تقول

[بدر بن عبدالله الدخيل]

[align=center]تقـــــول أن الوفا ما له كفـــن يضحك بدون لسان
وأنا اقول الوفا يمكن نســــــى أنه مات بأحضانك

**

دفنتـــــه طالع بكفك بها خمســــة عشــــر نيشان
وهي نفس السنين اللي مضت ما شاب عصيانك

**

اعرفــــــك مثل ماعرف العـذاب ونبرة الحقران
واحســـــــك مثل ماحس الغدر في نظرة اعيانك

**

غريب وطبعك القاســـي قتل في داخــلك أنسان
وانا يمكــــن بعـــد ذاك الغريب اللي رفع شانك

**
نسيت اللي مضـــى يومك تجيني تايــهٍ حيران
تبي لمسة دفــــا مني فديت الروح مــــن شانك

**

عطيتك فـــــوق ما املك لعبت بحسبــــة الميزان
قصرت خطاي لجل خطاك تمشي درب ظغيانك

**

جذبني صــــوتك المرهف ولا دققت بالالوان
وانا ما جـــا على بالي .. بيـــوم تبدل الوانك[/align]