تعالوا شوفوا رومانسية السعوديين , يالله من فضلك

[فتاة المستقبل]

[color=#2E8B57]السلام عليكم ..

أول شئ أخليكم مع القصص, بعدين أرجع للب الموضوع وأطرح لكم تساؤلات في بالي ..


أحدداهن تقـــــول ..

في ولادتي الأخيره جاني نزيف وجلطه ,وبعد الولاده جلست في العنايه ,والدكتور يقول لزوجي :اذا تحب زوجتك انسى الاطفال اقل شي 5 سنوات لين تستقر حالتها ,
يوم بديت اصحصح من البنج وكنت اتالم ,عمليه ونزيف والقاه فوق راسي..
وطمن علي وبكل رقه قال: قولي اميييييين
عاد انا فرحت ,قلت اكيد بيدعي لي ان الله يعافيني واني ازوج بنتي او ان الله يخليني له
قلت :امييين
قال :جعل ما تدور السنه الا انتي هنا في هالغرفه جايبه بيبي ثاني خخخخخ
[color=#0000FF]قلت :ياخي تجمل ,اصبر على الاقل لين يطلعوني غرفتي ,اما تدعي علي وانا في العنايه تبيني السنه الجايه فيها



والأخرى تقول ..[/color]

زوجي محطوط على الصامت ماأدري يوم ولدته امه صاح او لا, مع اني ماضنيت انه صاح خخخخ..

ألبس ,أتزين, أصبغ ,مرة شقراء ,مره حمرا ء,مره احط برونزي ..

بنتي ام ثلاث سنين قالت: ليه ياماما انتي سوداء خخخ وزوجي الله يخلف مافي اي ملاحظه او تعليق

ودايم اقوله: اقص شعري؟ ؟اقلد هالحريم يمكن يحس
يقول لي: لا لاتقصينه ابزعل عليك, وهو شكله بعد يقلد الرجاجيل خخخخ

ميير ذاك اليوم ارووح اقصه ,او بمعنى اصح اعرمه قصير مره ,واسوي هاي لايت
وطول الطريق متحمسه اقول في نفسي:
الله يستر لايزعل يوم قصيت شعري
<<< يوم وصلت البيت وادخل ولا الشيخ ماسك الريموت ويقلب فيه و أجي وانا مرتاعه ,واجلس, الرجال ماحكى
احسبه زعل الله يخلف على قلبي خخخخخخ
اثريه مانتبه لشعري كله,,مير تتناقز العنز بوجهي من الزعل

وانا الي التفت عليه واهد فيه:


انت ماتحس ؟؟!!ماتشوف؟؟!! علمني ماتعب نفسي واتزين لك حرام الخساير خخخخخ
قال: لا بالعكس انتبه
قلت :طيب ياخي شجع ,امدح لو كذب قل رأيك

مابعد جتكم المصيبه

عقبها بكم يوم كلمني, وانا برا البيت قال: وينك ؟
قلت: في المشغل انا اقصد مشغل خياطه
هو يحسب قصدي كوافير
اول مادخلت مع الباب قال زوجي: الله وش هالزين وش هالحلاوه
انا طارت عيوني
واطير اركض للمرايه اشوف وجهي, و لاي شهبه لهبه حتى الكحل مهوب في عيوني والشعر لازق في الراس عقب النقاب
وارجع له وانا ماش ماني مستوعبه
قال لي: بصراحه نيو لك مره حلو
ابو الشباب مستمر في النصب ..
قلت :وشو انت ؟؟وش تقصد ؟؟اي تغيير؟؟!!
انقلب وجهه قال :انتي وينك من شوي؟
قلت :في المشغل
رجع لون وجه يرد قال :ايه محلوه وش سويتي؟؟
قلت: ضوقت فستاني خخخخخخخ
طمر دخل الحمام مادري ليه عاد هل بطنه حله خخخخخخخ او ماله وجه يشوفني او من الروعه




والأخرى تقول ..

مرة شريت شموع والله انا نفسي ماقتنعت بس صديقتي كانت معي بالسوق ولزمت علي أشريها..
المهم بعد ماعلمتني طريقة توليعها ووين أحطها بغرفتي
<<<<<< أخبرها إذا طفا الكهرب وبس
عطرت الغرفة وولعتها دخل أبو الشباب وعلى طول ولع اللمبات كلها
المشكلة ثريتي ام خمس وقال ليش مولعتها هو الكهرب كان طافي ؟؟
لاعادت عليها من شموع ومن رومانسية
قلت :
لا بس أجربها هي تشتغل ولا لا <<< امحق رد حاشا صارت جهاز مو شمع





وحده تبي تسوي ليله لوب اقي ليله على ما قالوا...وحاطه شموع وحاله يوم وصل سبع البرمبه....وإلا يقول الله يقطعك خنقتينا بثاني أكسيد الكربون ....الأخ مدرس علوم ...تقول من عقبها حلفت وقلت التوبه...


