@@ لو خيرت بين توأمتين ؟ وحده تعرف تطبخ والثانيه ماتدل المطبخ ؟@@

[the tiger]

[align=center][grade="00008B FF6347 008000 4B0082"]اهليـــــــــــــــــــــــــــــــــــــــــــن

بالجميع المتجمع بهذا الاجتماع المجموع... بخلاصه المجتمع ..


السلام عليكم ..


اولا ..


احب ان القي تحياتي الى من لهم حق علينا بالتحيه والسؤال عنهم في حلهم وترحالهم ..


ابدا في طرح نقاشي معكم ..


لو خيرت بين فتاتين (تويــــن) من اجل الزواج ..

وجميعهن.. ذوات نفس الصفات من ناحيه الاخلاق والجمال ..

ولكن ..


وحده .. ماعمرها شافت المطبخ .. الا بالمجلات .. والتلفزيون ..


والثانيه .. كل وقتها بالمطبخ .. ( حتى انها تجلل بجلال جدتها الاحمر حق الصلاة .. وتقييل بالمطبخ ..)

من كثر حبها للطبخ ..

صحيح ان ريحتها تقل ريحه (بيــــز) بس مملوحه ..

..

وش رايك ..


وش تختار .. لتكون شريكه حياتك .. وام عيالك .. وربه منزلك ..



تختار .. ام الجلااااال ..


او ..


راعية التسدح بالكنب ...؟[/grade][/align]

[أبوفالح]

[align=center]

اقتباس: لو خيرت بين فتاتين (تويــــن) من اجل الزواج .. وجميعهن.. ذوات نفس الصفات من ناحيه الاخلاق والجمال ..

ياااااه .. الاختيار صعب جداً .. الله يعين راسي على التفكير

أكيد أمزح معك .. هاذي تبي قول .. فإذا كانن بمستوى واحد من حيث الأخلااق والجمال أبختار اللي تعرف تطبخ ، يعني أنت مثل اللي يقول .. تبي أهديلك شقة أو فيلا .. طبعاً ما تجي ياعم
تمنيت لو كان الفرق بين وحدة عادية الجمال وتعرف تطبخ .. وبين بارعة الجمال ولا تدل المطبخ ..
على كذا يكون هناك مساحة للتفكير والمفاضلة ومع هذا الأخير .. خذها مني :
العزوبي الذي لم يسبق له الزواج .. يختار الي ما تعرف تطبخ
المتزوج قد يختار القرمة [/align]

[the tiger]

ههههههههه


حياك الله ابو فالح ...


هذا رايك .. وان احترمه ..

لكن البعض ... له راي آخر ,,

فيه ناس ..


يكون طبعهم يميل الى الرومنسيه اكثر (في تفكيرهم طبعا)

وان الرومنسيه مايجدونها ..براعيه ( الجلااااااااال) ...

عشاااان كذا .. انا ابي .. راي الجميع بهذا الامر ..

تحياتي لك ..

[هامة حاسوبية]

[align=center]




أفااااااا يا ذا العلم

يعني اللي ماتعرف تطبخ طايحن سوقه >> إيقاله ماتدري

عموماً أنا نقدي على سؤالك نفس نقد أبو فالح

لكن لو أنا رجل كان أختار اللي ماتعرف تطبخ >> إيه هين





[/align]

[the tiger]

هلااااااااابك ياهاااامتنا ..


هههههههههه



شكلك انت وابو فاااااااالح ... رااااااااااااااااعين .. تلوووووحس عند القدووووووووور .. وشمشمه ..


ههههه



من كلامك واظح انك انت وابو فالح تختارون ( ام جلااااااال ) ..



وهذا هو المطلوب ..




مشكووووور على اتاحه الفرصه لي بالرد عليك ..

[أبوفالح]

[align=center]

اقتباس:  المشاركة الأصلية كتبت بواسطة the tiger     هلااااااااابك ياهاااامتنا .. من كلامك واظح انك انت وابو فالح تختارون ( ام جلااااااال ) .. وهذا هو المطلوب .. مشكووووور على اتاحه الفرصه لي بالرد عليك ..

