قصيده سمعتها واعجبتني وحبيت اكتبها لكم لأنها واااااااااااااااااااااايد شاعريه
وتبكي اللي ماله قلب عاد أترككم مع القصيده وابغى رايكم فيها ..؟؟؟
ثلاث سنين أنا اخطط لهذا اليوم يابوسعـود
تيسر حالي وجـــــــاهز أوفي وعدي بوقته
وفجأه جتني تتعذر تقول تأخـرت الوعــود
وأنا مستغــرب واسمع كأنــي وعدها خنته
حسبت أنها تمازحني وتتصنع جفا وصدود
ضحكت بوجهها من قلب مع أنها بايخه النكته
وقالت أرضى بالواقع قلبي ماهو المعهـود
تغير كـل شي صوبـك نصيبــي مــا أظن انتـه
كنت في يوم محبوبي ولكن ما أظن لي يعود
وصل من قبل ما توصــل وأنـا ذاك الصبـر عفته
ولكن تكفى صدقنــي ويشهــد ربي المعبــود
تـــرى ما خنتـــك بغفلـــه ولا كلمـتـــه وشـفـتــه
صراحه أهلي قالوا لي بأنه ولد أصل وجـود
وجتنــي أمه بالصــوره وبكلمــات المــدح أختـه
سكت وقلت لي فرصه مادام الجود في الموجود
وقالـــــوا كــل من حولــي علامات الرضا سكته
وأنا فكــرت دام أمــه وأختـه مـا عـلـيـهــم زود
أكيـــد أنـي بــأراضيهــم إذا وافـقــت و اختــرتـه
وأراضي أهلي وأخواني مادام أن الفرح مقصود
عطيـــت النـــــاس أنـا كلمـه ومعهـم وقتي حددته
ولا أقـدر أغيرهـــــا ترى عند العـرب مـنـقــود
أوافــق وأعتـذر باكــر وأقــول الـــراي غيـرتــه
تبي تشـــرح لي المنقود تصدق عـاد يابوسعـود
تبينـي أقـتـنـع وأرضـى بحــال عمــري ماعشتـه
أنـا ماني بقايلهــا عســاي افــرش ثـراها ورود
بــعـد مـا حطمــت قلبــي وطـعـم الـمـوت جـربتـه
عسى بفستانهــا أشـواك وبثوبـه عقــارب سـود
ونــار تحـرق الـكـوشـــه وتــحــرق بيتهـــم حـتـه
ومــوت بليلـة الـدخـلـه يبــرد حـرتـي يـا كــود
ولا أحـــس أنهــا بحضنــه يــلامس خـد لامـستــه
علـي أهـون إذا ماتـوا ولا بنفس السريـر رقـود
تـــرى صـعــب عـلي أتـخـيــل اللــي ما تـخيـلتــه
عسى قاع الثرى يقسى ويتحـول صخـر جلمـود
وحفــار القبـــر يرفــض يســوي فــــوق مقـدرتــه
ترى دفنت عديـم الذات تـلــوع حتى كبـد الــدود
ومـن خـان العـهــود ومـات تعـافـه حتـى مقبـرتــه
عسى ربي يجازيـهــم بـحـبـل مـن مسـد ممــدود
يـعـلـقـهــم مــع أطـرافــه وفـوقــه نــــار وتـحـتــه
أنا مـاني حقــود وشين ولانـي من نســل نمـرود
ومـن حــط نفسـه بـوضعـي يـقـول اللـي أنـا قـلـتـه
مـدام الفعــل لـه ردة فـعـل ولله ابـشـري بــردود
بــدعــي دامـنــي حــي وبـغــرس لـدعــاء نـبــتــه
وبسقيهـا نزيف القلــب ودمع ما رحـم لي خـدود
وتـكـــبـر والـثــمـر ثـــاري مــن اللــي تـكـبـدتـــه
ثلاث سنين أنا أبني وجت صــوره وبكـل بـرود
خــذت منــي شقــا عمــري وحلــم قلــت حـقـقـتــه
ثلاث سنين أنا اخـطـط لـهــذا اليــوم يابوسعــود
وتوافــق من كلام أختـه وصــوره أربعـه فـ سـتــه
ابغى تفاعلكم
ثلاث سنين
العرض الشجري