تدور أحداث القصة حول...
مديرة مدرسة عزباء غابت عن المدرسة يومين ولما عادت لمدرستها
قابلنها المدرسات سلامات وينك يامديرة ؟
قالت لهم باركولي تزوجت ..
قالن مبروك يامديرة ولكن منهو زوجك ؟.
قالت لهم بصراحة زوجي هو زوج إحداكم .
المدرسات تكفين علميننا أي وحدة منا ؟
قالت المديرة والله ما أعلمكم .
المهم لزمن عليها فقالت لهم أنا منيب متكلمة اللي تبي تعرف هل هو زوجها وإلا لا
تجيب بكرا معها خمسمية ريال وإذا جت توقع تحط الخمسمية على الطاوله واللي آخذ
خمسميتها فهي مهو زوجها واللي أخلي خمسميتها على الطاولة ولا آخذها فهو زوجها
عيب علي اتزوج زوجها وآخذ بعد منها خمسمية ريال .
وافقو المدرسات على الطريقة ...
ويوم جاء بكرا وكل وحدة مزهبه معها الفلوس.
جت الأوله والثانية والثالثة والرابعة حتى العاشرة والمديرة تاخذ الفلوس ..
يوم جت المدرسة ال 11 وبدت المديره تأفف المهم حطت الفلوس على الطاولة وقالت لها
تكفين خذيها يالمديرة قالت المديرة اعذريني قالت المدرسة كانها قليلة حطيت ألف
بدال الخمسمية قالت المديرة أووووووووووووه معليش أثرك أنتي جواهر والله اني
آسفه غلطت ..
يوم تنفست المدرسة وقالت الحمد لله يعني بتاخذين الفلوس المهم اخذتها المديرة .
ودخلو بقية المدرسات حتى ال 23 والمديرة تلعب باعصاب كل وحده وفي النهاية تاخذ
الخمسمية ..
المهم بقي مدرسة وحدة فقط ماجت يوم اتصلو عليها المدرسات هاه وينك يا استاذه
قالت والله اني تعبانه وماني جايه . قالت المدرسة الغايبة : هاه من صار زوجها اللي
متزوج المديرة ؟
قالو لين الحين مابين شي والمديرة عيت تاخذ الفلوس لين نحضر كل المدرسات
( يلعبون عليها بس يبونها تجي عشان يتطمنون إنها هي لأنه مابقى إلا هي )
وقالو المدرسات لازم تجين تكفين ..
المهم جت تسحب رجليها بالقوة ويوم جت تدخل المدرسات كل وحده مبسوطة
انها مهي هي وبدو يسمن على المدرسة ال 24 عشان ماتنصدم ...
دخلت المدرسة الأخيرة غرفة المديرة وحطو باقي المدرسات ايديهم على قلوبهم
وحطت المدرسة الخمسمية على الطاولة وضفتها المديرة .
يوم طلعت لقنها عايدية وماصار شي وفلوسها أخذتها المديرة .
قالو يابنات فيه وحده منكم ماخذت المديرة فلوسها ؟
قالو لا والله كلنا اخذت فلوسنا .
ودخلو المدرسات على المديرة وقالو اخذتي الفلوس
من كل المدرسات تلعبين علينا منهو زوجك ؟
قالت المديرة المهم الفلوس ( 12000 ريال ) ماراح ترجع وأنا والله لا تزوجت ولا شي
لين الحين عزوبية ..
ووالله كنت مريضة هاليومين. .
ولكني اطلبكم قبل شهر تدفعون على مية ريال نصلح المصلى
ولا وحدة منكم دفعت قلت والله لأدفعكم 500 ريال نصلح المصلى
ونشتري مصاحف وقف للمسجد ..
قالو المدرسات بردها الله بالعافيه فداك الفلوس ولو تبين زود عطيناك
هو صدق بس رجالنا ماتزوجوا علينا ...
انتهت القصة واتمنى تكون اعجبتكم .
مع خــالص محبكم
((الفيل المرح)))
ka_ka_998@hotmail.com
أعطيني 500ريال واعلمكـ زوجك متزوج عليك ولالا!!
العرض العادي
