آشوٍفُ آختُكَ ..! ؟؟؟

[ابو الشلاليم]

قبل أيام كنت أجلس مع أحد الأصدقاء فقص علي قصة ً سأحكيها لكم :


يقول صديقي

: أتتني والدتي قبل أيام تقول لي بأنها وجدت عروسا ً مناسبة لي ذات دين و حسب ونسب وجمال

يقول: فرنت كلمة (ذات جمال ) في أذني كما ترنّ النقود المعدنية إذا سقطت على الأرض .

فدفعني فضولي لأن أسأل والدتي عن اسمها ‘ عمرها ،شكلها ، دراستها ، أهلها .....................

يقول : فكانت أمي تمدحها لي وتصفها وصف ( العجايز)
فتقول : والله يا وليدي البنت مزيوووووووونه بالحيل وعيونها كبر الفناجيل ( حشى هذي بومه مهي بنت)

يقول المسكين : عندها تمنيت لو أن لديّ أخوات فهنّ من يستطعن أن ينقلن الصورة الحقيقية لي ثم أردف قائلا
:
توكلت على الله وطلبت من أمي أن تفاتحهم بالموضوع ( خطبة حريم يعني) فكانت الموافقة المبدئية ثم حددنا موعدا ً لزيارتهم وكنت على أعصابي أنتظر ذلك اليوم

وجاء اليوم الذي سيغير مجرى حياتي
فظهرت بأبهى حلة وأجمل هيئة وذهبت مصطحبا ً معي أخي الأكبر

تمت الخطبة بشكلها الرسمي المعتاد لكني مازلت قلقا ً متخوفا ً وأقول لنفسي : كيف لو كانت البنت عكس ما قالت أمي يا والله الورطة
يقول صديقي : فخطرت في بالي فكرة تولدت في تلك اللحظة وتحمست لها
إلتفت إلى والد الفتاة وقلت له : ياعم أبي أشوفها !!!

فتح والد الفتاة فاه في ذهول وكأني نطقت بالكفر : هااااه وش تشوف ؟!!
: أشوف بنتك

يقول صديقي : لم أنتهي من كلمتي حتى رأيت وجه الرجل وقد تغير فظهرت على محياه ألوان جديدة لم ندرسها حتى في المدرسة !!

فأجاب الرجل في حده : ما عندنا بنات ينشافون ( عصب الشايب )

يقول صديقي : فما زلت أحدثه أنا وأخي عن أن هذا موجود في الشرع الاسلامي ويسمى بالنظرة الشرعية وقد حث الرسول صلى الله عليه وسلم على هذا حتى هدأ الرجل ثم أخذ يفكر
فقلت له : يا عم أنا لو ما أعرفكم زين كان ماجيت أخطب عندكم وإن شاء الله إن ربي بيكتب اللي فيه الخير

سكت والد الفتاة ثم قال : طيب ، تجيني بكره بعد صلاة المغرب لحالك

يقول صديقي : خرجت من عنده ثم أتيته في يوم موعدنا فأدخلني المجلس وقدم لي واجب الضيافة وكنت أقول في نفسي كلما سمعت الباب يطرق : هااه الحين تدخل علينا ومعاها العصير
لكن جاء العصير ولم تحضر هي

جلس والد الفتاة بجواري وأخذ يتكلم في كل شيء وأنا خارج نطاق التغطية لا أدري عما يتحدث
وبعد قليل قام الرجل وغاب عني برهه ثم عاد وقال لي : تعال
قمت ولا أعلم ماذا يريد
فأمسك بيدي فسلمته نفسي وصرت أتبعه كما يتبع الطفل والدته فإذا أنا بممر ٍ طويل ( سيب) إنارته خااااااااااافته جداً
فقال لي : وقف هنا !!
ثم نادى : تعالي يافلانه
وبعد قليل ...............






تشوووووووووووووووووووووووووووووووووووووو

فإذا بشيء يمر من أمامي ويختفي سريعا ً ، أعتقد بأن سرعته لا تقاس إلا بسرعة الضوء

تعرفون ( بيب بيب )

هذا



مثله تماما ً

يقول صديقي : فقال صديي للرجل : والله ما شفت شي خلها ترجع
وبعد جهد جهيد رآها وما كاد وستكون ( ملكته) الأسبوع القادم بإذن الله


أحبتي
موضوعي اليوم سأجعله عن النظرة الشرعية ( الشوفه) وسأترك للجميع حرية الكلام فقل هنا ما يحلو لك وما تعتقده أنت وتقتنع به

سؤالي لأخوتي للشباب:هل ستطالب ( بالشوفه ) إذا خطبت ؟؟
هل ستقبل بأن يرى الخاطب أختك قبل ( الملكه ) ؟؟