وحدة اعرفها ..كانت في بداية زواجها من 10 سنوات مناقر ونقير مع زوجها بسبب صغر سنها وطيشها ...وبعدين شوي شوي مع العيال والسنين عقلت المرة

وخفت مشاكلهم ,وهي حاسة بهالتغيير وفرحانة بهالنضج اللي وصلت لة وتبي زوجها يلاحظ ...يلمح ....يحس ...عمك اصمخ

هي بنفسها :وهو اكيد انة حاس بس عقدة التعبير مانعتة ..

المهم ..ماش شافت الرجال ما جاب خبر
قامت تلمح لة المرة ..وفي ساعة صفا ..جت مشخصة وقعدت تميلح عندة وتسبل هالعيون
وتتلصق ..قالت :ماحسيت ياحبيبي بشي متغير في حياتنا ؟؟(تستدرجة الضعيفة)
قال: وشو مثل ايش ؟؟(مازال الطناش سيد الموقف)
قالت :يعني ماحسيت بتغيير ..؟؟(مازالت تتأمل)
قال:مدري ...مثل وشو ؟؟(غيٌر عن ايش )
قالت :يعني ما حسيت شي تغير فيني مثلاً؟؟؟؟(ملت من التلميح وجابتها على بلاطة)
قال:فيتس انتي ؟؟؟؟؟(بدا يفكر ويهوجس (
..وهي مازالت الإبتسامة شاقة وجهها
..وعيونهاتبربش ...وتتميلح ...تنتظر الجواب الشيق ...ليتها طاحت على براطم طخومة قبل تسأله..


قال:مممممممممممممم ....بطنتس عرعر

....!!!!!!!! !!!!!!!

فجأة

زالت كل معالم الفرح والتميلح من خشتها ...وبدأت الدمعه تفحط في مقلتيها

...
..لا تعليق






والأخرى تقول ..

حبيت اعترف لكم بشي خطير بعد 14 سنه زواج قالي زوجي انا احبك والله قالها وشفايفه ترتجف ,ويالله اطلعت, حشى كانها سياره مغرزه




والأخرى تقول ..[/color]

انا لي 4 سنين وانا احفر بزوجي لعل وعسى اطيح على بئر الرومنسيه عنده لكن للحين ما طلع شئ شكلي ,بلقى بترول من كثر الحفر ......... وياما وياما انصدمت من ردوده وياكثرها ...

الســـــــــؤال ...

هل السعوديين فعلا صفر في الرومانسية ؟؟..

كثيرا ما أقرأ وأسمع عن تشكي النساء من ناحية إفتقادهن للكلمات المعسولة من قبل أزواجهن ..وأهمال أزواجهن من هذه الناحية ..



هل بخل الزوج بالكلام المعسول لزوجته بسبب البيئة المعيشية << ذي أبستبعده ما دام المعيشة تغيرت..
أم أعتقاده أن هذا ينافي رجولة في زعمه ..أو يعتقد أنها أمور هامشية لا داعي لها أم بسبب أفتقاده لأبجديات التعامل مع الطرف الأخر ..



علمـــــــــونا وش السبب ؟؟؟؟؟؟؟؟..

[أبوالبراء]

ههههههههههههههههههههههههههههههه
مسكينات ياااااااااااااااااااااااااالله الله يصبرهم يااااااااااااااااااااااااااااالله ................



