قصة يقشـــــعّر لها البدن (بنــت سعودية ..والا اقول ادخلوا .... و تعرفون؟؟!!)

[مسافره بلا زاد]

بسم الله الرحمن الرحيم ....


السلام عليكم ورحمة الله وبركاته...


اليكم هذه القصة الغريبة التي يقشعر لها البدن ...



القصه تقول ان فيه بنت تدرس في الثانويه واسمها (عبير ) مره راحت السوق مع امها ,وقابلت واحد ورقمها المهم اخذت الرقم واتصلت عليه تعرف عليه وهو

اسمه (خالد)المهم تعرفو علي بعض وزادت العلاقه وقوت بينهم ...المهم كلن منهم

يبي يقابل الثاني ولا لقو طريقه وفجأه جت فكره لخالد...

قال اقول عبير ورى ما نتقابل عند المدرسه ..

قالت عبير:: كيف وضح؟؟؟

قال اسمعي انتي ابوك يزلك الصباح ويروح الدوام صح؟

قالت :صح عليك..

قال ةانا امرك وتركبين معي

قالت بس المديره بتكلم على البيت

قال :: افصلي التليفون وارتاحي

قالت::بس خايفه اتوهق

قال جربي ونشوف

المهم راح ابو عبير ووصل بنته للمدرسه ومشى .. وثواني الا وخالد واقف وركبت

عبير بسرعه وراحوا افطرو في ذا الكوفي شوب الفخم وجلسو يسولفون ويم تمت الساعه 12:15 راح خالد ونزل عبير ورجعت البيت وهي خايف بس محد درى .. وكلمت خالد على

طول وقالت ان اهلها ما درو

وطمنته وسولفو شوي وقال خالد وش رايك اقابلك بكره

قالت :لالالا مو كل مره تسلم الجره

قال :المره ذي جايب لك هديه

قالت :مر واشوف الوضع

ومر خالد في الوقت نفسه وركبت عبير

المهم مالكم في طولت الهرج اخذو عللى هالحال اسبوع كامل من السبت الى

الاربعاء ...

وجاء يوم السبت اليوم اللي نست فيه عبير تفصل التليفون.. وطلعت مع خالد ..

ولا التليفون يرن ..قامت ام عبير (يالله صباح خير)

ام عبير:الو

المديره ::الو السلام عليكم

ام عبير :عليكم السلام من تتكلم؟؟

المديره::انا الاستاذه هدى مديرة المدرسه اللي تدرس فيها بنتك

ام عبير::هلا عسى ما شر

المديره :لا ما فيه الا الخير بس عبير لها اسبوع ما داوت عسى

ماهي مريضه ؟؟

ام عبير ::كيف ...((وصرفت الموضوع)) ايه الله يسلمك البنت مرضت شوي بس

المديره :: زين الف حمد الله على سلامتها مع السلامه ::

ام عبير دارت بها الدنيا وما تدري وش تسوي هل تعلم ابو عبير

ولا تمسك البنت وتسالها ؟؟..؟؟

المهم قالت لابو عبير عن كل شيء وقال اسمعي لا تقولين لها

اي شيء انا بشوف وين تروح...

ويوم الاحد وصل ابو عبير بنته ومشى شوي وصفط يمن الا هاك

االلكزس تمر وتركب عبير بنته المهم اللكزس كانت مضللله

ومشى وراها ابو عبير الين هاك الشقق ونزلت عبير وخالد

وصفط ابو عبير ونزل ومسك راعي الشقق وقاله في شقفه

وعلمه شقه 14 وطلع ابو عبير وهو يرقى الدرج كان خالد نازل

وما انتبه ابو عبير له المهم طق الباب وفتحت عبير وانصدمت

يو شافت ابوها وضربها وهي هجت للمطبخ واخذت السكينه

تبي تروع ابوها وغلطت وطعنته في صدره وطاح الابو مغمى عليه

وجا خالد وشاف الموقف وقال لعبير بسرعه شيلي معي للحمام

وحطوه في ((البانيو)) وملوه مويه وحطو عليه صابون الغسيل عشان الرغوه وطلعو

ورجع البنت للمدرسه وهي تفكر في

اللي صار حقيقه ولا خيال ..المهم طلعت من المدرسه ورجعت

مع الباص وطقت باب البيت الا المفاجأه الغريبه ابوها فتح لها....

وصاااااااااااحت وقالت ::ابوي مو معقول




















رد وقال ::مع تـــــــــايـــــــــــــد في الغسيل مافيش مستحيل

ههه هههه ههه هههه هههه ههههه ههههه ههههه



----------------------
وصلتني بالبريد:1:

[بردقانه]

الاخت مسافره بلازاد .... الله ياخذ عقلك رجيتيني

عموماً حلووووه .. بس ترى هذي دعايه لتايد ... وحنا مقاطعين التايد..

تحياتي اختك بردقانه

[ليون]

مسااااااااااااااااااااااااااااااااااااافره
هبلتين
جانى شد عضلى وانا اقرا الموضوع
لكن المره الثانيه خلوها تحط داك لأن مثل ما قالت بردقانه مقاطعين التايد

اختك
ليون:13:

[مسافره بلا زاد]

هلا ببردقانه ....اجل رجيتس ...افاااااااااااااا بس صيري زي وقوي قلبتس ...(الله من الدج ) لا واللي قاهرن زود ضحكته بالاخير هههه ههههههه هههههههه هههههههههه

يستخفن بنا ابن اللذين ذا ...

