قلبــــــــي مثــــــل قبـــــــري مايضــــم إثنين

[رايق دايم]

والله ابيكم تصيرون حكام بيني وبين واحد من الربع اللي يقول إن قلبي مايدشه ولايتربع فيه غير حبيبتي وبس ومستحيل يتسع قلبي لوحده ثانية غير حبيبة القلب إلا إذا توفيت لاسمح الله فيمكن يدش قلبي غيرها مع احتفاضي لحبها وذكرياتها لأنها الحب الأول والأخير ويمكن أعيش على ذكراها إلين أموت ونلتقي انا وإياها بالجنة,,
طيب هل نوافقه على حبه الأعمى ونحرم أنفسنا من التلذذ بالتعدد علشان هالأمثال اللي ماتوكل عيش وبعدين ديننا يحثنا على التعدد ,بصراحة دخلنا معه بنقاش حاد انه إنسان غبي وحرم نفسه حق شرعه الدين وأن تعدده سيحل كثيرا من مشاكل العنوسه ,الرجال ركب رأسه وحاولنا إننا نغيره بس قام وطلع وهو يقول (قلبي مثل قبري مايضم أثنين) والله يخلي لي أم رائد , تحيتي للشرفاء

[مخرج تلفزيوني]

الرجل بوجهة نظري قلبه يتسع لأكثر من إمرأة
لحكمة أرادها ربي
وقد يكون كما قال صاحبك قبري مثل قلبي ..
لأن هذه المرأة هي من ينطبق عليها :
وراء كل رجل عظيم إمرأة عظيمة .

[فيصل...........]

مسافر2

اسمحلي اكون مثل صاحبك غبي

عزيزي لا بد ان تفرق بين الحب وحب الشهوات النفسية

هنا تستطيع ان تفرق بين الاثنين

[صالح الدوسري]

طبائع البشرية تختلف من شخص إلى شخص في ناس قلبه مثل الباص كل يوم يحب ويتزوج

[عاشق ديرتي بريده]

مع اني مااقتنعت ان فيه شي اسمه حب واعتبره هرج فاضي غير حب الوالدين لاابنائهم وحب الرسول !

لكن ابقول مثل الناس قلب الرجال مثل باب بنده كلاً يفتح له !

[جمان البحر]

جدي يقول لكم الرجال مثل صاع السوق كل(ن) يازن له ..

بس اللي اشوفه انه يقول اللي (احبها واموت فيها) ماقال التعدد والرجال اللي يعدد اذا جيت لقلبه اثره يحب وحده بس من حريمه والباقيات بس اسمهن حريمه ..

واعتقد الرسول كان يحب خديجه حب كثيييير وبعد ماتوفت حب عائشه وباقي زوجاته ماذكر حبه لهن مثل ماذكر حبه لعائشه ..

[مهب الريح]

ابو خالد

قلب الرجل . . يتسع للكـــثير . . لذا سيقع في حب هذه . . ومن المتوقع أن يقع في حب هذه أيضا . . !

لكَ مودتي

[غنج]

هل لانه صادق مع نفسه ووفى صار .. غبي !!!
سبحان الله ..
اترك صاحبك لحاله لا تنغص عليه حبه وحياته ..

ما الحب الا للحبيب الاول ..

[غلا قلبي]

[align=center]الرجال يحب زوجته ومرتاح معها مايبي يعدد..
ليه تبي تقنعه يعدد..
طيب حتى لو عدد
تتوقع انه بيعدل بينهم..؟؟
وهو يحب الاوله..؟
تيب نقول انه عدل بينهم بكل شي
بس بقلبه وحبه مايقدر يعدل..
غصباَ عنه بشي مايملكه..
الرسول عليه الصلاة والسلام..
كان يقول: ((اللهم هذا قسمي فيما أملك فلا تلمني فيما لا أملك)) يقصد قلبه..[/align]

[اسم العضو]

أبو خالد

القلب يبحث عن الحنان ولايهمه أم عياله أو شغاله أندونوسية الله يخليلك أم خالد

سلام....

[رايق دايم]

مشكورين ع المرور وتسلمون بس للحين فيه تباين ومافيه حل اكيد للقلب ومن اللي يسكن فيه
مادري ليش واحد كاتب اني بوخالد وش يقصد ؟ تحيتي فقط للشرفاء

[ღ ][ وحيدة كالقمر ][ღ]

المســـــــــــــافر2,,,


سلٍّـــــــم لي عليه,,,والله إنه هو اللي عارف(ن) له,,,

وش دخل التعدد والعنووووسة بالحب والوفاء للحبيبه,,,,والله لاصار يحبه حب صادق ووافي والله مايهمه التعدد وأجناسه,,,



خلُّوه ع حاله بس ولاتفرون مخيخه هذي شغلتكم يابعض الرجال لازم تخربون ع بعض سبحان اللي خلقكم تستمتعون بهالتخريب,,لاتقول بالعكس إصلاح لا من وين الإصلاح وأنتم ناوين تفرون مخه وحبه ع زوجته وحبيبته

,,,,والله يجمع قلوبهم ع الطاعة ولايفرقهم,,


وين تلاقي رجال بالهزمن بكل هالوفاء ,,,ماشاء الله عليه,,,



تحيتي

[الماسة محتاسة]

اولا..وش عليكم منه..سبحان الله التخريب سمه من سماتهم..
وبعدين لاصرتوا انذال وقلوبكم فنادق..لاتغصبون الرجال يصير مثلكم..
تراه هو الصح وانتم الغلط...
واللي انا اشوف ان المعدد دائما يحب وحدة من حريمه..
يعني اذا حب الاولى فالثانية تبي تروح فيها..واذا ماحب الاولى دائما يحب الثانية..
يعني قلبه مافيه الاوحدة..ومهب بالضرورة انه اذا كانت زوجته يحبها..
عشان كذا يكون العدل صعب جدا..
وبعدين ياحياتي على الانسانية اللي ذابحتكم..تبي تحلون مشكلة العوانس والمطلقات...
هذي اكبر نكتة سمعتها بحياتي....