفتيات في النخيل بلازا في يوم الوطن يوم الثلاثاء )


كــأني أرى الآن أي جنون سيحصل

ياااربي لاتغضب عليناا ..

[جلوي العتيبي]

باونتي

المشكله إنا نستحي ونقدر .

لكن لاصارت الفاضله اللي تخطم ماتستحي وش الحل ؟

[جلوي العتيبي]

ابو عتب

آه يامعاناة السوق

والله يرزقك زوجه ماتحب الأسواق ..مع اني ما أظن إنها موجوده

لكن ماقلت لي رأيك بالموقف ؟ وش أسبابه ؟

[جلوي العتيبي]

ضحاوي

اقتباس: ليدز فيرست يابوا الشباب مفروض ذوقيا تعطونهااا الدوررررر

شكلك ممن يمارسن هذه الطريقه اي ليدي فيرست وذوق ..

هي مافكرت بالذوق ولا إستاذنت .

خلي اجل اقارن لك بينها وبين من سبقتها .

كانت قبلها وحده رفضت تتقدم ونادت احد الشباب وقالت تفضل انت جاي قبل ..قمة الإحترام الوعي

لكنها في نظري نادره في مثل هذه المواقف .

عاد موقف دورة المياه ما ألومك لإنهم غيروا دورات المياه النسائيه وحطوها رجاليه

[جلوي العتيبي]

اسم العضو

اي والله شكلهن متعودات على هذا الأمر ..عاد وين يصبر الرجال ويتحمل .

والله انهن بالأسواق أنشط من الخيل لا إله إلا الا الله .

لكن هي عادات خاطئه وسلوك غير حضاري في مجتمع المفترض أن يكون أرقى بكثير من هذا التدني

شكراً لك

[ضحاوي]

اقتباس:  المشاركة الأصلية كتبت بواسطة جلوي الشقير     ضحاوي شكلك ممن يمارسن هذه الطريقه اي ليدي فيرست وذوق .. هي مافكرت بالذوق ولا إستاذنت . خلي اجل اقارن لك بينها وبين من سبقتها . كانت قبلها وحده رفضت تتقدم ونادت احد الشباب وقالت تفضل انت جاي قبل ..قمة الإحترام الوعي لكنها في نظري نادره في مثل هذه المواقف . عاد موقف دورة المياه ما ألومك لإنهم غيروا دورات المياه النسائيه وحطوها رجاليه

بالعكس انا اشوف الوحده مالها حق تنتظر واذا صار صراف في سوق مفروض نسائي الله يسعدكم سيارتكم معكم لكن حنا لا عندنا وقت محدد مافيها شىء

يمكن طبت الاخت غلط عليكم بس مفروض انتوا من انفسكم تقدمونها افضل ماتمسك سرى مع رجال

وعلى طارى دورا المياه العيب منهم ملزقينها ببعض

[جلوي العتيبي]

اخي بدر الوابلي

لا تلوم اليماني

ولم وزارة العمل وحكومتنا الرشيده فهي من رفض عمل النساء في هذه المحلات .

[الصافي]

قد يكون استغلالاً لتقاليد وأخلاق هذا المجتمع الذي يستحي من مزاحمة المرأة يعني غصب عليك ترجع عني

ثانياً قلة الحياء من الله أولاً ثم من الناس

ثالثاً نسأل الله أن لا يكثر في نساء المسلمين أمثالها