الأسواق هذه الأيام والمظاهر الغير حضاريه

[جلوي العتيبي]

يبدو أنني لم أستطيع الفرار وتسليم المايك للرأي الأول .


برمودا

ما اعتقد إن هذا حل ..


بل هو تشجيع على الإستمرار في الخطأ .


مثل هذه وغيرها تحتاج إلى من ينبهها ويذكرها بإحترام الآخرين وإستئذانهم .

أخت وبنت ناس على العين والرأس لكن للمكان وللمواقف إحترامها

شكراً لك

[جلوي العتيبي]

رحال

اقتباس: أخ جلوي أسمحلي أن أقول لك ومن كان واقف معك ذلك اليوم أنكم أنتم من يحتاج إلي تعلم الأحترام والوعي ...

يالله سترك ..

طيب أين كان الموقف الذي صور لك عدم إحترامنا يامحترم !!؟؟


تراك تشوف شيء مايشوفه غيرك ..

اقتباس: وهل تريد من المرأة أن تتحدث مع من كان لكي تكون في قمة الأحترام والوعي ؟؟؟ وتكون نادرة في الوجود ؟؟؟

حديث المرأه لاعيب ولامنكر فيه هذا أولاً .

ثانياً ماقلنا تتكلم نقول تصف مثل الناس وتأخذ دورها .

يعني رأيك تجي على الصامت وتدخل قبل الرجال وبكذا تكون مؤدبه ومحترمه !!!

اقتباس: غريب هذا النظام الذي تتحدث عنه , ففي أي نظام هناك أناس فوق النظام .. وأعتقد أنك قلت مثالاً هنا ( لو كانت كبييرة بالسن ) .... لكنك لم تعلم أن المرأة كانت من كانت هي فوق نظام طابور الرجال ....

ماادري أنت تتناقض وإلا ماوصلت اللي ودك تقوله ؟

ايه اقول لوكانت كبيره بالسن فهي تستحق أن نقدم لها الخدمه وأن نبادر بتقديمها علينا في كل شيء في الطابور وفي المقعد وفي أشياء كثيره .

أجل المرأه فوق طابور الرجال في كل شيء

الله يخلف على هؤلاء الرجال اللي أنت منهم.

[جلوي العتيبي]

كيفي عتيبي

هذا اللي يرفع الضغط

لا عاد تخطم على العالم بدون إحترام وبعد ماتقدر وجودهم ..

كان يوم أغبرين

[رحّــال]

اقتباس: يالله سترك .. طيب أين كان الموقف الذي صور لك عدم إحترامنا يامحترم !!؟؟ تراك تشوف شيء مايشوفه غيرك ..

اقتباس: صرافة في أحد الأسواق وانا ومجموعه من الرجال ننتظر وإذا بالأخت تتخطانا لتقف في الطابور وتحاول الدخول للصرافه وكأنها لاترى أحد وين يافاضله لو سمحتي ..تتراجع بنظرات حانقه وتمتمات متنرفزه . هذا المنظر يتكرر في أكثر من مره وأمامي شخصياً فإلى ماذا نعزو أسبابه ؟

لا يصير تكتب شي وما تدري عنه ...

اقتباس: حديث المرأه لاعيب ولامنكر فيه هذا أولاً ثانياً ماقلنا تتكلم نقول تصف مثل الناس وتأخذ دورها .

بس ما قلت لنا توقف وراك والا جنبك ؟؟؟؟

اقتباس: يعني رأيك تجي على الصامت وتدخل قبل الرجال وبكذا تكون مؤدبه ومحترمه !!!

جرت العادة والذوق العام أن لا يلزم أن تطلب المرأة الأذن لأن الرجال سيقدمونها من غير طلب .... لكن حظها طيحها بناس .....


ماادري أنت تتناقض وإلا ماوصلت اللي ودك تقوله ؟

اقتباس: ايه اقول لوكانت كبيره بالسن فهي تستحق أن نقدم لها الخدمه وأن نبادر بتقديمها علينا في كل شيء في الطابور وفي المقعد وفي أشياء كثيره .

