الكوشه تسبب انفصال العروسين ليلة الفرح

[فيصل...........]

[align=center]الكوشة مصطلح راج استخدامه ليعكس معنى الزينة المستخدمة في قاعة الزواج وتفننت المحلات في ابراز مجموعة من التصاميم المختلفة والتي تلبي رغبة النساء من أحدث الموديلات.

عموما لاأطيل ولكن بحكم الخبرة المتواضعة في هذا المجال أبين بعض النقاط.

عميلة صناعة الكوشة تقسم الى ثلاث مراحل:
1- عملية الدراسة موقع الكوشة ورسم النموذج المطلوب.
2- عملية التنفيذ .
3- عملية التركيب.
منقول....

تعليقي

هذه تعريف بالكوشة الخاصة بالافراح بمنطقة الحجاز

يستخدمها ويهتم بها مجموعة كبيره من العوائل بمنطقة

الحجاز وخاصة محافظة جدة

الغريب بالامر ان هذا العمل او هذا النظام

ادى الى اختلاق كل من العريس والعروسة

العروسة اصرت على زف العريس بهذا النظام

العريس رفض بسبب الخجل والحياء من النسوة

المتواجدات بداخل القاعة اشتد بينهم الخلاف

وكل منهم اصر على كلامه انتهى الامر بمغادرة

العريس من القاعة لا ينتهي الامر بالخلع باليوم التالي

لدى قاضي المحكمة مع الزام اهل العروسة بيعادة كامل

ماصرفه العريس..

ياترى الحق مع من؟ قصدي مع العروسة او العريس

وهل المسالة تحتاج الى الانفصال بليلة الفرح؟[/align]

[شفايف توووت]

اخوي فيصل..

من وجهة نظري انه من حق الزوجة لان ليلة العمر تأتي مرة واحدة وليست اكثر من مرة فمن حقها ان تفعل ماتريد من دون تبذير او

اسراف والمسألة لاتحتاج لانفصالهم لان المفروض ان تتم جميع امورهم باتفاق واقتناع منهم الاثنان شخصيا،،..

واذكر واحدة من صديقاتي اهلها من الناس الي يعترفوا بوجوب وضع الكوشة لكن رزقها الله بواحد غير كل شي تفاهموا على ان يتم

زواج عائلي من دون كوشة ولا شي واقتنعت وتزوجت وتعيش احلى حياة ...وهي من سكان الحجاز.. اتمنى تكون وصلت فكرتي.

يعطيك العافية عالموضوع الجميل..

[حزام الأمان]

هذي البنت مادري وش تبي طيب هو مايبغى غصب !!!!

خلاص تنزف بحالها احسن وتصور مع اهلها واخواتها وقريباتها وصحاباتها ولا ننسى انو دخول المعرس
مو مريح وماراح يصورون و......الخ

بعدين لو دخل المعرس ماراح تسلم من تعليقات البنات عليه هذي بتقول قصير والثانيه بتقول طويل
والي بقول حلو والي يقول شين دب نحيف معصقل ,,,,,ووالكلام يطووووووووووول ويعرض عند الحريم


رايي اي شي يصير بقتناع من الطرفين بدوووووووون اجبار ,,,,,

وحدة من البنات الي معانا بصراحة استحقرت اهلها هو مايبي طق عادي يبي اسلامي وهم يبغون طق

واصر الطرفين قصدي الحزبين ويوم الزواج جو كل الطقاقتين هو اصر وجاب واهلها اصروووو وجابوا

صارلهم الحين اكثر من سنه اهل الزوج واهل الزوجه ماشافوا بعض !!!!!!!!!
الله لا يبلاني ولا اخواتي ولا كل احبابي والمسلمـــــين ,,,,,,,,,,,,,,,,,,,,,,,,,,حزام

[التواق]

اعتقد ان هذا التنظيم يكون معد لة مسبقا
واذا كان الزوج رفض فالحق معه لانه تفاجأ بالموقف وكان من المفترض تنبيهه الى ذلك
لانة من النوع الذي لا يدري ويدري ان الكل لا يدري انه لايدري
بينما العروسة لا تدري ان الكل لا يدري وهي لا تدري انه لا يدري

[فيصل...........]

