انصحوني بشركة ممتازة

[رموز]

السلام عليكم ورحمة الله وبركاته

حبيت استفسر عن شركة ممتازة للسفر لماليزيا

يعني ابي ادفع فلوس وكل شي عليهم فنادق والتنقل بين المدن بماليزيا

مع العلم اني اول مرة اروح لها

وابي السعر كم للشخصين فقط

واللي يبي يخاوين منها يعرفن على المدينه ومنها اتعرف عليه حياه الله

[دلووووووني]

هلا باخوي رموز

والله ماليزيا ماهب شينه


المكاتب كثيره

لكن نصيحتي لك قبل ان تذهب للمكاتب

اذهب الي الي موقع المسافرون العرب

خذ فكره كامله

عن

المدينة المهمه اللي يجيب زيارتها مثل كوالامبور بينانج لانكاوي جيتنق

ومميزات كل مدينه

ومن ثم شف الفنادق

الموقع والفئة
ومهم جدا الموقع لانه راح يسهل عليك عملية التنقل

موجود بالمواقع
العنواني الالكترونية للفنادق واسعارها

باختصار قم بزيارة الكترونية لماليزيا ومن ثم رح للمكاتب

اما الاسعار تتفاوت بين 5000 ريال الي 6000 ريال للشخص لمدة 14 يوم


تمنياتي لك برحلة موفقه وممتعه

[ولد نت]

[align=center]مراااحب

سفره سعيده أن شاء الله ..

بأعتقادي .. مكتب ريكسون للسفريات .. هو الأحسن ..

والكلام هذا بحكم تجربتي معاااهم .. لأي وجهه في أنحاء العالم ..

وتحياتي لك [/align]

[رموز]

مشكورين على الردود

انا ابي التنقل بين المدن من الشركة نفسها

وايضا حجز الفندق يعني باختصار كل شي عليهم

[د / ماسنجر]

لو كان بودي حملتك بين يدي
وتنقلت بك في شتى أزقّة ماليزيا كلها ...

ولكن ليس لدي الخبرة الكافية في ذلك
هناك موقع "المسافرون العرب" قد يفيدك كثيراً ...


بالتوفيق لك

[رموز]

مشكور يادكتور يامال العافيه

[موهوب القصيم]

انا شفت عروض عند الطيار

لمدة 14 ليله وفندق خمس نجوم

وتذهب لثلاث مناطق او اربع

الشخص يكلف مابين 8000 و10000 ريال

ويوجد لديهم عروض اخرى

وكل عرض يختلف عن الثاني حسب وقت الذهاب

[ممادو]

انا ابروح لمليزيا ..... شفت عروض الطيار نصب رح بنفسك احسن الطيار بس يحجزلك فنادق وطيران //// يوم حسبتها وثره يلعب على العالم // يمكن افضل شي المسافرون العرب موجودة مكاتبها في ماليزيا

[~§(عطر الحكي)§~]

الطيار لاتدور غيرهم

نصيحة محب ومجرب

[الفجر]

بن غيث للسفر والسياحه مره حلوه اسعارهم

واتوقع اذا بتروح روحه دلع بتكلف 15 الف تقريبا

فيه فندق لايفوتك اسمه الخيول الذهبيه جدا مميز

ومنطقه قليل مكاتب السياحه يرتبون لها رحلات اسمها كاميرون هايلاند فيها مزارع الشاهي جنه صراحه

[رموز]

مشكورين على الردود الحلوة
انا سمعت واحد يقول رايح عن طريق الطيار
ومنهم الطيران والفندق والتنقل بين المدن
وسكن بفندق الخيول الذهبية
ويمدح الطيار والله ماادري يمكن احسن شي اروح لمكتب الطيار
واشوف وش العروض الجديدة

[رموز]

محمد العزيز

اجل بتروح لماليزيا اغدين اخاويك
على قولتك الطيار نصب هذي مافيها شك
لان شركات السياحة هذا مكسبهم بس الزين فيهم
كل شي عليهم من طيران وفنادق وتنقل وهذا يصلح للي اول مرة يسافر
واذا اخذنا خبرة نعطيهم اشكل

[المعروف]

شف وانا اخوووك
الدعوة ماتحتاج مكتب
اسال مجرب

جهز نفسك ببرنامج من النت وخبرات الاعضاء
وبتلقى نفسك احسن مرشد

لا وبتوفر مبالغ

انا رحت بدون اي حجز ولا يحزنون

وآآآآخر وناسة ولله الحمد

[راعي القصيم]

تروح وترجع بالسلامة واذا جيت خبرنا عشان نستفيد منك اذا سافرنا