<<<<رومنسي بس وينهي الطابووور باقي ماجاني ماسك سرى عيال الشيبه ماشاء الله ههههههههههههههههه

أدعووووولي اني أنقز السرى هههههههههههههههههههههه




تحيات الرومنسي المطور / ابو البراء

[رحيل]

لا والله خلقه بعيالنا ياربي وش السواة

بس صدق أجوبتهم جافه وتقهر بس تحسينه عن براءه


يابنت الحلال خليها على ربك
ذكرتيني بمواقفك بموقف لوحده تقول عازمه ناس عندي وهو طالع
طبعا الميك آب حاطته وضابطته للحريم اللي يفهمن بالمكياج
وبالبيت دائما تحاول تكون طبيعيه أو تسوي مكياج هادئ
المهم تقول والضيوف عندي جاء يبي أغراض
تقول قلت فرصه يشوف مكياجي والمسكينه الحريم توهن مادحات مكياجه قايلات كأنه شغل مشاغل وووووووووووووو
وتطلع له إلا يقول بسم الله وش مسوية بنفسك قالت وشو المسكينه قال عند الحريم هذا شكلك قالت
وش فيه
قال روحي غسليه ياربي وراك تشوهين نفسك <<<<<<صارت مشوهه بنظره
عاد تعرفين المره بطبعه حساسه وماشاء الله عطاه حبيب قلبه من القنابل الله بها عليم
تقول صرت تقل بس ذيك الليله منتفخه ومالي خلق شئ


شكرا أعجبني موضوعك لأنه بالفعل شئ نواجهه ونسمع عنه كثير

[حزام الأمان]

فطوووووووووووووووووس موضوعك ولا احلى بس تبين الجد ماعندي خبرة اجاوب بس ابوي كل ماجي اطلع يمدح <<<<<قال من مدحها امها ومشاطتهااااا

خخخ حتى مرررررررررة كنت مو لابسه كويس عادي طالعه لقريبتي واربعاء وشكلي يحوم الكبد ويدخل ابوي الله الله وش هالزين كاشخة اليوم <<<<<لا تعليق اكتشفت انو ابي الله لا يحرمني ظله بس
يمدح شين زين ,,,,,,,,,,,,,,,,,,,,,,,,,,,,,,,,,,,تقبلي يالغلا مروري

[فيصل...........]

فاطسة ضحك


هو صلن يبي يمزح عليها

يوم قال كذا بس هي دمها ثقيل

ما تعرف المزح تحسب كل شي
من جد

شفتي انا السعودي رومنسي

بس من يفهمه

[الواثقة]

رومانسيه واحلى رومانسيه

................................

مره وحدة اعرفه منومه بالمستشفى

شايلين منه ورم وعلى قولته ماخذتن هم نتيجة التحليل ويوم صار بعد يومين ويدخل الدكتور ويبشره

ان تحليله سليم ومن يوم درو اهله وهي تقول جوالي ماوقف كلن يبارك ويهني


ومير يابعدي هيفقدت ابو العيال


تقول قلت اكيد انه مادرى ابابشره


ومير تقوم وتتصل عليه


تحرى منه كلمه منا ولا منا


تقول

وش رد علي


(ايه داري تبين شيء)

الله لا يبلانا

[حزام الأمان]

الوااااااااااثقة كم هير

اقتباس: (ايه داري تبين شيء) الله لا يبلانا

بصراحة ارتفع ضغطي هذا نذل من جد تلاقينو مايبغاها تطلع سليمه والا ايش سالفه امه !!!!!!!!!

استغفر الله ياربي ماودي اظلم احد بس ضعيفة زوجته الله يسخرلها القلوب القاسية يارب


اميـــــــــن يارب الله لا يبلانا احلى دعوة وربي

[سماااهر]

والله يارجالنا جامعين جفاف الصحارى بأجمعها ..!!
مير اللى تبي الرومانسيه تأخذ مصري وتبشر بالخير ..!!
أذكر وحده بقصيمي نت منزله موضوع عن الرومانسية
تخيلي ولا واحد دخل او رد على الموضوع .!!! بصراحهـ قهرررررررر
تسلمين اختي الغاااالية على الموضوع "ومنك يستفيدووون"

[عبدالله30]

اختي فاطسة ضحك00

جميع ماذكرتي من امثلة ربما يكون العيب في الزوجة فعمل أشياء بطريقة رومانسية ليست شرطا

أن تجلب اهتمام الطرف الأخر 0

المرأة الذكية هي من تلعب بكيان الرجل وتحصل منه على ماتريد من عاطفة وحب وغيره0

مثلا الرجل الذي ذكرتي في هذه القصص لم يكن كما نتمنى ونريد لكن الا

يوجد امرأة قد تحوله الى ماتتمنى بالتأكيد يوجد 0

اما من تسمع وتأتي لتطبق فلا عجب ان تفشل لأنها غير مؤهلة لما تريد وتبحث عنه 0

أخيرا يظل هناك شيء اسمه حب اذا فقد تواجده لن يكون هناك شعور ومشاركة مهما فعلت الزوجة 0

تحياتي0

[خـالد النـاصر]

