تخيــــــــــــلوا البنات يخطبـــــــــون الرجال!!؟

[222111]

السلام عليكم ورحمة الله ..
هذا الموضوع ملطووش اللي كاتبه شاب بحدى المواقع
فحبيت انقله عشان تتخيلون معي


تخيــــــــــــلوا البنات يخطبـــــــــون الرجال!!؟

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السرير الابيض..
الا و امك داخلة عليك و توها جاية من الاستراحة
و تقولك: يا ولدي ودي اكلمك في موضوع. .
ترد انت بكل خوف : خير يمه؟ ....
تقول امك: ترى جارتنا ام علي تبي تخطبك لبنتها. وانت ماشالله كبرت و احلويت وكلن يبيك. ها وش رايك
ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية)
و تقول: ....
الراي رايك والشور شورك يايمه..
تقول امك: انا بصراحة ما اشوف في البنت شي. .
ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .
تقول انت : بس يا يمه هي ما شافتني من اول. انا دايما متلطم بشماغي
تقول امك: هي شافتك و انت نازل من باص المدرسة (الله واكبر يالروز رايز)...

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه.
و تراها هي و امها جايين يوم الخميس علشان يشوفونك..
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ الله يعينه..
تقول انت :اللي تشوفينه يمه. .وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع ياعمري

و تقول : اه اخيرا حسَت و خطبتني.
و قبل يوم الخميس تروح انت صالون حلاقه و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر

وتجي البيت و تلبس الثوب اللي فصلته عند خياط باكستاني لثياب الاعراس و الحفلات ..
و ذاك المكياج وذاك العطر اللي يشق الخشم و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي

ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا يبه دايما تحرجني انت واي واي
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة)
ترد هي بعد ما وقفت و عليكم السلام ( و هي تناظر فيك و في كل قطعة فيك( ...
و تقولها تفضلي....
تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.
تقول انت: كله حلو
تقول هي: اكيد كله حلو لانك انت اللي مسويه

ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه
الا اخوانك يستنونك و يقولون: ها وشلون شكلها

تقول انت: واي واي تهبل تهبل حلوة و دمها خفيف و ذوق اهههههااي
الا ابوك من المطبخ يلولش (يزغرط بالمصري(

لللللللوووولللللووووو (مبروك يا ولدي )
الا بدخلة اختك العربجية من بره و حاطه عبايتها على كتفها وموقفه الوانيت بوجه الباب لا يفوتك الونيت مطيح والكفرات تلمع: المهم وتقول خير وش فيه !!
يقول ابوك : قصري صوتك في وحده داخل خطبت اخوك ..
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها اللي جايه تخطب اخوي ...

الا بدخلة امك و تسطر اختك كف و تطلع اختك بالوانيت و تفحط و تروح للاستراحة البنات ..تخيلوا عاد

و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم ..
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر
ثم تلف وجهك وانت مستحي
و يتم الزواج و بعد تسعة شهور الا انت تصرخ في الليل فيك الطلق
و يودونك المستشفى و تولد و تجيب توأم
وتطلع من المستشفى الى بيت اهلك علشان النفاس....حركات
و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك
و ترجع لبيتك تربي عيالك و تطبخ الغدا لزوجتك
وتتخانقون ساعات و تنام و دمعتك على شنبك
ويزيد حدة الخلاف و تاخذ شماغك و عيالك و تروح لبيت اهلك
و تصلح امك ما بينكم و ترجع الحياة مثل اول
خخخخخخخخخخ
تخيلو فعلا هالشي يصير؟ الله لايقولها , فال الله ولافالك
هااا هااا هاااااااااااه هااااااااااااااااااااااااااااااااااااااااااه

خلاص انتهت السالفه .

[أخو رعد الشمال]

للمعلوية :في الهند البنات هم اللي يخطبون
ويجهزون البيت من الي
يسلمو خيو موضوعك الحلو ولي عودة
تحياتي

[DaRk MoOn]

تقول انت : بس يا يمه هي ما شافتني من اول. انا دايما متلطم بشماغي
تقول امك: هي شافتك و انت نازل من باص المدرسة (الله واكبر يالروز رايز)...

هههههههههههههههه

مشكووووره على الموضوع الروعه

[^%الـــبـــرنـــس%^]

ايه صادق والله اخو رعد الشمال


بالهند البنات يخطبون الرجال

وبمصر الرجال مايتزوج مرة ثانية إلا من إذن الزوجة الأولى


شكرا لك

[فتاة المستقبل]

سخيييييييييييييييييييييييييييييييف جدا
تراك حومت كبدي , يــــــــــــــــــــــــــــــــــع يع يع الله يقرفك
أجل ولد يستحي وبنت مسترجله الحمد الله والشكر على نعمة العقل

[المغامر]

ههههههههه
..
كان البنات يلاحقون العيال يعطونهم رقم جولاتهم خخخخ

[الفتـ الذهبي ـى]

ههههههههههههههههههههههههههههههه

ذكرتيني بطاش ماطاش ..

الله لايقووله ..

واستغفري ربك

[..خوية نجودي..]

هههههههههههههههههههههههههههههههههههههههههههههههههه ههههههههههههههههههههههه<<<انقطع نفسي
بصراحة وانا اقرا عشت جو بس لا مو حلو..
الله لا يقوله ..

ثانكس ع الموضوع مرة حركه ..

[أمــاسي ونص]

ههههههههههههههههههههههههههههههههه
اخ كان نطلع عيونكم
طلعه من البيت مافيه
اطبخو لنا واذا قضى قوموني من النوم
اخ اخ اخ ياريت بس
لو يوم واحد

[OOOyousefOOO]

فـــــــــــــــــــــــــــــــــــــــــــال الله ولا فـــــــــــــــــــــــــــــــــــــــالك

هههههههههههههههههههههههههههههههههههههههههههههههههه ههههههههه

مشكور على الموضوع ويعطيك ألف عافيه

[بسكاتي اذلك]

ايه هين هين
تخطبكم حلم ابليس بالجنه
مابقى الاهذي
لو اجلس عانسا ولا اخطبكم يالشهبان
لوعتوو كبدي الله يلووع كبدكم
بهوت شكريا

[أمــ الحب ــير]

ههههههههههههههههههههههههههه هع << على فكره اظحك عالردود ...

[البـــBADERـــدر B.D.Q]

ترد انت بكل خوف : خير يمه؟ ....
تقول امك: ترى جارتنا ام علي تبي تخطبك لبنتها. وانت ماشالله كبرت و احلويت وكلن يبيك. ها وش رايك
ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية)

8
8
هههههههههههههه تخيلت الموقف انا وشنبي

[عازفة ألحان الليل]

الموضوع شي عادي

لان الناس على حسب الي تعودوا عليه

لو فعلا البنات هم الي يخطبون من اول الزمان كان متعودين على هالشي

وبعدين نبدا عاد نألف قصص لو الولد هو الي يخطب ويكون شي شاد وغير مرغوب فيه

كما قالت الاخت يييييي بنت مسترجله وولد يستحي وع وع يعني راح نقول نفس الكلام

[إنسانة غير]

ههههههههههه
على كذا لازم هم يتغطون موب حنا

استغفر الله -الله يقطع بليسك