عمرها ( 15 ) سنة وتغازلني بالمنتدى

[عجوز سمنسي]

[align=center]انا من الناس اللي تسنتر على النت اربع وعشرين تبن

انا ربي بلاني فيك بلوى *** عشقتك والعشق اكبر مصيبة

في ليلة من الليالي سنترت كالعادة

جاني النوم وقبل ماتغفي العين لقيت رسالة جديدة في بريد المنتدى

فتحت الرسالة

تعرفوني انا رجل اجتمعي واقبل بالجميع

<<< يلمح ماعنده احد

فتحت صفحة الرسالة وكنت متوقعها رسالة حذف كالعادة

كونوا معي لنقرأ الرسالة سم سم

اقتباس: ( هلا فيك ياعجوز كيف حالك وش اخبارك انا اسفة على رسالتي هذي لكن لقيتك وقلت اقول لك اللي بخاطري بصراحة انا مستحية منك واحسك كبير بجد وعاقل وفاهم الدنيا زين وعارف الناس انا متابعة لمواضيعك وردودك واحس فيها عكس اللي تقوله بسب البنات تقبلني مثل مابي انت وهذا ايميلي hotmail.com@************* ماعاقني الحساد واعشق مصيري موتي علي اهون ولا موت الأمال اسمع شهيق الصدر واسمع زفيري واسمع ونيني داخل الروح موال يكفي انا (انثى) تعديت غيي شلون اجل لو كنت بالوقت ( رجال))

قبلت ايميلها واضفتها وهذا جزء من المحادثة بعد حذف الغير مهم

قلت انتي بنوته؟ قالت : يس وغيري وغيرك يالسمنسي ياكل خس

<< تفحجت كشرته من الوناسة


قلت : كم عمرك قالت : ( 15 ) سنة

قلت ماشاء الله فرفورة

وش بغيتي من العجوز السمنسي ؟

قالت بصراحة ومالك بالطويلة ياعجوز انا معجبة

قلت : لا والله ؟ طيب احلفي عشر مرات

قالت : اي والله

قلت : وش معجك بالعجوز ؟ انتي قد اصغر بناتي

< عقب مايعرس ان شاء الله على سورية حمراء تلق لق تقل طماطة محمي

قالت : انا مايعجبني الجيل الجديد مراهقين

فلت : وانتي وش تصيرين ؟ من جيل الفراعنة ؟

قالت : لا انا من هذا الجيل لكني اعرف كيف يفكرون

قلت : تعرفين كيف يفكرون وهذا عمرك ؟ توك صغنونة يابنتي على الحركات

( هذا مقطع بسيط مما حدث بعد ابداء النصيحة الواجبة )

اجي للزبدة بالموضوع

كثير من المحادثات على شاكلة محادثتي تحصل في عالم المنتديات وعالم الماسنجر

ما اثارني هو صغر عمرها ومراهقتها التي قادتها الى التعلق برجل يكبرها سنا

كبر ابوها دبل الدبلات
سؤالي : مالذي يجعل مثل هذه البنت اولا تسهر الى انصاف الليالي لاحسيب ولارقيب

فهمت من محادثتها ان الدردشة لعبتها والتسحيب بالشباب هوايتها

تقول لي عن اكثر من شاب سحبت فيهم والمساكين خشومهم متقشعة من التسحيب

صاير خشم الواحد تقل حبحر بارد

ماراح اطول عليكم وابترك الحديث لكم انتم ايها الاحبة

انا مهمتي انني اقتصصت لكم جزء مما حصل وانتم الحكم

>>> كم تدفعون واعلمكم من هي
اتسذب والله لو تطبق السماء على الارض ماعلمتكم يالشروفين

دمتم بحبي وبس وغيركم ياكل خس[/align]

[الفتى السمنسي]

ياجدي تراك فاهم السالفه غلط البنوته اللي تعاكسك هي غلطانة ومهب يمك هي تعاكس حفيدك الفتى بس حصل خطأ بالمعرف بدل ماتكتب الفتى كتبت عجور’’’’’يعني بالله وش هي شايفة فيك ياجدي يامعرعر ’’’’’المهم لاتحذف الإيميل تراه لي أنا ’’’مهب لك ياشايب عراره’’’’’’’’’’تشااااااااو

[فيصل...........]

عجوز سمنسي
الفراغ واهمال الاسره في مراقبة
البنت او الولد له دور في انحراف
البنت او الولد

[قلب الأسد]

الا انت ياشايب وش مجلسك عاى النت اخر الليل ...
بعدين يابعدي ياكثر اللي زي هالنمونه, المشكله انهن ((صغار))
وطايحات بالمعاكسات شلف ,وعاى باله انه تلعب عاى الشباب
يمكن واكيد تلعب عليهم بس ماتدري ان هالشباب فيهم من لعب
عليه قبل ماتلعب عليه ..
القهر واللي يبط السبد صدق وشلون مخلينها ع النت ونايمين والله هذا القهر
يعني هي بنت مراهقه بس هذي مشكلة بعض ربعنا (الثقه الزايده او الاهمال)

السمنسي لاتصير مزيون وحنا ماندري ,,,

[kito koroba]

السلام عليكم ورحمه الله وبركاته

بصراحة انا ماعرفت هل الموضوع ظحك ولا نصيحة

المهم حاب اوضح كم نقطة

- البنات يحبون تصغير اعمارهم ..

