(( قصتــــــــــــي مـــــــــع اختــــــــــي))

[بسكاتي اذلك]

[align=center][grade="FF1493 800080 4B0082 8B0000 008080"]السلام عليكم ورحمة الله وبركاته << :: (( هذا خذنا حسنه منكم يالبخيلين ))


اليوم ما لي خلق مقدمات مآصلة وما منها سنع <<< زين يوم انك تعرفي




حبيت اشارككم بذكريات غابره تتناشب برأسي الصغير تقول لي الا طلعيني من هالمخ المخيس ,, ما فيني أتعفن معس , , مع ودعواتي لكم بعدم التسمم من اثر السالفه التحفية .. ورجاء للناس الي عندهم ضيق تنفس يعذروني وربي ادري صعب عليكم بسب الذمة ويا وجيهكم اذا احد صار به شئ ما يجي ويسدح بلااه علي ,,



ترجع بي الذاكرة الى سنوات مضت عندما كنت آخر العنقود ..


كنت جالسة العب صقــلة <:::: للناس الي مفحطة ومسوية ما تعرف ترى هي لعبة شعبية تلعب بالحصى الصغير ومع الحماس ممكن البنات يفقعون بعض << يا انه ولد جيرانا فقع راسي << وللحين حاقدة عليه ,, مدري وش الي دخله بينا بنات يلعبون مدري وش جابه وخلاه يتحارش ,,


نرجع للمحور الأساسي ,, كنت العب مع البنات وفجأة قالوا أمك ولدت وجابت بنت خيــــير يعني الواحد مايمديه يلتهي شوي عن بيته كم ساعة الا ويجي احد بداله آخر العنقود هذا مكاني والله حالتي تعور القلب ,,



آه ياقلبي لاتحزن اللللللللله يرحم بس خلاص مانيب آخر العنقود


وطبعا ودكم تسعلون من ذي هذي اختي ,, <<< هي انتي تراني حاقدة عليس ,, مسوي فيها آخر العنقود ,,, << بس قديمك نديمك << يعني أنا الاساس <<<



وسوف اطرح عليكم بعض مواقفها معي لعلكم تقدرون مدى صعوبة العيش مع بزر يصغرك ويأخذ مكانك الي حس فيني يرفع يده << وربي ودها ينعن خيرها اليوم



في يوم من الأيام كان عمرها حول الاربع سنوات ,, انفردت بنفسها لبعض الوقت


وانا وامي وخواني جالسين نتفرج على التلفزيون .. وفجاة تدخل علينا وشكلها غريب مااقدر اوصف كيف يعني بس لو تتنح بوجهها قرن ماعرفت وشووو فيه ::


طبعآ انا وامي وأخواني استفهامات كبر الهملايا تدور حول روسنا

وتقوم امي تذب فيها و تصرخ عليها يا خبله لاعبة بالبودره خبركم البزران يوم تلقاهم يلعبون بكريم وبودره اور روج وكله كوم ,, واالفازلين بالشعر كوم ثاني والله لو تغسلونه ببترول ماطلع<<<


المهم هي جاوبت والبرآة تقطرر من عيونها وش بودرته ؟؟

قالت :: امي اجل وشفي وجهتس

قالت :: مافيه شي

طبعا انا وخواني انوااااااع التناحه

ماش نبي نكتشف الشكل عجزن ورفعنا الشعار الابيض وفجعة قصدي فجآة صرخ واحد من خواني وهو مييت من الضحك شوي ويشق بطنه يبي ينتحر ماتحمل << يرحم اهلس لا توصفين مرة ثانية

قال شوفو ا حاجبها انعن خيروانحلق
<< طلعت المفهية حالقة حاجبهااا
خخخخخخخخخخخخخخخخخخخخخخخخخ


قالت :: وش دخلكم<<يلعن ام الأخلاق وهذي هي أصغرنا

طبعن امي خلاص وصلت آخر مراحل الأنهياروقالت ::: ليه ياغبيه

قالت :: وش دخلكم اصلا



ياالله خواني ترافسوا من الحماس والضحك

اللي يطق على الأرض :::

والي يرافس في بطن الثاني :::

والي طلع يزاحف برى يبي اوكسجين :: تقولون فاقعينا بقنبلة مسيل للدموع
المصيبه مو هنا عادي حاجب بينبت مع الوقت <<


بس بالليل كان عندنا زواج

يالله حلو الشكل بتحتفل بالعرس وهي بحاجب واحد وش يقولون علينا الخلق
طبعا امي خلاص ذاك اليوم نعنت خيرها بس ماعليكم جابت حل خطير مؤقت تقوم امي وترسم لها حاجب بالكحل <<<


تخيلوا ايش صار مع اللعب والمناقز والطق والوناسة


الكحل ساح

ورجعت كما كانت بحاجب واحد والعين محاطه بهاله سودداء خطيره تقول طالعه من ملاكمه :: ويا محمد علي كلاي :: يعني من جد جينا نكحلها عميناها





اللي ودي اوصله لكم:

1- اذا جاك واحد وقال الشبيبه فتحو مشاريع واشتغلو في التجاره وانتم راقدين ..قل له كل تراب وقم اقلب وجهك . << مدري وش دخلها في الموضوع