سؤالي لأخواتي للبنات:

هل سترفضين ( الشوفه ) لو طلبها العريس ؟


منقول لإعجآبي بـه

[صدى الصوت]

اكيد بطااااااااااااالب وبقوووووووووووووووه

[البـــBADERـــدر B.D.Q]

ابو الشللايم
واحد ن الشباب تزوج قبل فتره
وطالب من اهل البنت انه يشوف البنت
طبعا اهل البنت جدا ناس فاهمين وواعين ولا فيهم العنتهه الصعبه
المهم جت البنت وجلست مع الولد ومعهم والد البنت وجلسوا تقريبا ربع ساعه او 10 دقايق
وباخر الوقت قام والد البنت وجلس يحوس بالتلفزيون ( يبي الولد يناظر البنت باكثر اريحيه )
والحمد الله الله جمعهم بالخير وتزوجوا
لكن شف طريقه تفكير والد الفتاه وشف طريقه تفكير الي بالقصه
سبحان الخالق

بالنسبه لي بطلب الشوفه وزواجي منهم متوقف على الشوفه بالاول والاخير
واذا ماشفته زين بطلب مره ثانيه وثالثه الشرع حلل لي هالشي
واذارفضوا ارفض اقتراني بهم وبنتهم تلقى واحد ترتبط به غيري

[غديــــــــــر]

اهلين..

بالنسبه لي اكيد طبعا الشوفه الشرعيه مهمه جداً..بالنسبه للاثنين..يعني لازم يشوفون بعض..وبعض الشباب الله يهديهم أنانيين اذا جااء يشوفهااا يجلس يطالع فيها علطول ولايلتفت..فياأخي الشاب عطها فرصه تشوفك وناظر في الجدار شوي ههه...

انا مو مصدقه انه في ناس للحين تمانع في النظره الشرعيه ..الشيء هذا من حق اي اثنين بيتزوجون..عشان ماحد يقول انغشيت في الثاني...هي نظره واكثر منها راحه..

وبالنسبه لاهلي واللي حولي كلهم..يشجعون هالشيء وحتى لو هو ماقال يخبرونه انه لازم يجي يشوف البنت وتشوفه ويتكلمون شوي...

وبالنسبه للسؤال :
بالعكس بوافق..واذا هو ماطلب انا بطلب ..حتى انا من حقي اشوفه ..بعد مايدري يصير خبل والا شيء هههه<<امزح عاد ..بس يعني الواحد لازم يكون شعور..

الله يسعد الجميــع..

شكرا عالموضووع ..

[•°سـرىآ اللـيـل°•]

إيه مافيه شك وإن كنت كارهه لكن أفضل من الزواج على عمى .,

بس مع إحترامي لذاتي شبابنا لعابين يشوفون وإلا مايشوفون حرف الطاء بطرف ألسنتهم .,

ماغير خر مر بمجالس الناس ماتت الذمة و مات الضمير الله يخلف ماحولك رجال يصدقون .,

أهذب تاهيه’

[أنـفأإأس أإأللـيل]

أنا من رائي ان النظرة الشرعية
مهمة ولا تقتصر على الخاطب
كذلك المخطوبة فمن حقها مثل مالرجل
له مواصفات في شريكة حياته هي الاخرى
لها مواصفات في شريك حياتها ..
والنظرة الشرعية قد تشعر الطرفين بالارتياح
من بعضهما ..
لكني لا أحبذ جلوسهما مع بعض والتحادث
مجرد وقفه بسيطة لا تتعدى الدقيقه اظنها كافيه

عاد الشاب وقتها عيونه كنها دربيل بيقزها قز
ولو كانت عن بعد كيلو

تحية ,,

[هند الوفاء]

اقتباس:  المشاركة الأصلية كتبت بواسطة ابو الشلاليم     سكت والد الفتاة ثم قال : فأمسك بيدي فسلمته نفسي وصرت أتبعه كما يتبع الطفل والدته فإذا أنا بممر ٍ طويل ( سيب) إنارته خااااااااااافته جداً فقال لي : وقف هنا !! ثم نادى : تعالي يافلانه وبعد قليل ............... تشوووووووووووووووووووووووووووووووووووووو فإذا بشيء يمر من أمامي ويختفي سريعا ً ، أعتقد بأن سرعته لا تقاس إلا بسرعة الضوء تعرفون ( بيب بيب ) هذا مثله تماما ً يقول صديقي : فقال صديي للرجل : والله ما شفت شي خلها ترجع وبعد جهد جهيد رآها وما كاد وستكون ( ملكته) الأسبوع القادم بإذن الله [/color]

والله اني ضحكت على سرعة بيب .. شكرا لك اخوي (ابوالشلايم)

