شخصياتنا بالنت بين الواقع والخيال..
الإنترنت عالم خيالي (جبت شيء جديد صح) ... ماله موقع "حقيقي" في العالم الواقعي ..
عالم تنتهي علاقتنا فيه بمجرد ما نسوي شت داون للجهاز أو حتى بمجرد قطع الاتصال ..
هالحركة البسيطة تلغي هذا العالم الخيالي من وجودنا حتى حين ,, لكنه يبقى بأذهاننا!!
مهما أبعدنا عنه مهما هربنا منه وسافرنا مثلاً .. نلقاه داخلنا .. سبحان الله!!
مثل الأحلام أحداث غير واقعية .. لكن لها تأثير علينا في الغالب بشكل أو بآخر ..
تحلم حلم يكدّرك .. تصحى من نومك وعلى خدّك دمعة.. رغم إنه حلم
تشوف حلم تطمئن له نفسك وتصحى منه بابتسامة أو على الأقل شعور داخلي بالسعادة ومع ذلك فهو حلم !!
نفس الكلام ينطبق على الإنترنت عالم خيالي شوف أشياء تسعدك وتشرح صدرك ..
تبتسم منها ابتسامة (( حقيقيه )) أو تضحك ضحكة (( حقيقيه ))
وتشوف أشياء تضايقك أو تصدمك .. وتنزل منك دمعة.. ((حقيقية ))!!
مع إنه عالم خيالي !!!!
عندي قناعة تامة إن شخصياتنا في النت مثل الصورة المفككة .. في البداية ما يكون عندك أي فكرة عن الشخصية اللي قدامك ويوم بعد يوم ... وكل ما زادت معرفتك فيه .. تلقى عندك قطعة جديدة من الصورة .. تركّبها بمعرفتك ((وبأحساسك)) .. حتى يجي يوم وتلقى عندك صورة كاملة أو شبه كاملة .
لكن السؤال المهم هل الصوره صحيحه تماما ,, أو مطابقه للواقع أو لا ؟؟
ربما تكون الصورة اللي بنيتها أفضل بكثير من واقع الشخصية ,, ربما تكون الشخصية نفسها أفضل بكثير وتكون بخستها حقها
وممكن -وهذا في اعتقادي نادر جداً- إنها تكون صورة مطابقة للواقع ..
ولكن مهما كانت المعلومات اللي نعرفها عن هالشخصية كثيرة فهي قليلة في الواقع ...
والأهم من ذلك إن معظمنا شخصياتهم الواقعية تختلف اختلاف -كبير أو بسيط- عن شخصياتهم في النت
وهالنقطة نوقشت كثير قبل كذا ... كل واحد فينا تقريباً يشعر باختلاف شخصيته الإنترنتية عن شخصيته الواقعية ..
مهما كان الاختلاف بسيط ..السؤال المهم الان :
أي واحـــده فيهـــم هـــي الحقيقــــه ؟؟؟؟؟
وتقبلوا تحياااااااااااااااتي
العرض المتطور
