لااحد يصدق انه فيه حساب وعذاب يوم قيامه
اللي يبي يترك الصلاة يتركها ليش تصلي وتقطع وقتك بكلام ماله داعي
وشوله تقراء قران وتتعب حلقك خذلك قصه غراميه وغزل اطعم من القران
وغازل وانبسط واي بنت تقدر عليها سوي اللي تبي فيها لايهمك احد
ورح لاقرب بنك وخذ ربا وعش حياتك وخذ احسن سياره وبيت
وشغل الاغاني واستمتع فيها فهي حلال بس الناس يعقدون الامور
وشغل الدش وشف الرقص والفخوذ والاجسام الصح لاعبين عليك بقناة المجد وخرابيطهم
ولاعمرك تروح تزور اقاربك وش تبي فيهم والله مايجي منهم الا الشر والمشاكل بلا صلة رحم بلا هم
وبالاجازه وشوله تروح لمكه وتعتمر انت اخذ اجازه تبي تنبسط رح لسوريا ولبنان وشف الحياة الصح والحريم الموت
والله غريبه مصدقين ان الموت يجيك وانت صغير توك بعز شبابك انبسط اصلا اللي ماتو وهم صغارين ماتو وهم مانبسطوا لاتصير مثلهم
التوقيع ابليــــــــــس
بالكلمات هذي قدر ابليس يلعب علينا وقدر يدخل كل بيت ويهزه
المشكله مهب هذي المشكله اننا كلنا كامسلمين ندري أن كل الكلام هذا غلط وحرام ومستمرين على غفلتنا وجهلنا
ماني احسن منكم بشي ويمكن اكون اقل واحد فيكم بس ابحاول اتجه وامسك الطريق الصح وليتكم كلكم تحاولون اقل شي نجاهد انفسنا يمكن يجي يوم ويتوب الله علينا ويهدينا
وسؤالي نبي نبتل كذا ونطيع ابليس ؟
العرض الشجري