جهازي مايطفي !!

[هامة حاسوبية]

[align=center]السلام عليكم ورحمة الله وبركاته
ياجماعة الخير أنا جهازي مايطفي له كمن يوم ، بتقولون شلووون ؟؟
أقولكم لما أختار إيقاف تشغيل يقعد شوي همن تطلع شاشة يتم حفظ الإعدادات همن يتم تسجيل الخروج ، همن يتم الآن إيقاف التشغيل ، همن يعلق عند الخطوة هذي مايتحرك أبد (يعني يبتل شغال على هالشاشة مايطفي أبد) لما أضطر أطلع البطارية وأرجعه وهذا فيه خطر عظيم على الجهاز

وبرضو إذا سويت إسبات يسويلي طاااااف >> يعني يسفهن بالسعودي
ولا كأني مختاره إسبات مايتغير شي
شالسالفة ؟؟ أول مرررره تمر علي هالحالة !![/align]

[السعودي]

[align=center][/align][align=center][/align]
[align=center]تأكد من ضبط خيارات الطاقة من لوحة التحكم[/align]

[هامة حاسوبية]

السعودي

كل شي مضبوط وأنا أختك

يعني الموضوع مهب هالأشياء البسيطة

تتوقع من الفيروس ؟؟

لأني متأكده إن جهازي فيه فيروس بس للحين مافظيت له أطلعه

[الذاهبة]

مرحبا حبوبة

لا تظلمين الفايرس حرام ..



شوفي وشو جهازك ؟

و كم له معاك ؟



حاولي تضغطين زر التشغيل ( الباور ) ضغطة طويـــــــــــــــلة متواصلة

لين تخلصي على نفسه ..

ولا تفكين البطارية كل شوي .. كذا تحرقينه ..

ثم عاد يالله ابلشي بقطع الغيار ..

تشيبس الموذر بورد و العلل الثانية .. !

[هامة حاسوبية]

الذاهبة

هلا والله بخويتي

جهازي توشيبا

وجديد له أقل من السنة عندي

وبرضو زر الباور مايستجيب إذا علق !!

[الذاهبة]

قسم بالله اني كنت بقول لك جهازك توشيبا

قلبي حاس

مثل اللي عندي غبي زهقني

و المشكلة تاخذه بمبلغ مادري كم و بالأخير مثله مثل أخس جهاز

انا قررت خالااااص والله مااشتري غالي ..

اشتر ارخص شي لان مصيره بيخرب بعد سنة .. و بتشتري غيره



جربتي تضغطينه طويــــــــــــــــــــل لاترفعين اصبعك ..

إذا ما نفع اسمعي فيه طريقة لإزالة الملفات الغير ضرورية

بس عاد الله يعينك على شرحي .. لا تطنيني مثل الاستاذ السعودي رايق و شرح سنع ماشاء الله ..


احتمال تكون المشكلة عندك بعد ما نزلتي برامج على جهازك .. و هذي البرامج ماتستجيب

وعشان كذا يهنق ولا يقفل :


1. شوفي اختصارات البرامج الجديدة الموجودة على شريط المهام .. و حاولي تسوين لها إنهاء ( exit ) ..

أو

2 . روحي لــ start - run - بعدين اكتبي msconfig

بيطلع لك مربع حوار و فيه خيارات اختاري منها : start up

بيعرض لك ملفات وايد و كلها عليها ( تك ) صح صح صح كذا ..

شوفي شيلي كل الصحات .. بس انتبهي تقربين لم ملفات النظام ..

و بعدين أوكيه - اعادة تشغيل - و خبرينا وش يصير ,,.






إخس على هالشرح ..!! ماينفع أبد !

[هامة حاسوبية]

اقتباس: جربتي تضغطينه طويــــــــــــــــــــل لاترفعين اصبعك

تطلع النتيجة نفس لما أطلع البطارية
يقطع التيار فجأة عن الجهاز !!

اقتباس: روحي لــ start - run - بعدين اكتبي msconfig

خخخخخخخ من زماااااان أنا داخله وشايلة الصح عن كل البرامج اللي ماله داعي
إلا اللي مادري شسالفتهن أخليهن أخاف يصيرن شي مهم

اقتباس: شوفي اختصارات البرامج الجديدة الموجودة على شريط المهام .. و حاولي تسوين لها إنهاء ( exit ) ..

بجربه وأعلمك بإذن الله

[مــجــمــوعــة إنــســان]

أختي انا كان عندي مشكله نفس مشكلتك ولكن بجهازي المكتبي العادي وطلع الخلل بالمذر بورد ولما غيرت المذر بورد من جيجا بايت الى إنتل زالت هذه المشكله

[هامة حاسوبية]

أفاااااااااا ياذا العلم !!

عاد أنا لابتوب يعني مشكلة

شكلي اليوم أو باكر بإذن الله بوديه محل

صراحه أخاف تشتد عليه الإنفلونزا همن أخسره

شكرا لك مجموعة إنسان

[السعودي]

أحياناً يكون الخلل في تثبيت الويندوز من الأساس

فلذلك ممكن ترقية النظام تنفع وإلا مالك إلا الفورمات وتثبيت النظام من جديد

[هامة حاسوبية]

oh my god

الفورمات هي آخر الحلول لدي دائما

يعطيك ألف عافية أستاذي السعودي