على العموم من الروعه راح عن بالي قصة التايد



تحياتي لتس:1:

[مسافره بلا زاد]

هلا والله بليون بعد انتي خفتي ...افااااااا اسكتن بس لا يشوفونكم العيال ويقومون علينا ...والله ما هقيتكن ذروقات ...بس انا اولكن ترى

اسم الله عليتس من الشد العضلي <==انا متعوده من كثر ما اناظر افلام الرعب


وعلى راسي من فوق المره الجايه احط دااك ولا يهمكم ...اعجبتكم القصة



تحياتي لك:1:

[فريـــد]

المراقبة : مسافرة بلا زاد

هاه .. وش صار عليكي .. لقيتي زاد ... أو إلى هالحين ؟

والله خطاء الوحد يمشي بلا اكل ..هههههههه


* المشاركة هذي سبق وان كتبتها في هذا المنتدى وتجدينها على هذا الرابط : ( مع يقيني بعدم معرفتك بذلك )

http://forum.buraydh.com/showthread....&threadid=4592

والسلام.

[ALI 9]

السلام عليكم ورحمة الله وبركاته

أختي مسافره

قصة جميلة ورائعة

وحتى ما اكون مبالغ سبق وقريت القصة لكن قريتها مرة ثانية لأنها معجبتني

اشكرك على حماسك في المنتدى


أخوي تقهو لا تفشلنا همن لمنك كتبته وسع صدرك الا تبي تكسحه

ولكم جميعا الشكر والتقدير

تحياتي
المطنون

[مسافره بلا زاد]

يا حليلك يا تقهو وثر القصة واصلتك قبلي يا الله معليش جل من لا يسهو ....بس معي عذري ها القصة كاتبينها برمضان وانا ما جيتكم الا عقب عيد الضحية ...


انا اعتذر لك اخوي تقهو ومشكور على ها التنويه ...بس واثركم ماشاء الله من مبطي هنا في المنتدى ..الله يديمكم ذخر للمنتدى انت وامثالك ...لا وبعد حاطين دعاية لحليب السعودية وشماغ المراسيم ...وكالة اعلان ...بس خلنا نخليها للاعضاء اللي ما سبق قراءوها مثل اللي فوق يعني بردقانه وليون كلهم جدد واذا تبيني احذفها فمن عيوني وهذا حقك ....وبعدين يا ليت تشيل لقب مراقبه قبل اسمي ...

وان كان على الاكل ..فيا اخي قلنا لك حنا نحبب نخفف ..موهب زيكم يا الرجال ما همكم الا بطونكم ما تمشون الا وخيشة الرز معكم


الف تحية لك :1:

====================

يا بعدي يا اخوي المطنون ...

مرسي اوي على مجاملتك ...
والشكر يمتد لك يا اخي الفاضل على طرحك الرائع والشيّق دائما ...

تحياتي لك ....وسلملي على ها البنت الامورة اللي بالصورة ....

[الكيميائي]

مسافره بلا زاد



الله يرجك

جالس اقرا كل كلمه خايف يفوتن شي

وبعدين تطلع هالحركه

[فريـــد]

مسافرة بلا زاد

لاتأولين كلامي خطاء ..

انا ارحب بأي مشاركة تفرح أعضاء المنتدى ..

لكن كونك مراقبة ..

هذا يحتم عليك معرفة المكرر من الجديد .. ( والا أنا غلطان )


.. وأنا مبسوط لما قريتها هنا..


لأن السالفة منسية ..


هذا هو القصد

وشكرا

* مازالت المشكلةقائمة : فيه أحد يسافر بدون أكل ؟
----------
المطنون

أنت وينك ..

منذ مبطي .. ماشفناك:1: :1:

الله يحييك..

ولاعمرك تزمر .. ترى عندي لك واحد فتوة والم للمشاكل

[أل القصيمية]

هلااااااااا مسافره مرسي على هالقصه الحلوه

يا بعدي يا انا متحمسة و قاعده اقرا و بالاخير


بس تشكري



و انتم يا اخوان ميخالف و لا صارت مكرره عادي



يالله سلام


مع السلامات

[مسافره بلا زاد]

كيمو ...آل القصيمية....
معليش تعيشون وتاكلون غيرها

----------------------------------------

اخوي تقهو انا آسفه ..ولا يهمك راح ارجع لمواضيع المنتدى من يوم ما بداء قبل لا انزل اي شيء عندي

ومنكم نستفيد ...


تحياتي لك ...

[مغترب عن الديرة]

زييييييييييييييييييين ! ! ! !

الله يرجك ان شاء الله

لكن المرة الثانية اذا شفت عنوان او قصه مثل كذا
ابنزل بالفارة الى اسفل القصه وشوف هي حقيقيه او لا قبل ان اقراها ..


كذا اصرف والله

[مسافره بلا زاد]

هلا والله بالمغترب ...


وش دعوه وراكم كذا ..يناس هذي دعابه بريئة ...يعني كذا تقعدون على اعصابكم وانتم منسجمين مع القصة همن ... ...تنفجرون من الضحك ...


بس مو فعلا تقولون بينكم وبين انفسكم الحمد لله ان القصة مو حقيقية ...


تحياتي لكم :1:

[الرجل البسيط]

اختي العزيزة مسافره بلا زاد بصراحه قصتك مررررررررررررررررررررره شيقه بس كأنها مبالغ فيها شوي ( واحد الا غصب يطلع عذروب ) بس الحقيقة انا انبسطت لما قريتها لانها اول مره اقراها وهذا ميزة الاعادة وانتي اهل لانك تكونين مشرفة ولا لا يا اخوان ؟