[align=center]

اقتباس:  المشاركة الأصلية كتبت بواسطة شفايف توووت     اخوي فيصل.. من وجهة نظري انه من حق الزوجة لان ليلة العمر تأتي مرة واحدة وليست اكثر من مرة فمن حقها ان تفعل ماتريد من دون تبذير او اسراف والمسألة لاتحتاج لانفصالهم لان المفروض ان تتم جميع امورهم باتفاق واقتناع منهم الاثنان شخصيا،،.. واذكر واحدة من صديقاتي اهلها من الناس الي يعترفوا بوجوب وضع الكوشة لكن رزقها الله بواحد غير كل شي تفاهموا على ان يتم زواج عائلي من دون كوشة ولا شي واقتنعت وتزوجت وتعيش احلى حياة ...وهي من سكان الحجاز.. اتمنى تكون وصلت فكرتي. يعطيك العافية عالموضوع الجميل..

شفايف توت

كلام جميل

لكن اذا كان العريس خجول

او فية دين مايبي يشوف النساء

ما تعذره بهذه الحالة؟

انا اشوف ان المنظر شي وينتهي

بوقتة ويبق التفاهم هو الذي يدوم بين

الطرفين ويؤدي الى الترابط والتماسك

الذي على اساسة يتم تكوين اسره.

ثم لماذا التشدد والتمسك كلاُ برائه

لماذا لم يبحثون عن حل وسط يرضي

الطرفين..

وكيف يرضى كل منهم ان ينقلب الفرح الى حزن


شكرا لك[/align]

[فيصل...........]

حزام الامان

اقتباس: خلاص تنزف بحالها احسن وتصور مع اهلها واخواتها وقريباتها وصحاباتها ولا ننسى انو دخول المعرس مو مريح وماراح يصورون و......الخ

نعم كذا صح لكنها اصرت على ان يكون معها

اقتباس: بعدين لو دخل المعرس ماراح تسلم من تعليقات البنات عليه هذي بتقول قصير والثانيه بتقول طويل والي بقول حلو والي يقول شين دب نحيف معصقل ,,,,,ووالكلام يطووووووووووول ويعرض عند الحريم

ههه هذا اللي خوفه ويخوف الكثير... انا مادري لية تحاول تحرجة

اقتباس: رايي اي شي يصير بقتناع من الطرفين بدوووووووون اجبار ,,,,,

نعم هذا هو الاساس

اقتباس: وحدة من البنات الي معانا بصراحة استحقرت اهلها هو مايبي طق عادي يبي اسلامي وهم يبغون طق واصر الطرفين قصدي الحزبين ويوم الزواج جو كل الطقاقتين هو اصر وجاب واهلها اصروووو وجابوا صارلهم الحين اكثر من سنه اهل الزوج واهل الزوجه ماشافوا بعض !!!!!!!!! الله لا يبلاني ولا اخواتي ولا كل احبابي والمسلمـــــين ,,,,,,,,,,,,,,,,,,,,,,,,,,حزام

اخخخ مشاكل تحدث من لا شي

المشكلة عندنا ان كل طرف يحاول يمشي او يفرض

كلامه على الاخرين ويحس ان هذا انتصار

بدون مراعات المصلحة العامة للجميع


شكرا لك

[فيصل...........]

[align=center]

اقتباس:  المشاركة الأصلية كتبت بواسطة صاحب أول مدونة     اعتقد ان هذا التنظيم يكون معد لة مسبقا واذا كان الزوج رفض فالحق معه لانه تفاجأ بالموقف وكان من المفترض تنبيهه الى ذلك لانة من النوع الذي لا يدري ويدري ان الكل لا يدري انه لايدري بينما العروسة لا تدري ان الكل لا يدري وهي لا تدري انه لا يدري

صاحب أول مدونة

وانا بعد ما ادري

ههه

شكرا لك[/align]

[أمــ الحب ــير]

●● مرحبآ حبيبي فصفص ●● <== من قدك عآلتدليع

يآقلبي آخر زوآج حضرته زوآج آختي آخر آلعنقود قبل 4 سنوآت ,,

ومآ آدري بعد آهم مسوين كوشه وزيطه وزمبليطه آو لآ ,,

آللي آذكره آنو جيت متآخر للقآعه ومآكنت آبغى آجي بس آختي آلكبيره ذبحتني في آلتليفونآت ,,
وينك ليش تآخرت بسرعه آختك تقول لآ يدخل آلرجآل لين تشوفك موجود تقول صآير آمهآ ذآك آليوم
هذي آلمشكله آللي صآرت

