تعابير الضمير

[خلف البديري]

سلام من قلبن شفوقن ولهان
من الهاجس اللي مايبيح السريره
أقولها مني لكم ياهل الشان
في كل دار وكل دوله وديره
من شاعرن يكتب علي كل الاوزان
عنده بيوت الشعر ماهي عسيره
يكتب وقيفانه علي كل الالحان
والكايده تمسي وتصبح صغيره
شاعر وليه مع هل العرف ميدان
والله مجملني علي حسن سيره
سلام ياعذب اللقا خدر الأعيان
يامن ملك قلبي وعذب ضميره
سلام ممزوجن بمسك وريحان
ويفوح من عطره نسايم عبيره
اللي لها قلبي وفكري والأشجان
الجادل اللي ماتمنيت غيره
مياس قد وكل مافيه فتان
أم العيون اللي هدبها خطيره
وكل الحلا والعقل من دون نقصان
ويضفي عليها من حياها ستيره
أشتاقله شوق ألمعزب لضيفان
هاك الكريم اللي صحونه كبيره
وشتاقله شوق الصحاري للامزان
أللي علي ألبيدا بشبه ألجزيره
أو شوق من قلبه تولع بذيدان
من شان خاطرها عيونه سهيره
أقولها في صاحبي سر وعلان
اللي ملك قلبي وعذب ضميره

[سـلـمـان الـجـفـن]

صحّ لســاااانك مليووون

آبــــدااااع قمـّــة

أشتاقله شوق ألمعزب لضيفان ** هاك الكريم اللي صحونه كبيره
وشتاقله شوق الصحاري للاوزان ** أللي علي ألبيدا بشبه ألجزيره

وَصـف رآآآآآئــعٌ

توضيف للكـَلمَـات . . في محَـلّه

لا عَـدمنا هذه الجـَـزلـه ..

تقــديري وآحترامي لك
سلمان بن عبد العزيز

[خلف البديري]

الأخ سلمان لا هنت يالطيب ولا عليك زود
مع خالص شكري وتقديري يالوافي

[مشعل السلمان]

من شاعرن يكتب علي كل الاوزان
عنده بيوت الشعر ماهي عسيره
يكتب وقيفانه علي كل الالحان
والكايده تمسي وتصبح صغيره
شاعر وليه مع هل العرف ميدان
والله مجملني علي حسن سيره


الله الله كفو والله


حياك يالقرم وحي شعرك الجميل


صح قلبك وفكرك يالمبدع


شكراً لك على هذه الأبيات الرائعه

[خلف البديري]

الاخ مشعل السلمان مشكور والله ولاهنت
ولاعليك زود أنت والطيبين اللي شرواك

[خلف البديري]

غريب أحساس والله يشرفني هاذا
الاطراء منك ولاعليك زود طال عمرك
مع خالص تحياتي