من يعرف شي عن حملة البركة يفيدنا؟

[أبـــو ولــيــد]

السلام عليكم ورحمة الله وبركاته
ارجو من يملك معلومات عن حملة البركة في بريدة ان يخبرنا عنها هل هي ممتازة وخدمتها متكاملة ام لا ؟ خصوصا ان سعرها مرتفع شوي (4000) ريال على الباصات . اتمنى من الجميع التفاعل ومن يملك معلومات عن حملات اخرى مجربها يفيدنا مشكورا.

[محسن الحربي]

بالنسبه لحملة البركه ماعندي فكره بصراحه !!

وبالنسبة لأنك تفتح 4 او 5 مواضيع عن نفس الفكره في كل موضوع شق من نفس السوال .............ز فما أقدر اقول غير الله يعينك على اللي بيجيك من اول مشرف يشوف هالحركه

اكتب كل ماتريده ياغالي في موضوع واحد وهذا افضل لك وللقراء.

تحياتي

[أبـــو ولــيــد]

اولا مشكور على ردك ثانيا : تكرار الموضوع بسبب اني سويت ابديت للمتصفح ونزل الموضوع اكثر من مرة فقط لا غير.

[DaRk MoOn]

ماعندي فكره ان شاء الله الاعضاء يفيدوونك

[<<NONI>>]

ما عندي فكره عنه

[ام فهودي]

بصراحه حمله البركه جميع الخدمات متوفره جربتها السنه الماضيه والله ممتازه ومتكامله توكل على الله وسجل فيها
والله الموفق

[قمراي.]

حجيت فيها أنا والوالده الموسم الماضي
حمله ممتازه جداً وسعره للتصحيح (4500) للشخص الواحد
من غير الضحيه
مشرفين ممتازين ومعامله ممتازه
البوفيه 24ساعه >>> بالنسبه للي يحبون الأكل
استضافة مشائخ ومحاضرات وتثقيف
باصاتهم ممتازه
مخيمات ممتازه قريبه من الجمرات
طبعا هي وحملة المحيميد جنب بعض مخيم واحد

هذا اللي اذكره وان بغيت شي اسأل وكاني اعرف علمتك

تحياتي

[نـــNAــونا]

تجربتنا معها للاسف لسيت بالمستوى المطلوب

حج فيها أخوي واختي لكن أبدا ما مدحوها

ما فيه تنظيم للإفاضه من عرفة إلى المزدلفة

يقولون ما وصلنا عرفة إلا ضحى العيد


أنا أرى إن افضل حملة هي العتيق حج معاهم جدي كم عام وما شاء الله يمدحهم والسنه الوحيده هي التي حج فيها مع البركة وعاد للعتيق لكن لابد من التسجيل مبكرا

على ما نسمع إن أي حمله مو كل باصاتها وخيامها بنفس الجودة

يعني فيه مجموعات أفضل من مجموعات



والله يعينكم على الأسعار المبالغه في الحملات

[آلبآتشينو]

8

يا جماعة الربع الموضوع هذا له سنتين

( 24-11-07, 11:14 am )

الرجال تسد حج و خلص .. و أنتم توكم اللي تردون ..


قمراي

اقتباس: هذا اللي اذكره وان بغيت شي اسأل وكاني اعرف علمتك

ههههههـ أجل إنتظرهـ .. هذا إذا كان عايش لــ الحين ~