متى يسمحون لحريمنا تسوق ,,,!!!!!

[عاشق ديرتي بريده]

قبل فتره كنت بالكويت وكنت اتمشى انا وصديق لي
وكنت اشوف النساء الكويتيات وهن يقودن السيارات
ماني متكلم عن الحجاب لان خلعه محرم لكن راح اتكلم عن القياده
والله اللي شفته بالكويت نساء تقود السياره ومحترمه نفسها
والناس محترمينها ولايوجد معاكسات ولاشي الا ماندر!!

وقلت ببالي متى يجي الوقت واشوف السعوديات يسوقن !
والله اول كنت معارض قيادة المرأه بس بعد اللي شفته بالكويت
وشفت الحياة طبيعيه هناك تمنيت ان نسائنا تقود السيارات وتقضي حوايجها بنفسها !!

لااحد يقولي حرام وهو مايدري !!!
انا ابي نسائنا تقود السياره وهي متنقبه ومحترمه نفسها !
ادري راح يكون بالبدايه مشاكل لكن مع مرور الوقت راح يكون كل شي عادي !

رجاء اللي يبي يرد على الموضوع يرد ويترك عاشق لان هذي وجهة نظره ,,

[’ ŚĀM]

عآآشقـ...
تفكيركـ يعجبنيـ..ونآآدر مآنلقـى احد يفكر زييكـ وخآآآآآآآآآآصهـ اذآ كآآنـ(بريدآآويـ)..!!

امآآ متـى بيسمحوونـ...!!!
معـ وجوود عقليآآتـ متخلفهـ وكلـ تفكيرهآ (انـ البنآآتـ فسآآد مجتمعـ ويجبـ محآآصرتهـ)

مآآظنيـ بيجيـ اليومـ الليـ بتسووقـ فيهـ البنتـ عندنآ....!!!

تبقـى وجهة نظــريـ الخآآآآآآآآآآآآآآصهـ...!

[# الزلزال #]

اقتباس:  المشاركة الأصلية كتبت بواسطة najooode     عآآشقـ... تفكيركـ يعجبنيـ..ونآآدر مآنلقـى احد يفكر زييكـ وخآآآآآآآآآآصهـ اذآ كآآنـ(بريدآآويـ)..!! امآآ متـى بيسمحوونـ...!!! معـ وجوود عقليآآتـ متخلفهـ وكلـ تفكيرهآ (انـ البنآآتـ فسآآد مجتمعـ ويجبـ محآآصرتهـ) مآآظنيـ بيجيـ اليومـ الليـ بتسووقـ فيهـ البنتـ عندنآ....!!! تبقـى وجهة نظــريـ الخآآآآآآآآآآآآآآصهـ...!

انت ودك الحريم يسوقن وانا ودي هالعضو يغير اللوان الخط من ابيض لا خضر

اللوان غبية ..

ولا تهون العضوة العبري .. اللي تختار حجم خط تمتحنك ما قريت وش مكتوب ..

[’ ŚĀM]

اقتباس:  المشاركة الأصلية كتبت بواسطة # الزلزال #     انت ودك الحريم يسوقن وانا ودي هالعضو يغير اللوان الخط من ابيض لا خضر اللوان غبية .. ولا تهون العضوة العبري .. اللي تختار حجم خط تمتحنك ما قريت وش مكتوب ..

يآآآحووبيـ ليـ وألوآآنيـ |||بسـ على فكرهـ انآ (((عضوووهـ)))مو عضــو!!!!

[عاشق ديرتي بريده]

اختي نجودي
البنت الفاسده فاسده سوا بقياده والا بدون يعني القياده ماراح تفرق شي .

[•°سـرىآ اللـيـل°•]

طيب كم جلست بالكويت ؟؟؟؟؟

أقييمت ندوه بالكويت ,, وكان مع الحاضرين أخوي الله يحفظه

يقول يوم جينا بنطلع جلست مع دعااة كويتين فقالوا لي دكتور عبدالله والوفد اللي معااك

نبغاكم توصلون رساله لأخواننا في السعوديه عارضوا من يطالبون بقيادة السياره للمرأه

حتى وأن ذكروا الفوائد لان النهايه ستصبح وخيمه وسياتي أجيل يدوسون أخلاقيات البلااد تحت أرجلهم..

كما فعل بنا سيفعل بكم ,,

اذا الكويتين يعارضون ياعاشق وش نقول حنا ؟؟

انا بنفسي دخلت في موضوع عن قيادة المرأه للسياره وحوار قوي مره قبل 4 اشهر تفاجأة

بتواجد كويتيات يردون في المنتدى يعارضون .. باسامي صريحه ,,

اذا هم ضد أحنا نجي نقع بنفس الخطأ

لاتنظر لوحده وثنتين ,, وشف البلاوي اللي عندنا وحنا ما نسوق وش لو يسمح لنا

الله يهدينا قل آآمين

[عاشق ديرتي بريده]

اختى سرى

اقتباس: وشف البلاوي اللي عندنا وحنا ما نسوق وش لو يسمح لنا

يعني الفساد موجود بدون قياده ليش نقول ان القياده تبي تفسد البنات !!!!

[•°سـرىآ اللـيـل°•]

اقتباس:  المشاركة الأصلية كتبت بواسطة عاشق ديرتي بريده     اختى سرى يعني الفساد موجود بدون قياده ليش نقول ان القياده تبي تفسد البنات !!!!