2- اذ عجبك الموضوع او ما عجبك ,, رد ,, او لا ترد << فلحل بين يديك ,,,


طحياتي [/grade][/align]

[إلينـ اليوم]

مشكوره بسكاتي على هيك اصه صريفه
وعندي سؤال صغيرون كم عمراختك اللحين
وووووووهل يضيق صدرها لاجبتو طاري سالفة الكحل ؟؟<<احلى يااللغه العربيه

[البـــBADERـــدر B.D.Q]

قااااااااااااااااااااااااااااااااااااااااااااااع << يعني تراه ضحكه من قلب ههههه
بسكاتي والله ياختك الصغيره ما ينقال له شي
اجل تحلق حاجبه وتقول لكم وش دخلكم ههههههههههه
سلمي لي عليه هالشيطانه
عساه للحين صغيره ؟؟ << يبي يوصيه عليكم

[صـعب المنـــال]

هههههههههههههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههه
الله يرجك ويرج عدوك وربي تمزعت من الضحك اجل صقله بذمتي انك انواع الغبار اذكر يوم كنا صغيرين كانو خواتي وبنات عمي اذا اجتمعنا بالمزرعه يلعبونها وانا وعيال عمي ناكلها تفليق منهن اذا هزمن ...
اما الحاجب تراها موضه انتي ووجهك ماتدرين الحين اكثر الناس بحاجب واحد ..
ومشكوووووره على القصه وربي توسع الصدر ..

[مندوب الشمال]

هههههههههههههههههههههههههههههههههه

صقله هااااااااه ....الله يرج أبليسك ..
بالنسبه لأختك ..أنا شاااااك انك انتي اللي حلقتي حاجب المسكينه <<< غييييره من هالمنصب اللي طاار منك

بسكاااتي ... اسلوبك بالقصه خطييير مرره . تحياااااتي ......

[جبل السكر]

[align=center]ههههههههههههههههههههههههههههههه

علينــا يــانووونهـ آل حـــالقهـ حــاجبها آل

إســلوبكـ رووووووووووعهـ بسكــاتي وعمـــايل أختكــ أروع هههههههههه فــديتها

لســات آخـــر العنقـــود ولا لأ <<<< ملقوفهـ


تحيتي[/align]

[بريداوية وأفتخر]

ههههههههههههههههههههههه

ياحبيلهـآآ

المشكــلـهـ انـ صــآآآر عندكـمـ عـــرســ
ههههههههههه
والله توهــيــقــهـ مسيكيييينهـ
اجــل اذاكبـرتـ وذكرتوهــآآآ بتقعـد تضحكـ على نفســهآآآ ههههه
والله ياشيين المواقفـ وحنآآآ صــغــآآآآر
و مشكوووورهـ
بســكــآآآآتــيـ
عالقـصــهـ
تحيـــآآآتـيـ
بريداويهـ وأفتخر

[أمــ الحب ــير]

هههههههههههههههه الله يرجك يالدووووووووووووبا

تصدقين انا مريت في حالتك .. بس مااذكر لانو كان عمري 4 سنوات ومااذكر انو مريت في حالت دلال
ودلع لان قبلي درزن وواحد نفر يعني 13 كان الوالد طفشان وقتها من التدليع والدلال حتى اختي اللي بعدي
أخرالعنقود مااذكر دلعها واجد الوالد صرت انا اللي ادلعها << رحمتها وربي

لاكن اختك هذي زاحفه هههههههههههههه وهي صادقه شعليكم منها هي حره في نفسها أنشاءالله تزرع شنب ..
طيب يمكن بتسويها موضه وانتم ظلمتوها ...

بس قوصتك روووووعه يسلموو بسكاتي عالقوصه ..

تحيتي لك

[غلا عمري]

بسكاتي كيف حالك اختي انا ماراح اعلق الا لمى اعرف اسم البنت الصغنونه

بصراحه ونا اقراء توقعت انه غاطه راسه بكيس طحين لكن فهمت بالاخير
والكحل لو خاطته بقلم افضل عشان مايسيح لكن راحت عاد- خبرة بهالامور
ماجد

[ღ ][ وحيدة كالقمر ][ღ]

وعـــــــــــليكم السلام ورحمته الله وبركاته:


بسكــــاتي

هههههههههههههههههههههههه
خليك مثلي آخر العنقود
وطبت علي وحده من تحتي <<<<حمقه عليها
يعني أخذت مكاني من الدلع

هههههههههههههههههههههههههههههه


اجل حلقت حاجبها جزووووووووومة هالطفلة
لا وبعد وش دخلكم
لو بيدي كان ماتروح للزواج
تفشلنا<<<<عديمة إحساس
خخخخخخخخخ
بس سادة عقاب لها علشان المرة الثانية ماتتعود لها

<<<<<<<عصبية ماتصبر

أجل هي سالفة أخوي الصغير جالسة ع الجهاز وهو إختفى مني فجأة
يوم دخل علي وأنا متحمسه أقرأ
يوم إلتفت قسم بغيت أطب ع ابو الجيران من الذراقة
جالس يلعب بالبودرة واللمعة والروميل وكل شي
صاير وجهه سبورة من الخرابيط
ههههههههههههههههه
أنا لاتسألون عني لأني ماخفت أبد ياحوووول::


بسكاتي
روووووووووعة أسلوبك وسردك يضحك:::

تحيتي لك