الزمان ذات مساء , المكان د. كيف , المشروب تركش كوفي ...

[فور يو]

مساكم الله بالخير جميع ...

هاتفي المحمول يرن , رنة نغمة نوكيا المشهوره ...

فور يو : الوا

المتصل : السلام عليكم

فور يو : وعليكم السلام والرحمه

المتصل : كيفك اخوي وش اخبارك ..؟

فور : ياربي لك الحمد , انا يخير وصحه الله يديمها ... انت وش اخبارك ..؟

المتصل : الحمدلله اخباري تمام ,
اذا انت فاضي بكرى بعد صلاة العشاء ودي اقابلك .. عندي مشكله ودي آخذ رايك فيها ...

فوريو : تامر أمر ...

حان الموعد ذهبت للمكان وجدت المتصل في الإنتظار ...

فور يو : السلام عليكم

المتصل : وعليكم السلام ...

فور يو : وش عندك عسى ماشر ...؟

المتصل : والله ياخوي عندي موقف محرج ولا ادري وش اسوي ...!

فور يو : هات اللي عندك

المتصل : مثل ما انت عارف الفله اللي ابنيها خلصت ونا عرضتها للإجار ...

فور يو : الله يرزقك ...

المتصل : المشكله ان زوج اختي طلب انه يستاجر دور وحالته الماديه تعبانه ونا ماعندي الا هذي الفله مصدر رزقي مع راتب الوظيفه و اخاف اوافق وبعدين يماطل في الدفع و اكون في موقف محرج ...

والشي الثاني ولد خالتي طلب يستاجر الدور الثاني و هو بعد على قد حاله توه متزوج و راتب وظيفته

ما يكفي معيشته , وهم بعد اخاف يماطل في الدفع و اصير في موقف محرج ...

وش رايك اخوي فور يو وش اسوي ...

فور يو : ممكن اخوي اعرض مشكلتك في منتدى حواري (منتدى بريده) , في هذا المنتدى من هم اصحاب فكر ورأي سديد وحكيم و اشوف وش رايهم واعرضها عليك ..؟

المتصل : اكتب ولا حرج , وانتظرك تعرض علي رأيهم ...

فور يو : امهلني بس كم يوم ...

رأيكم(ن) لا عدمتكم(ن) ....

________

تقديري للكل .

[انسان ثاني]

[align=center]


أخي الغالي :فوريو


تحية عطرة لك


التعاون على الخيرأمرواجب وحاجات الأقربون أولى نحن بااكمالها


لكن ليس على حساب أنفسنا


ندع الشعارات والمجاملات جانبا


حتى لاتتكررمأساة أشد بعد أن يستأجروتكون المشاكل بعدها


لايمكن تصورها أقطع الشك بااليقين

واليوم مشكلة الآجاروغدآ ياعالم ماالمشاكل الأخرى


نتحمل الكثيرعلى حساب أنفسنا فلماذا؟؟؟؟؟؟


مستعدون للمساعدة المالية حسب مانستطيع لكن غيرذالك نتوقف

دمت عطاءك وحرفك مشرفنا العزيز [/align]

[شمري]

ان من اشد التعاملات التي تسبب سوء تفاهم ومشاكل بين الاقارب المال

وبما ان المتصل ناوي يأجر يبعد عن رحيمه قدر المستطاع

ويحاول يفهمه ان قدر واذا خايف من زعله عادي ممكن يزعل فتره وترجع الامور عاديه

وممكن يفهمه انه ناوي يأجرها بمبلغ عالي لايقدر عليه رحيمه

او يقوله انا ناوي أأجر لمدة 5 سنوات كاش بمعنى ياخذ ال5 سنوات دفعه وحده

بصفه عامه لايحاول يأجره

[فور يو]

الأخ انسان ثاني

الأخ شمري

الله يبيض وجيهكم على سرعة التفاعل والرد الحكيم الكريم ... شكرا لكم ...

[مبحوحة الصوت]

ربما تكون اعانة القريبان سبب في فتح ابواب الرزق له

هي بر وصله

لما لايعمد لصلاة الاستخاره 00

[فور يو]

الأخت مبحوحة الصوت

ليس هُناك افضل من صلاة الإستخاره اذا اراد الإنسان الإقدام على قرار ما ...

شكرا على مرورك الكريم وبيض الله وجهكِ .

[عبدالله القيعاني]

اخي مااافيه شي افضل من الأقربوون اولا بالمعروف معروف ظروف الزمن هــــــــــذا صعبه صعبه صعبه ..

مافيه شي يضيع على ربك ......... تلقاه بالأخره .....

والأنسان مهما بقا في الدنيا مآله الى الآخـــــــره .. عمل الدنيا مايضيع يحتسب لك بالآخر ..


والله يوفقكم ويحقق ماتصبوا إليــــــــــــــــــه ..


دمت بكل الوود والاحترام ،،

[كـامـو]

[align=center]الله يكون بعون خويك

لكن خله يقولهم أنه باعها و انه ألحين ما له دخل بالبيت.