هذا بلاء ابوك ياعقاب ,, يعني انت تبينا نزيد النار حطب !؟

ويكون بعلمك الكويت سمحت بالقياده قديما يوم الزمن صالح ومع ذلك شف وش جر عليهم هالقرار بلاااوي وأسأل الكويتين يخبرونك ,,

فما بالك بنا أحنا الزمن صار فساد × فساد ,, وتبغى في هالزمن نسمح !!

يعني العقول ياعاشق تدهورت فإذا فتح المجال للبنات رحنا فيهاا

اللحين بنقول قضاء للحوائج والضرورات بعدين الناس التعبانه بتدهور بلادنا..

لاتقول الفساد موجود وش يفرق؟

صدقني بإعطاء الحريه للمرأه كذا نزيده أضعاف مضاعفه

بعدين بالنسبه للحكم..

واجد أحكام لايوجد دليل قاطع على تحريمها فمايحتاج نسوي أغبياء ونقول أعطونا دليل قاطع ..

صح مافيه دليل يحرم قيادة المرأه لكن تحريمها من باب درء المفاسد ,,


ماأظن ياعاشق تخفى عليك المفاسد اللي بتجرها القياده لكن يبدو أنك تتجيهل والا بتثير الغير

خلااص ياعاشق أبدأ بمن حولك وإذا كررت الزياره للكويت أسمح لأختك أو لزوجتك بقيادة السياره

أقل شيء تمنى لنا ماتتمناه لأخواتك ولزوجتك ,, صح ياعشووق ؟

[[..عذآري..]]

يسعد مسائك أخ عاشق .....


انا من نظري قيادة المراء للسياره شي عادي اكيد راح تكون هناك نظرة فعل عكاسيه



لكن من الايام راح يكون الشي عادي


اطرح إليك مثل السائق عند العائله كان اول ممنوع ومدري إيش


ومسوين زحمه بأن السائق لايمكن استقدامه


واللحين بالعكس صار شي عادي لان الناس تعود ت على هذا الشي



طيب هنا اقول للناس اللي مو مؤيدين طيب إذا صارت المراء هـ ماعندها احد يوديها ويجيبها


ايهم احسن انها تركب مع سائق بدون محرم او ان هي بنفسها تقود السياره ؟

[بنت البدائع]

قل آمين قبل تنزل تحت

^


^


^


^


^


^


^


^


أماااااااااااااااانه عليك ياعاشق قل أمين.




قلته؟؟









^^

^^

^^

^^

^^


^^


(الله لايجيب اليوم اللي تسمح الدوله بقيادة المرأة فيه)

خلنا على كذا مبسوطين ومستورين
حتى لو ماقضينا حوايجنا ..

[الحصان الأسود]

موضوع أخذ حقه الكافي من النقاش ..

احترامي عاشق

[منصورعبدالله]

والله رحت للكويت كثير وقليل ماشوف معاكسات...
عكس كلامك تماما...
ويكون بعلمك ان اكثر مشاكل بالخليج عند الكويت على انهم قليلين...

فما بالك حنا......؟


ممكن الحريم اللي بالكويت شفت لك متنقبة او وافقت معاك..


والموضوع مستهلك من كثر المناقشة....

واعتقد الاجابة معروفة.. فكل شخص له رؤيته الخاصة...

طيب مثلا ...

ماتخلي احد من اهلك يقود السيارة لتبداء انت ...

واذا كان كل شي تمام حنا نبداء بعدك...



تحياتي ليك..

[هامة حاسوبية]

[align=center]




عاشق

أعلم أن هذا الموضوع تكرر كثيرا

وكانت - ولازالت - وجهة نظري واحدة وهي أن السماح للنساء بالقيادة ستزيد من المفاسد بسبب قليلي وقليلات المروءة والأخلاق

في حين أن هناك من هي تحترم نفسها وقد يفرج عليها الموضوع الكثير من المشاكل والحاجة ، ولكن كما يقال : البعض يخرب على الكل !

وحقيقة الثلاث أيام الماضية وإلى ماقبل 10 دقائق أحدث نفسي وأقول : ليتني خارج السعودية لأقود السيارة وأتخلص من الرجال الذين (محسوبين علينا رجال بالأوامر بس مانشوف لهم نفع) >> وحده حــــده معصبة





[/align]

[ضايع في المحبه]

والله لو يسمحون للنساء بقيادة السياره ان تشوف البلاوي.
بسم احمد ربك واشكره
وقل يارب ان الدولة ماتسمح بذلك.......................

[kinder7193]

هلا بك اخوي عاشق بريده
تصدق الي برا السعوديه يقولو يا سعدكم باشياء كثيره خلك عن سالفه بترول وغيره
اذا بنتكلم حقوق المرأه كثيره ومنها هذا الموضوع انا لست مؤيد لموضوع لكن مره جلست مع إماراتي ويقولي
والله إنكم مبسوطين هنا بالسعوديه . لا حظ المفروض انا اقول الكلام هذا
قلت ليش قال ياخي عندكم الأذان كل الأوقات تسمعها وكل المراكز التجاريه بتسكر . ولا عندكم حريم يسوقن .يعني ما عندكم الفساد الي عندنا بالإمارات
يعني حنا المفروض نستيفيد منهم ولا نغلط غلطهم

خنا الحين بناتنا متوذيات من الشباب وهي مع أهلها بلايا سيارات وش عاد اذا هي تسوق بمفردها هذا مو عدم ثقه بالبنات ولكن الشيطان يغوي الانسان . ولا تقول المشكله إيذاء البنات موجوده قبل قياده السياره ولكن ما نحل المشكله بمشكله ثانيه

يا خي خلنا ندلع حريمنا نوديهن ونجيبهن للي يبغن

ههههه
ارجو تقبل رأيي وانا برضو بحترم رأيك