- إذا كنت بنصح واحد عن الابتعاد عن المخدرات ما اروح اتعاطى معه علشان انصحه.. << اتمنى انك ماتفهمها غلط

- النقطة الاخيرة .. مهما كان الي ارسل لك الرسالة او تكلم معك بالايميل احتمال 50% انه مو بنت يعني ماتقدر تعرف من مجرد الكلام معه..

تقبل خالص تحياتي
والله يعطيك على قد نيتك

كايتو كوروبا
kito koroba

[رحّــال]

يا حظك يالعجوز

15 سنه والله مانت بسيط واحنا عجز وما لقينا

بس تصدق يالعجوز ربما تكون البنت مثلك عجوز وتقول انا عمري 15 سنة

لكن ما استبعد الشي هذا

لأني شفته بالواقع

وهذا يدل على أهمال الأسرة لبناتهم

والله يستر على الجميع

[The Free Man]

والله هالبنت ماعندها ذوق

وانا ليس ما ترسل لي

وش فيني؟

حبوب وطيب وتشفط اللي بجيبي بضغطة زر

بس هذي شكلها تحب الهوامير



عجوز
شكراً على الحتوته






بيس

[رحيل]

تصدقون لا شفت البنات يسون هالحركات

أكلت هم بنياتي بعدين والله إني خايفتن عليهن >>>>( وحده تجهز العصابه قبل الفلقه )

الحين الناس توحش فما بالكم بعدين

ولا العيال أباليس ماينخاف عليهم

يارب تستر على بنياتي اللي مابعد جن وبنات المسلمين

[امرؤ القيس]

اقوووووووول شكلك شربت المقلب صح

[توتي]

هلا والله بالشايب


الحين يجيك احد يقول انك حاط الموضوع هذا علشان تميلح عندنا

عاد تصدق انك منتب سهل يالشايب 15 مره وحده
دبرنا لو بام 30

[@ الجفولة @]

طيب ليش تقبلها وتضيفها على ماسنجرك ,, ماتستحي على نفسك ,, الله يهديك أنت وياه
أنت ماتستحي من حفيدك (الفتى السمنسي) وانت ناشر غسيلك في المنتدى
كيف بتصير قدوة له وهذي فعايلك ؟!

[....الأمير....]

[align=center]مع الإهمال

ما فيش مستحيل [/align]

[كان هنا]

هذا كلام أحد الكُتّاب الرائعين وأحببت نقل كلامه


***
إليكِ أختي التي طلبتي اضافة ايميله لكِ:
حتى لو وجدت حبا حقيقيا في الماسنجر .. أي حياة ستكون بينكما وأي شك .. تقدري تقولي .. والله قبلك ما كلمت أحد .. ولو قلتيها .. تضحكي على نفسك لو ظنيت إنه رايح يصدقك( تخيروا لنطفكم ) .. كلمة كبيرة ورائعة تشمل كل شي .. وانا اقول لك تخيري لنفسك ولقلبك ولإحلامك ولإبوك .. الحياة ماهي لحظات على الماسنجر .. ماهي كلمات حب وخلاص .. دوامة كبيرة .. تحتاجين الى رجل بمعنى الكلمة .. احلامك كل يوم تتغير .. اليوم تفكري بنفسك بكرة في ابوك بعده في زوجك وبعده في أطفالك .. حياة طويلة عريضة .. ليه تهدميها بكلمة حب سواءكانت صافيه او غير صافية .. طالما انها اتت في الظلام فلا خير فيها اعطي قلبك وروعتك وأنوثتك لمن يستحق .. لمن يأتي من بابكم .. لمن لا يخجل أن يقول امام أبيك وكل الناس .. انا أحب هذه الفتاة .. اعشقهاكوني العالية .. بنت الأحرار.. كلك شموخ وعزة .. لاتكوني طير سهل صيده كوني رقيقة وعذبة من الداخل ولكن كالصخر من الخارج , هذا درب السعادة قدمته لك .. وأنتي حره .. بس فكري شويه ..

انتهى,,

**

لست بمتعصب!

[ابي الاسلام]

لاتهمك ام خمس طعش همق ماخبرتلي عزبه عاقله وفاهمه(طبعا زواج)

اصصصصصصصصصصصصصصص تراي امزح لاتسمعني المعزبه تمنعني من النت شهر

[عجوز سمنسي]

[align=center]

اقتباس:  المشاركة الأصلية كتبت بواسطة الفتى السيمنسي     ياجدي تراك فاهم السالفه غلط البنوته اللي تعاكسك هي غلطانة ومهب يمك هي تعاكس حفيدك الفتى بس حصل خطأ بالمعرف بدل ماتكتب الفتى كتبت عجور’’’’’يعني بالله وش هي شايفة فيك ياجدي يامعرعر ’’’’’المهم لاتحذف الإيميل تراه لي أنا ’’’مهب لك ياشايب عراره’’’’’’’’’’تشااااااااو

اقول هين بس

البنوتات تعرف من تختار

مالقوا الا خشتك انت وجهك

مراهق انت ماسمعت وش تقول البنية ؟
تقول ما ابي مراهقين

تبي ناس عاقلة مثلي تقدر الحياة العاطفية

<< يحك خشمة من البرد ومتوهق

المعرعر اللي تقول عنه يعرف وشلون يسوس العالم مهب مثلك مفشلنا ودايم طاير بالعجة ومبهذلنا

الايميل خلاص بسلة المهملات

دفناه ظف وجهك

تعال

قبل ماتظف زجهك دمت بخير ياحفيدي[/align]