و اذا انه يبي يساعد أقاربه عندي له حل و هو

يقول لأقاربه أنه معي شريك في البيت ألا و هو أنت يا فو ريو و بكذا هم راح ينحرجون اذا تأخروا بالدفع

و اذا حصل أمرا ما تقوم أنت بالتعامل معهم...... وذلك لكي لا ينحرج هو.

[/align]

[فور يو]

الأخ بدر 730

مافهمته من رفيقي انه مايبي تصير مشاكل بعدين مع زوج اخته و ولد خالته اذا اجرهم البيت ...

ورفيقي مايكفيه راتبه بس لمعيشة الحياة ...

شكرا على المرور وبيض الله وجهك ....

____________

الأخ سيبويه القحطاني

فكرة البيع حلوه , واحسن له يشتري بقيمة الفله دكان استثماري في سوق ...

شكرا على المرور وبيض الله وجهك ....

[محمد الهويدي]

[align=center]
أخي فوريو العزيز

صحيح أنه قد يكون من الصعب أن يأخذ القريب بخاطره

ولكن هذه مرحلة وقتها يسير غالباً

وفي نهاية الأمر

سوف يكون هذا الإجراء من أسهل الإجراءات مع مرور الزمن

خاصة إذا كان القريب من فئة العقلاء الطيبين

ولو حصل هناك قطيعة لا سمح الله

فثق تماماً أنّ من لم يقدر ظرفك هو ليس أهلاً للتقدير

وأعتقد أن هذا الحل هو الأنسب

وأفضل من أن يكون محيّا هذا الشخص

عنواناً لهموم و تبعات هذه المجاملة والفزعة

التي غالباً ماتكون عكسية خاصة في هذا الزمان

لاسيما و أنه قريب فأنت ستراه بين الفينة و الأخرى .

ماذكرته لايعدو كونه وجهة نظر

فإلى متى نحمل أنفسنا تبعات المجاملة و تقدير ظروف الآخرين

ونحن أحياناً أحوج لما نبذله ممن حاز وفاز بكسب معروفنا

وحسب مافهمت من ردك الآخر أن هذا الشخص ظروفه متوسطة

فهو ليس بمقتدر كي يحتسب ذلك و يتكرم بتقديم المنفعة لقريبه .

لأنه لو كان قادراً لقلنا له الناس للناس و ...[/align]

[اسمر ومملوح]

اخي العزيز فوريو ..


الأقربون اولا بالمعروف .. ولكن ليس على حساب نفسي .. !!

من الأفضل ان لايجامل .. لأنه في المال والحسابات لامجال للمجامله .. قيل قديماً ( دقق الحساب تزين العشره ) . لذلك إن كان خائفاً من ( المماطله بالدفع ) .. فعليه ان لايجامل..

الحل : لما لا يجعل هذا المبنى تحت يد احد المكاتب العقاريه .. ويفهم اقاربه ان صاحب المكتب شريك له ..

تحيه وتقدير لـ شخصك الكريم ...

[الـمـهـاجـر]

الأفضل أن يبتعد عن الأقرباء في معظم الأحوال ... لأن الخلاف معهم حول الإيجار قد يسبب قطيعة الرحم فما بالنا و أقرباء الأخ يعانون من صعوبات مالية تجعل احتمال وقوع الخلاف واردا ... لذا فإن الابتعاد عن الأقرباء بالنسبة للأخ آكــد من غيره .
لكن إن رأى أن يؤجر قريبه و هو يضع في اعتباره أنه يفعل ذلك من باب مساعدته على ظروفه الصعبة و أنه يحتسب ذلك عند الله .. فهذا معقول جدا و أسأل الله - إن فعل - أن يثيبه ثوابا عظيما .

[لمبة شارع]

فور يو....

ووضع الندى بالسيف في موضع العلا.....مضر كوضع السيف في موضع الندى..!

الترجمة ...

ادخال القرابة في البزنس يضر بها ...كالإضرار بالبزنس عند ادخال القرابة فيه..!!

[قهررررر أحبه]

يقولوهم خلاص أنا مأجر البيت من زمان
والا يقولوهم فيه واحد يبغى مني أفلوس ولا عندي شيء بعطيه وراح أأجر البيت له لين يحلن أو يخلصن المديونه اللي هو يبغاه منى وبعد مايخلص أبشروا باالي تبون البيت بيتكم ..

[محمد الهويدي]

اقتباس:  المشاركة الأصلية كتبت بواسطة قهررررر أحبه     والا يقولوهم فيه واحد يبغى مني أفلوس ولا عندي شيء بعطيه وراح أأجر البيت له لين يحلن أو يخلصن المديونه اللي هو يبغاه منى وبعد مايخلص أبشروا باالي تبون البيت بيتكم ..

[align=center]حل مثالي و رائع

خاصة إذا أحس أنه لايستطيع المصارحة ووقع في مأزق الإحراج[/align]