مجتمع (متجلف) حد الثمالة

[خطاوينا]

[align=center]:
:
قدر الله علي وعشت في مجتمع متجلف..
متجلف يعني مليء بالجلووووووف..
أغلب الخبراء واللي لا يحملون الا سادسة ابتدائي..
عاد ذولي خبراءنا ووش نسوي هذا قدرنا..
والا لو عندنا خبراء زي الناس ما كان ذا حالنا..
ووووين وصلنا فيه..أيه الخبراء..
هذووووول الخبراء يربطون ربط بين جلافتنا وبيئتنا الصحراوية..
عاد انا والله مو مقتنع برأي الخبراء..
ولي اسبابي.. وأصلا حتى لو ما عندي اسبابي الخاصة..
من حقي أني ما اقتنع.. وهو من ابسط حقوقك في ذا البلد..
بإمكانك ما تقتنع بأي شيء.. بس في نفس الوقت تنطمممممم وتسكت ولا تقول أنا مو مقتنع..
وهذه ديمقراطية العبودية..
ما علينا..
انا عدم اقتناعي برأي الخبراء يعود لثلاث اسباب..
- ان ما معهم الا شهادة سادسة..
- ثانيا الصحراء اعتقد انها اختفت.. عني عايش في مدينة طول عمري وما زلت جلفا حد الثمالة..
- وثالثا وهو المهم هو غياب الجلافة عندما نغادر أرض الوطن..

:
يقولي صديق..
أنت يا ابو خطوة في السعودية ما تنشرى بريال..
لكن خارج السعودية ما ينمل منك نهائيا..
والسبب يقول انك في الرياض جلف.. وخارجها مو جلف..
:
نروح للب الموضوع..
اللي فوق ثرثرة..
تقول لي زميلة صحفية.. ان لها صديقة عندها تضخم في العاطفة..
وأنها تتلقى صفعات تلو الصفعات من أهلها بسبب عاطفتها المتضخمة..
مكمن الغرابة أن البنت ذي عاطفتها لأهلها بس..
تقول لها أخ شقيق تموت فيه..
وهو متزوج ولما يجي لبيت ابوه..
أخته صاحبة العاطفة المتضخمة.. تفرغ فيه عاطفتها..
وش تسوي البنت.. اذا سلمت عليه تحط يدها من خلف رقبته والبووووس اظن انه على الجبهة فقط ويمكن بوسة تزحلط على الخد..
وتقول له (( يا عمري والله ان لك وحشة))..
يا قلبي لا تتأخر علينا في الزيارة..
يا حياتي والله إن البيت مظلم من دونك..
ومن هالحكي اللي ما عمرنا سمعناه في السعودية..
ولا نتقبله فيها..
البنت وين ممكن المشكلة عندها..
هو انتقادات الأهل وخجل الأخ من كلامها..
الأهل يرمون عليها الكلام..
يا بنت استحي على وجهك.. الكلام ذا ما يصير..
والأخ ينطم ويستحي من كلامها..
طيب ذا البنت المسكينة اللي تحب اخوها وتفرغ فيه عاطفتها..
وووووش تسوي مع ذا الصدود..
ممكن تبحث عن آخر تخفض فيه نسبة التضخم العاطفي عندها..
:
وووووووبس..
للأمانة فكرة الموضوع مسروقة من رد لأحد الأخوات هنا..
[/align]