الايازمن لحظه ولا تكشف المستور ---- وخل السوالف بين قلبي وشرياني
وخل الكلام الصح ياقف على الحنجور --- علمك وصلني من قديم وتعداني
تدور السنه ما عالج العله الدكتور --- وأنا من سبايب صدته عشت مرضاني
الا كيف تجرحني يبو جادل (ن) منثور --- وانا اجيكواعلق على شوفك العاني
وآنا آقف على بابك مثل وقفة الناطور --- ورددت بك أجمل قصيدي وقيفاني
صفق لها قلبي قبل صفقة الجمهور --- واقول تسلملي وصح الله لساني
وانا كل ما تطري بعد شفت منك الجور -- أشوف القمروأقول لا حي يليحاني
تجيبك لذة عيونك على دمعة المقهور --- وتشمت بعد فيني وشمتت عدواني
أسمع ولا كلمه ترى الدم قام يفور --- وربي تذوق الموت ولو جاك ماجاني
أنا ابغى يمين الحق ما ابغى يمين الزور --- أنا ملتي مسلم ولا نيب نصراني
وبحر الهوى يمشى على موجة البابور --- ولا أدري بحر همي على وين وداني
وأن آقف لياجيتك على ساقي المكسور --- زأفز لك كأنك من أعداك تنخاني
أفز لك بشعور ولا بدون شعور ---- وأنزلك مابين قلبي وذرعاني
ينادونك فلانه وأناديك بنت النور --- وأبديك ياروحي على فلن وفلاني
أنا كيف أبسلى عن جمال العيون الحور --- وطيوفها مع كل ساعه تبلاني
رجيتك تفك السحر عن عيشة المسحور--- من قبل لا تبكي عليه وتنعاني
ورجيتك تفك الهم عن حالة المذكور --- وأرسل خطاب الشوقلعنواني
كانت تلك قصيدة للشاعر المميز وأحد شعراء منتدى بريده الشاعر/ عادل محمد
العتيبي الذي صدح بالعديد من القصائد الرائعه بمشاركة الشاعر تركي بن
سليمان الشمري يقصائده التي تحمل في طياتها الميل الى الشعر الغزلي
والقاص الاستاذ / سليمان الطامي الذي ابدع في سرد القصص عن الزمن
الماضي
وذلك في الأمسيه الشعريه العاشره ضمن مهرجان بريده الذي يدير رحاها
المبدع الشاعر/ محمد الغرابي
كما شارك عدد من الشعراء بقصائد نالت استحسان الحضورحضرها عدد من المسؤلين
العرض الشجري