اخذنا عالم الاقتصاد والتجاره من عالم الخيال والجمال والشعر ..
الى حياة جدّيه متعبه الى حد ما ..
ولكن الشاعر يسوقه الحنين الى الرجوع والخضوع لملاك الشعر ...
وفي ثورة العواطف ابحرت مراكبي لتصل الى شواطئكم الجميله ..
وعلى قلوبكم ..سأكتب :
**********************
تحت ظل اندفاعي بالعواطف
==========وفي ظل الضغوط الجانبيه
بحثت ولالقيت ايّة تحالف
==========مابين الحظ والنفس الشقيه
ركبت البحر وامواجه تخالف
==========مجالات الشعور الموسميه
وانا ماني بهذا الوضع خايف
===========لاني مااغرق ونفسي قويه
ولو ضعت وخطفني موج خاطف
============مصيري للحدود الساحليه
اسير احيان والقى الدرب زائف
===========واضيع احيان والضيعه هديّه
وانا جيتك مثل ماانته بشايف
===========وسبّة جيتي لك منطقيه
لأنك مؤمن بربك وعارف
===========بأن الحب ماهو فيه يديه
وانا ماجيت لك تبدي التّعاطف
===========عشان تقول لي اصبر شويه
ترى هالعمر يمشي وانت واقف
=============وتسمع هرج ذيك وذا وذيه
ابي نبني من اوراح التكاتف
============قصور الحب في ارض نديه
على ضلوعي وقف الفين عازف
==============على قلبي يزفّونك هديــه
تشرفت بغلاك وجيت جارف
=============عناصر دمي ودموعي سويه
وصار الجسم كله في تآلف
============وصارت كلمته ياللـــه حيه
كثير البوح لكن ريقي ناشف
==========ولااقدر غير ابادلك التحيه
سجنت بداخلي عصفور خائف
===========يجي مايلقى منّك قابليه .
اخوكم
العرض الشجري