مزحه من وحده طلعت بلاوي البقيه .. صور متنوعه ( واقعه حقيقيه )

[خـــــــــــــــالـــــــــد]

قصه طريفه كانت السبب في موضوعي هذا

سمعتها من احدى اخواتي حدثت بينها و بين زميلاتها المدرسات من باب التجريه فكشفت نواح لم يتوقعنها
فهل كل الرجال هكذا? .. اجزم بــ لا

لكن ساطرح الموضوع و ليتناوله الطرفين .. الرجل و المراه بالنقاش


فمن كان مثل ابطال التجربة فليعد حساباته و يمسك بريك و .. يصحح مساره .

اخذت جوال زميلتها ( سوا ) فجربت بتغيير صوتها ان تغازل زوجها ( هبال - شطانه - تحدي حريم .. سموه ماشئتم غير الشك )

فوجئت باستجابته

ظنت انه عرفها ظلت رابطة الجاش تدافع الضحك ( جازت لها اللعبه ) ابو الشباب هات ياللواقه وووو لا وازيدكم من الشعر قصيده كامله ..ابو الشباب قال انا عزوبي جحد المره و العيال نامي قريره العين يامنى مالتس رجل اصلا




لحظه ........ مانتهت سالفتي
العدوى انتقلت لطاقم المدرسات

كل وحده بدت تجرب زوجها ردود الافعال مختلفه ( اسماء عشوائيه حتى نبهر السالفه <<< فوق الطبخه من عندي )


= محمد تصدى لها مسح في المتصله البلاط ( طبعا تبادلن الادوار مع فتح السبيكر ) رجل تفتخر فيه امل رفعت راسها بشموخ و ازد حبها لمحمد

= احمد وده يعطي جانب لين بس شكله عليمي بثالث اتصال خر صريعا مالت على حظتس يالمياء


= سلمان.. تعطيه كلمه يستهبل بكلمتين تعطيه جمله يطيّح كل اللي عند السبيكر من الضحك ريم ماتدري تفرح و الا تحمق بس شكل الرجال يحسبه من موضه البلوتوثات اللي يقلدون اصوات حريم .


= عبدالعزيز على وجهه قووووووووه مافهم السالفه الا يوم سمع ضحك اللي على السبيكر ربع ساعه و هو تجرجر فيه مافهم وش عند البنت لكن بالاخير ... تفو على اهل ماربوتس و سكر السماعه


= حمد نص ساعه كل يوم و يدخلها من و يطلعها مناااااااااك لا عطاها وجه ( مغازل و لا سكر ) بس شكل السالفه جايزه له وهو واحد من اثنين ... يا وسيم و متعود على هالحركات من البنات او ... يحب سواليف البنات بس بادب و حدود <<<< ياعيني ,, نقول مالت على حظك يا لطيفه او حطي ببطنك بطيخه صيفي ؟


= عمرعنده ذمه وروح المشاركه رد عليها على طول عرف الدعوى فيها بنات فتح سبيكر جواله و خلى الشباب في المكتب يسمعون و كلن يحط تعليق و صارت الساعه 9 هي ساعة الترقب في مكتبهم لمزاوله رياضه الصباح .



نصيحة لكل زوجه لا تسالي عن اشياء ان تبدو لك تسؤكِ و حصني زوجك كوني اللعوب الطروب المزوح لتمتصي روحه المرحه لك لا تجي و حده تطلع مواهب ابو الشباب التي لم تكتشفيها .

الواقعه حقيقيه والمواقف ايضا لكن بالقليل من التصرف



* هامش بعيد عن الموضوع .. بعد ماسويت معاينه للموضوع شفت الالوان حسيت اني مزيج من اخي عبدالله الفقير و اختي نقد التعليم