هذا هو المطلوب ... شكلك أم جلال وفرحانة بالتصويت .. والله مادري هو أنتي أو أنت .. ماعلينا
لكن ليش اللي تعرف تطبخ ( أم جلااال ) وش ذا الوصف الغريب ، وش يمنع تعرف تطبخ وبدون جلال .. وين المشكلة

فاصلة ،،
أثاري العالم تسهر إلى هالحزة .. أنا جزت عيني من النوم وقمت أشابط هالكمبيوتر [/align]

[•°سـرىآ اللـيـل°•]

أولاً بسألك سؤال على الطااير

وش هالناس اللي يخيرونك في بناتهم ؟؟؟؟ أستغفر الله

والا مذكورات لك ذكر بس ؟؟!! على العموم كيفك لكن استغربت ..


شف الله يطول بعمرك على عمل صالح البنت اللي ماتعرف تطبخ مثل الرجل اللي مايعرف يسووق لاتقرب حووله قسم ان تبلش بعمرك..

وبالنسبة للرومانسيه وماادري إيش والله ماشفنا باللي مايعرفن يطبخن غير الطبالة والبلبطة الوحدة إذا دخلت على الناس ضيقت عليهم يدرون أن مامن وراه سعة صدر وسنع

مهب مثل لادخلت الشوشلية عاشت أيامه اللي إذا جت إيده مستحيل تفضى ولا قالت قالت ولا منك عزمت تلقاه تبيض وجهك قدام المعازيم

شف بقولك فرق بين أنك تقول هذا من المطعم ولو تقول هذا طبخ فلانة ترى كذا تصير شيء قدام أصدقاك ويغبطونك..

وإذا قهويت أحد مهب تجيب من باتشي وآكار عندك المدام عنهم كلهم ..

خاصة أن هالوقت ثلاث أرباع البنات دواان بالطبخ الله يخلف ميير .. << بس آندومي متقطعة قلوبهن يابعدي

بصراحة أنا وأنا بنت مالي خلق اللي ماتعرف تطبخ أحس أنه مامنش وتفتقد لذوق ومهنة أنثوية راقية..

شف الطباخة ضماان لك غالباً تصير من جميع النواحي إكه .. لأنه أنسانه ذويقه ..

((((((((((((((وينكن يالطباخات جاكن مدح ))))))))))))))

يالله شكرياات الله يوفقك ..

[هامة حاسوبية]

[align=center]




the tiger

أولاً : عوداً حميداً

ثانياً : أنا بنـــــت

ثالثاً : لا والله ما حب الأكل بس لأني ما أدل درب المطبخ

أخوي يقولي : هامة ! ما أتخيل شكلك يوم واقفة على الفرن وتطبخين >> أبووووك يالتحطيم

وأمي تقولي : ترا الرجال مايبي بنت تعرف للكمبيوتر وبس ! يبي وحده تعرف تطبخ >> وه بس ، طيب ماحب المطبخ

بس بصراحة ، شهادة حق ، مطلوب إن البنت تعرف تطبخ ، يعني الرجال متزوج عشان ياكل من المطاعم ؟

لذلك أنا أجلت تعلم هذه المهنة الكريهة ولكنها الضرورية إلى حين اقتراب زواجي بإذن الله





[/align]

[....e7sas]

[align=center] إذا تبي الصدق:
[align=center] البنت لازم يصير لها لمسات في الحياة
حتى لو كانت انسه عايشه في بيت أهلها،،،
لإن الحياة أخذ وعطاء مو بس اخذ << طبعا هذا رأيي الشخصي
بعدين عن نفسي ما احب البنت الإعتماديه ،،،

لكن بالنسبه للتوأمين كلهم فيهم محاسن ومساوئ:
يعني الأولى همه المطبخ وراح تضحي بكل شي علشانه
لكنه راح يكون عندها ذوق وشغلها يتميز عن غيرها،،،

اما الثانيه ما راح يصير عندها ثقه لما تدخل المطبخ،
لكن الأياااااام راح تعطيها خبره لكن متى؟؟ بعد فتره

وخير الأمور أوسطها
،،

أجمل الأمــــــــــــــاني
[/align] [/align]

[العبرى]

للأسف اغلب البنات الآن

يظنون ان الدلع والرقه والرومانسيه بترك الطبخ والمطبخ..