طليت كم طله في آلقآعه بشوف كل آلآمور مرتبه آو لآ بس كفختني آختي تقول عيب آنت كبير ,,
وللآسف مآشفت غير عجوزين وثلآث بنآت يظحكون علي

مدري هو فيه كوشه آو لآ ,,
مآ تلآحظ آنو نسيت موضوعك وجلست آحكي لك حدوته

عمومآ ترآني آجهل شخص في آمور آلزوآج وطقوسه ,,

تصدق يآقلبي مآعرفت آلفرق بين آلشبكه وآلمهر آلآ قبل آيآم آنا على بآلي كلهم واحد
لآوصآر فيه حآجه جديده صبآحه شنو هذآ
يعني رآح وطي آلزوج كل فلوسه منآسبآت مآصآر زوآج هذآ صآر تفليس

ليش كل ذآلتعقيد في آلزوآج ,,..

آلمفروض إذآ خطب ووآفقو آهل آلبنت خلآص يعطيهآ مهرهآ وتخلص آغرآضهآ ومو مشكله يسوون حفله بسيطه في قآعه وخلصنآ ,, ليش كل ذآلخرآبيط

ترآني مو بخيل بس وربي مآلهآ آي دآعي ذآلتعقيدآت ,,

حبيبي فصفص إذآ للحين مو متزوج آنصحك لآتتزوج لين تشوف آلنآس توزع بنآتهم بآلمجآن

آوك حبيبي مو تروح تسويهآ من ورآي ,,

●● آورفـےوآر ●●

[جبل عمر]

غريبة الكوشة لفئية معينه طيلت عمري لم أذكر أني حضرت زواج فيه كوشة ولو أهلي عرفوا إن فيه كوشة أدري ما راح يروحون طبايع وتراي من عقر القصيم على شان ما يجي واحد ويقول من وين أنت

[بنت البدائع]

مرحباً فيصل ...

يادين الكوشه والزفه الجماعيه مع بنات الحجاز

طبعاً الزفه أشوفها كثير لكن العروس تنّزف لوحده دون أبو الشباب


أعرف قصمنجي قريب لي متزج حجازيه وتفاجأ بيوم زواجه إنه ينّزف مع زوجته قدام الحاضرات

<<< ياحوّل ياهو خبره بالعروس إنه يجدع أهله بالقصر ويمشي

دمت بود ...

[فيصل...........]

ياهلا باسير الحب

اقتباس: يآقلبي آخر زوآج حضرته زوآج آختي آخر آلعنقود قبل 4 سنوآت ,,

واللي بعده زواجك انشالله وانا حاضره

اقتباس: آللي آذكره آنو جيت متآخر للقآعه ومآكنت آبغى آجي بس آختي آلكبيره ذبحتني في آلتليفونآت ,, وينك ليش تآخرت بسرعه آختك تقول لآ يدخل آلرجآل لين تشوفك موجود تقول صآير آمهآ ذآك آليوم هذي آلمشكله آللي صآرت

يه شفت حركات الحريم يبون الواحد رزه بس ههه

اقتباس: طليت كم طله في آلقآعه بشوف كل آلآمور مرتبه آو لآ بس كفختني آختي تقول عيب آنت كبير ,, وللآسف مآشفت غير عجوزين وثلآث بنآت يظحكون علي

اصلا الكوشة كلها هدفها يبون يضحكون ويستمتعون بالتعليقات على العريس

ومن يدخل معه لكن قابلني ان دشيت الا اذا حملون على اكتافهم وانا اصيح

اقتباس: مآ تلآحظ آنو نسيت موضوعك وجلست آحكي لك حدوته

هههه شكلك خوفتك الكوشه وتفكر بتطبيقها عليك لكن معك حق مخوفه الجميع

الله لا يجيبها عندنا بنجد

اقتباس: تصدق يآقلبي مآعرفت آلفرق بين آلشبكه وآلمهر آلآ قبل آيآم آنا على بآلي كلهم واحد لآوصآر فيه حآجه جديده صبآحه شنو هذآ يعني رآح وطي آلزوج كل فلوسه منآسبآت مآصآر زوآج هذآ صآر تفليس ليش كل ذآلتعقيد في آلزوآج ,,..