البيئة تلعب دور كبير في ذلك
فلو رأى شيء من الرومنسيه من والده لوالدته لتعلم منهما

[مجرد رأي]

لأن السعـوديين واقعيين ، ومآيهتمـون لـ توافــه الأمــور والمجـاملآت

،،،

[الرأي الأول]

على الزوجة من بداية زواجها ان تتدرج بتعليم اصول وفنون الرومنسية بينها وبين زوجها

اكيد سيكون رده جاف لانه لم يمر بتلك التجارب

فالبيت هو جنتها وعشها فهي االتي تشكلة على طريقتها الخاصة

فلا نستغر الجفاف لانه من سمات بيئته اللتي عاش فيها

[العريف]

ههههههههههههههههههههههههههه

وكل وحده تجي هنا وتقول : أعرف وحده صار لها كذا وكذا !!!!!!!



ماعمرها جات وحده وقالت صار لي !!!


خخخخخخخخخخخخ مكشوفات الله يعظم أجركن خليكن صريحات ,,



وبعدين على طاري (التلطيخ) صدق عاد احيانا البنت (تشوه) نفسها بالاصباغ على بالها (بتحلو) !


خليك ع طبيعتك مع شويه ميك اب .. يكون احلى .. (الزين زين لو قام من منامه) ومالك الا خشيمك لو هو عوج ...


هالموضوع وهذا المواقف ما اشوفها تدل على انعدام وتصحر الزوج السعودي من الرومانسية !


أشوفها اثبات قاطع على (صبره) وتحمله ,, هالبلوى اللي عنده !


والا وحده تقول رايحة للسوق مع صديقتي !


والثانية تقول دخلت عليه جايه من المشغل !


ليش (ارجوزه) سبع البرمبه بالبيت !
وقولن الزين والشين

[جبل عمر]

أعتقد ولا زمان الجفاف يعني الي متزوجات من ثلاث إلى خمس سنيين ماضية والي يبي يتزوجن شي حلو العيال والبنات تغيروا طلعوا على الدنيا صيحيح الوقت هذا اذا تحابوا شي جنون بالحب لكن المشاكل كثيرة

أبعيطكن قاعدة يالبنات الي ما تزوجن إذا خطبكن أحد وكلش حلو فييه اسألوا عن تعامله مع خواته إذا كان ياويل ويا سواد ليل الي يغلط عليهن ويهوش اخوه الي أصغر منه إذا عرف إنه طلبن منه شي ولا صلحه لهن على طول تزوجيه لانه يحب يونس المره لكن انتبهي انتبهي اذا اختيه ومازال حبه لخواته يشريلهن ويوديهن ويجيبهن تقولين ما فيه غيرك تراك بتروحين بستين داهيه ثقي ثقة ما راح يظلمك على شان خواته لكن لاتغلطين عليهن

أما الي تعامله مع أهله جاف وماله منه بالي يسوي لاتقربينه لأنك بتصيرن تحت ايده ويغثك مغثه ما بعدها مغثه

[سماااهر]

اقتباس:  المشاركة الأصلية كتبت بواسطة ^جبل عمر^     أبعيطكن قاعدة يالبنات الي ما تزوجن إذا خطبكن أحد وكلش حلو فييه اسألوا عن تعامله مع خواته إذا كان ياويل ويا سواد ليل الي يغلط عليهن ويهوش اخوه الي أصغر منه إذا عرف إنه طلبن منه شي ولا صلحه لهن على طول تزوجيه لانه يحب يونس المره لكن انتبهي انتبهي اذا اختيه ومازال حبه لخواته يشريلهن ويوديهن ويجيبهن تقولين ما فيه غيرك تراك بتروحين بستين داهيه ثقي ثقة ما راح يظلمك على شان خواته لكن لاتغلطين عليهن أما الي تعامله مع أهله جاف وماله منه بالي يسوي لاتقربينه لأنك بتصيرن تحت ايده ويغثك مغثه ما بعدها مغثه

جبل عمر .. مو مقياس اذا الولد اللى يلبي جميع متطلبات خواته ودافع عنهن انه بيحشم زوجته ..بالعكس انا أعرف رجال واجد حاطين خواتهم بعيونهم
أوامرهم منفذه "لو يبن الدهناء كان راحوا بهن "
وبعد زواجه أنعكس الرجال والله السوق بالويل تطلع له والزواجات ممنوع !!!
~~ وأشياء كثيره ممنوعه على الزوجة وربك يعين~~