فاهمين بالمقلوب..!

اعتقد الخكاره موضه قديمه



تحيتي,,,

[بنت البدائع]

أقووول عمرنا ماعرفنا الرومانسيه لاصارت تخلينا نترك المطبخ

لاه لاه

أجل وش حضرتي معرسه ومدهره ومتكلفه
كله عشان أتبطح ببيت إبن الحلال

لاوالله إن ماأظهرت شهامتي وقرامتي بطبخي ومطبخي مانب مرت(ن)سنعه ,,, وش يبغابي

وأترك عنك راعيه الدلع وخذ إخته راعية الطبخ والنفخ ,,, لو تغدي من الريحه فص بصل


والله يابعض البنات ممن أعرف متحسرات بالحيل بمطابخهن بعد الزواج
وهذي ضريبة الدلع ببيوت أهلهن اللي الوحده ماتسد شالت عروة البريق

ههههه تذكرت موقف:
هذي وحده تقربي بالحيل ,, كانت قمة بالدلع والدلاخه ببيت أهله والظاهر إنه ماتدل باب المطبخ <<اللهم لاشماته
ماتعرف لاطبخ ولايحزنون ,, كل حياته قائمه على الدلع وتربية الدببه بزوايا الغرفه

عزمتن مره ببيت زوجه ,, وقال أبعشيتس من إيديني اليوم <<< الله يستر

وكل المغرب وهي صن ولاتصن بالمواعين
وأشم الريحه بس ماأدري وش الطبخه ,,,

المهم

جاء وقت العشاء ومادريت إلا وتحط لي صحن هكالسليق اليابس اللي كله نشأ
أنا حامت تسبدي وودي أصرّف بس مستحيه
وحطيت حيلي بالسلطه الحّاره ولطعتن لمين قلت ربي الله

وياحبيله تقول ,, شكلي ماظبطته إعذرين << قلت أيه إرحم حالتس هذي نتيجه الرفاهيه وقلّ الطبخ

موفق ياأبو التوأم

[أمــاسي ونص]

كركركركركر
اشوى اجل زوجي يفتخر فيني
طيب ليش ام جلال ماتجمع الدلع والطبخ ترا كلهم يجون يعني فيه وقت للدلع وفيه وقتت للجد والطبخ
ودمتم سالمين

[ღعبدالله العطيشانღ]

طيب ما أقدر أجمعهن عصفورين بحجر !
أكيد اللي ما تعرف تطبخ
لإن بنات الوقت إذا صارت تتقن فن مهارة الطبخ تشغلك بكثرة الطلبات
تخلص ميزانيتك ولساته هاجتن فمه

بايووووووووووووووووو

[حزام الأمان]

والله سرى الليل وبنت البدايع شكلكم شي ماشاء الله

بس طيب اسمحلي ياصاحب الموضوع بسال اذا كان فيه بنت نص نص بالمطبخ
يعني اكلي شعبي اغسل يدك وشي ثاني تقول اذا تزوجت ماحب اطبخ يوميا
يعني كذا عادي الزوج مايزعل ؟؟؟ بعدين يعني حرام تطبخ وتنظف وتغسل وتكوي
وتتعدل يوميا !!!!!!!!!!!!!!!!!!!!!!!!!
ماتجي والله صعبة !!!!
سالي اعيده مره ثانيه هل ممكن الزوج يتنازل عن اكل البيت 2 او 3 مرات بالاسبوع مراعاتا للظروف سابقة الذكر؟؟؟؟؟؟؟؟؟؟؟؟؟؟؟

[فيصل...........]

ما اختار منهم شي
اخاف تصير بنتي باكر مثل خالتها ما تعرف تطبخ ثم ماحد ياخذه>>> ذكي