ههههه لا ازيدك من الشعر نكبة عندهم حاجة يسمونها العربية

والعربية تعني تشكيلة من الحلويات

تزوج احد اقاربي مناك ولما دفع المهر قالوا باقي العربية

عليك قال ابشرو ويروح لاموقف الدينات ويجيب دينا في باله

انهم بيشيلون عفش او شي ويجيبها ابو الشباب لاحد الباب

والافغاني فيها قال هذه العربية عند الباب قال ايش هاااااااااااااااااااذ

قال العربية ههههههههههههههههههه

اقتباس: آلمفروض إذآ خطب ووآفقو آهل آلبنت خلآص يعطيهآ مهرهآ وتخلص آغرآضهآ ومو مشكله يسوون حفله بسيطه في قآعه وخلصنآ ,, ليش كل ذآلخرآبيط ترآني مو بخيل بس وربي مآلهآ آي دآعي ذآلتعقيدآت ,, حبيبي فصفص إذآ للحين مو متزوج آنصحك لآتتزوج لين تشوف آلنآس توزع بنآتهم بآلمجآن آوك حبيبي مو تروح تسويهآ من ورآي ,,

هو المفروض غير والواقع غير

لكن بما ان هالحين العروسه اما مدرسة او دكتوره

ا لمفروض عاد يكون عليها اغراضها

اوكيه واجب .. الرسول دفع مهر ريال انا

ابديها عشره والباقي تقضي لنفسها الله

لايهينها

شكرا لك

[فيصل...........]

[align=center]

اقتباس:  المشاركة الأصلية كتبت بواسطة ^جبل عمر^     غريبة الكوشة لفئية معينه طيلت عمري لم أذكر أني حضرت زواج فيه كوشة ولو أهلي عرفوا إن فيه كوشة أدري ما راح يروحون طبايع وتراي من عقر القصيم على شان ما يجي واحد ويقول من وين أنت

جبل عمر

الكوشة هذه معروفه

عند اهل جده ولها طقوس ومزايا ونظام

خاص ومو كلهم يستخدمونها

لكن احنا انشالله ما تجي عندنا ومانعرفها

شكرا لك[/align]

[فيصل...........]

[align=center]

اقتباس:  المشاركة الأصلية كتبت بواسطة بنت البدائع     مرحباً فيصل ... يادين الكوشه والزفه الجماعيه مع بنات الحجاز طبعاً الزفه أشوفها كثير لكن العروس تنّزف لوحده دون أبو الشباب أعرف قصمنجي قريب لي متزج حجازيه وتفاجأ بيوم زواجه إنه ينّزف مع زوجته قدام الحاضرات <<< ياحوّل ياهو خبره بالعروس إنه يجدع أهله بالقصر ويمشي دمت بود ...

بنت البدائع

اقتباس: طبعاً الزفه أشوفها كثير لكن العروس تنّزف لوحده دون أبو الشباب

هذا طبيعي مو مشكلة

اقتباس: أعرف قصمنجي قريب لي متزج حجازيه وتفاجأ بيوم زواجه إنه ينّزف مع زوجته قدام الحاضرات

ههه ودي يشيلوني لقبري ولا يزفوني قدام الحريم

مصيبة ماكل واحد يجرى على هذا الشي..

المفروض ان العروسه تراعي خاطر عريسها

مادام ان هذا يحرجه


شكرا لك اختي[/align]

[جوهرة بريدة]

على فكرة الكوشة تعتبر من الطقوس المكلفة جدا حتى ان سعرها يتراوح مابين 10 آلاف الى خمسين ستين الف

حسب الديكور والتصميم والحركات

طبعاً العروسة هنا غلطانة كان عليها تتقبل وجهة نظر زوجها خصوصاً انها فاجأته بطلبها

لكن ماحد يدري وين الخيره فيه

[فيصل...........]

جوهرة بريدة

اقتباس: لكن ماحد يدري وين الخيره فيه

نعم صدقتي ياختي شكرلك