على فكرة اسلوب ابو البنت يربك البنت أكثر..فشيلة وحدة تشوف واحد وابوها جنبها ..مسكينة هي بعد تبي تشوف يعني لابها بسرعة بييب والابو متنح والخاطب بقق عيون ..ما شاء الله عليه لما ما شاف قال بعد بشوف فله ما سكت عن حقه..وطلع بلا رجعه

الاسئلة


سؤالي لأخوتي للشباب:هل ستطالب ( بالشوفه ) إذا خطبت ؟؟

إي نعم أكيد..شلون عيل يتزوج عمياني يمكن يطلع الرجال حلو بس ما يدخل القلب ودمه غثيث ..او شين ودمه حلو وترتاح له النفس والعكس صحيح

هل ستقبل بأن يرى الخاطب أختك قبل ( الملكه ) ؟؟
ايه مو لازم يطلب الاخ ..هي تطلب وحقها بعد ..على قولة غدير يمكن يطلع خبل هه ..هذا زواج ما يصير الوحدة تعيش مع واحد طول العمر وما شافته قبل !!

سؤالي لأخواتي للبنات:

هل سترفضين ( الشوفه ) لو طلبها العريس ؟

اممممم والله يعني هي اكيد البنت تبي تشوف شي طبيعي ..وشرعي..
لكن مدري ليش الموضوع ثقيل ..واحسه شخصيا مثل جر الوحدة للموت او حبل المشنقه مع انه الفضول موجود..خاصة قدام الاهل وكذا كان الموقف رهيب..
<< شكلها من طخت البيب بيب.. ..
وايش عشر دقايق وايد !! الرجال ما يخلون شي ما يسون له مسح ضوئي..ون منت او تو منت
اعوذ بالله عيونكم غير عيونا وما تعطون فرصة
شكرا ومبارك للجميع

[To Be]

شفت و شاف

[طالب وفا]

انا صراحـه خطبت من قرايب لنا بس ماتملكت لكن ودي بالشوفه الشرعيـه
بس عارف ان النسيب لايؤمن بهالنضره لتجارب سابقـه مع احد اخوتي معه!! ولاني عارف وش بسوي !!
يمكن بعض العادات والتقاليـد القبليـه تمنعنا

[ابو الشلاليم]

شكر لمروركم وتعليقكم
نورتو الصفحه

[بدر بريده1]

والله يا حبيب قلبي الشوفه مهمه بالمره من لكل الطرفين

طبعا اكيد ابطالب بالشوفه وانا الان لي عشر اشهر وانا انتظر لكن تقل فرجت !

نعم اقبل ان يرى اختي وان رفض ابغصبه على الشوفه !

الله يوفق الجميع ويعطيك الف عافيه

[مجردروح]

موضوعك حلو ومهم .
وازيدك مافي سلامة .
وحدة اعرفها . بعد ما طلب اخوها موعد للخاطب ليوم الشوفة رفض الخاطب بقولة اكتفي برؤية امي , لاكنها لم تسلم من الناس والسنتهم حيث اتهمت انها على معرفة به من قبل مع انها هي من منطقة وهو من منطقة اخرى

[جبل عمر]

لا والله أبشوفها أجل أدخل على عماه وإذا احد خطب مني أنا أبقوله شف خطيبتك وأنا أبجبره يشوفها حتى يكون على بيّنه

وأُفضّل إني أكون مع إختي أحسن من أبوي البنت تحب يكون اخوها معها وقت الشوفة تستحي من أبوها

وأيضاً إذا خطبت ألي أبسويه أبسلم عليها حتى أسمع نطقها وأبسألها سؤال خفافي هيك على شان الكلام والنطق وإذا جاوبت أبلتفت وأسولف على أبوها حتى تشوفني وما تكون عيني بعينها >> ايه يايزن الهرج بس ما عليكم جزوم الولد

[زوايا]

هذا حق كفله الشرع للزوج
وهو من اسباب نجاح الزواج
ومصلحته متعدية للطرفين


( وللمرأة أن تتزين بما يحببها إلى قلبه من غير خداع في شيء )

[تالا miss,,,]

لازم يشوفه وتشوفه بس اللي يظهر ان البنت تستحي شوي ن الرجال يعني تقعد تناظر زيه لذلك لازم تسترق النظر من الشباك عشان تشوفه وهو يتكلم وبعد تطلب صوره له ان ماحصل تشوفه زين ...عادي مافيهااشي ....والشباب ماشالله مايقصرون يشوفون وبعد يرجع يطلب مره ثانيه يشوفه ....اذا ماشافه اول مره زين ...
صراحه الشوفه اهم شي لايقعد بعدين يقول ماشفتك مااقتنعت والا شي...