انا مع رغبتي الجامحه في السواقه وإمكانياتي اللامحدوده التي تخولني اشتري أجمل وأفخم سياره لو كتب ربي سواقه لكن من أقوى المعارضين
لأن أول من بيفرح أخواني إذا سقنا وراح يلقون بي في اليم وأنا مطلقه وعلى أسوأ الأحوال أصنف من المحتاجين والمطالبين بالسواقه ومن أجلي دافعوا وطالبوا ، والآن لو أأشر ودوني أهلي للمريخ أجل إذا سقت راح أروح آخذ بخار لوحدي آخر الليل لما تزيد الذبحه الصدريه وإذا جيت أراجع لبنتي أنا راح أسوق وأجلسها بجانبي تبكي ولا أحد يرد
وإذا احتجت أغراض لعزيمه في الظهريه أروح أتمخطر بين البنقال اللي بالسوبر ماركت ، وإذا جت مراجعات أبوي اللي ينضرب بها مشوار 250 كيلو في الظهريه راح أطلع من الدوام وأضرب لي هالمشوار مثل ما يسوي أخوي يطلع من الدوام 2 ظهرا وع طول لمستشفى السرطانات بعد ضربة شمس وخط
من يقول أن المرأه بتسوق رفاهيه
إذا ساقت بتسوق حااااااااااااااجة وذل ودليل ع تفكك الأسره أو مقطوعه من شجره
مثل ما بتسوقين بتروحين لزواج أو ملاهي أو زميلتك أصلا لن تجدي وقت بتسوقين تبحثين عن وايت مويه إذا قضى الخزان ولا للبلديه تطلبين وايت شفط مجاري أو للاسعاف بنتك فيها حراره واستفراغ وماانتي لاقيه أحد
أو للصيدليه في انصاف الليالي تجيبين فانتولين لجهاز البخار
أو صبحيه تبدلين قميص النوم بأي خلقه ومن ثم تتسحبين تدورين عبايتك وتنزلين وأنتي كل الليل ما نمتي من المولود اللي عمره أربع شهور فيه مغص ويصيح ، وتروحي توزعين عيالك الابتدائي بنت وولد كل واحد مدرسه والمتوسطه بنت والثانوي بنت ، والروضه، ومن ثم ماتلحقي ترجعي تنامي ألا وجرس الساعه يرن طلعت بنت الروضه وانضربي عند باب مدرسة الابتدائي بقي ربع ساعه ع طلعتهم ، ومافيه وقت ترجعي بهم للبيت انضربي عند باب المتوسطه والثانوي إلى وحده وانتي طالعه من 11 ونصف ومن ثم انطقي عند هالاشارات ونظرات وشمس ومري البقاله خذي لبن وخضار وحليب للطفل من الصيدليه والجوال يرن زوجك بيضرب أمبيره تأخرتوا ع الغداء وارجعي البيت مطرسي الغداء وكلوه مااستوى ولا جيبوا من المطعم ولا تغصبوا حواق الخدامه
وبيتفرغ زوجك يتنعم يدور له زوجه غير هاللي طول وقتها طردي امرأه في ثوب رجل يبي وحده يدخل البيت مايلقى شعرها معرق ونفسيتها عفن ومحتاجه ترتاح
يريد وحده تنسيه الدنيا إذا دخل
ومتعطره ومتكشخه
مو وحده متجهزه بالشكاوي والبكاوي
ولا يغرونك المجتمع اللي يسوق زميلتي خليجيه تتبهذل وهي رايحه للدوام 5تماما وعندها رضيع
وزوجها شغال سفرات وطلعات مستغني عنها بغيرها ما قدرت تكسبه ولا تستقر محملها البيت كله وهالطفل المقرود اللي يداوم معها من 5 ويطلع وحده ، وإذا وصلت البيت بعد ضربة الخط نصف ساعه وهالطفل بجانبها يموت بكاء على مقعده إلى أن تصل البيت عمره سنتين وجسمه جسم سنه
المجمل : من تريد أن تكون قوامه ع نفسها تسق ومن تسق مليون بالميه هذي ألقوها أهلها للكلاب أو لاتعني شيء لهم حيت ماتت يكون تخفيف ورحمه .
الله يخلف ع الزميلات نسوق و محتاجين نتكشخ لهم ولا نروح الكوفيره بسياراتنا لاجل نحضر عرسهم ، ولا دوامتنا اللي نصحى ومعانا شنطه كبر البعير هاده حيلنا ونتركها بجانبنا ونسوق أو نطلع ظهريه بعد عناء الدوام مانقوى نلبس حتى عبينا وتريدونا بعد نسوق ..
أبدا ارجوكم الله يقطع لسان كل مطالب فالبنت عندها شبكة من السواويق أبوها أخوها عمانها خوالها أولاد أختها وأخوها وأن ضاقت سواق خاص أو عام مع زوجته
العرض المتطور