يعني المرأة الشابة تتساوى مع الرجل لازم تمسك سرى ...

اقتباس: أجل المرأه فوق طابور الرجال في كل شيء الله يخلف على هؤلاء الرجال اللي أنت منهم

صورة للاعضاء مع التحية ....

[جلوي العتيبي]

قلب الأسد

حياك الله


اي والله تغير الوضع وأصبح شهر العباده فرصه للكسب المادي وهذا سوق يوقت إفتتاحه لهذا الشهر وللعشر الآواخر

لكن الله يصلح الحال

ابشرك ابي اسمع نصيحة الرحال

واصرف قبل أدخل السوق

لكن من يزيل هذه الثقافات المتدنيه من عقول بعض النساء !؟

شكراً لك

[جمان البحر]

عندي سؤال ..

لماذا الرجال عندهم نظرة للمرأة بأنها تعشق الأسواق ؟؟

حقيقة ماعمري رحت للنخيل الا مرة وحدة والعثيم 4 مرات ..وأكتفي بشرائي من الأسواق في السفر ..

لا وأروح غصب علي ولا لو الود ودي كان مارحت للسوق ..

ما أنكر ان فيه نساء ودهم يطقون خيام بالسوق ..

لكن مب الكل ..فعن نفسي على طول أمل وأبي أطلع بسرعة من السوق قبل لا أختنق ..

المهم بالنسبة لمسألة المرأة التي تعدت الرجال بالدور ...
هاكم هذا المقطع المضحك من موضوع قرأته لكاتب حجازي ..

منظر عام
رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرةولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وتلاتين باكستاني... وخمسين سعودي... واثنين معقبين معاهم شوية فواتير مقاس إكس لارج ... وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال ......... خليني في الطابور ..... زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظر في الجوازات .......... والأحوال .. والتأمينات..ويقدر أحد ... يقول إنه من ظهر أبوه .... يفتح فمه؟...على طول يسمع العبارة الشهيرة ..... ( عيب عليك .... إنت ما تستحي؟ ... هذه حرمة...إنت ما عندك أهل!)) ....ويضطرالراجل إنُّه ينكتم ويسكت ......بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟
قال حقوق المرأة ... هه!


وبالنسبة لغلاء الأسعار ..
فأدعكم مع هذا الموقف ..
كنا في جدة قبل رمضان ..وبالضبط في شارع التحلية ..طلعنا من محل دبنهامز ومشينا بجانب كم محل علشان نوصل للسيارة ..
وحنا ماشين كنا نتفرج على البضائع من الفترينات اللي برا ونحكم على اللي داخل المحل من خلالها ..
مرينا بجانب أحد المحلات وحنا ماشين ماكنا عارفين وش المحل ..
علّق أبوي على الملابس المعروضة بقوله : وش رأيكم بهالخلاقين ولا كأنها بمحل ****سنتر أو **** ستايل ..
ضحكنا على تعليق الوالد فقد كان تعليقه صائب ..وبعد ماوصلنا لبوابة المحل رفعنا رؤوسنا وقرأنا اللوحة واذا هي محلات العيسائي ..
قالت الوالدة :أبي أدخل أتفرج يقولون ملابسهم نيراااااااااااان ..
دخلنا وتوجهنا لقسم المواليد وأخذنا لنا لبسة وقلبنا بطاقتها علشان نشوف السعر ..
الا وش نشوف
سعر البدلة اللي طولها مايجي ولا نص طول يدي وقماشها من أردى نوع بــ690 ريال ..
والمشكلة فيه حريم يضفن ؟؟؟<<<<الحمدلله يارب على هذه العقول ..
وجزمة أكرمكم الله منمسح لونها وموديلها قديم جداً وبحجم اصبع يدي الصغير ب580 ريال ..

بعد ماشفت اللي شفته حمدت ربي ألف مرة على نعمة العقل ..
أجل أنا يالعجوز طول بعرض ماعمري اشتريت بلوزة ولا بنصف سعر بدلة (هالبقطة) والحريم يشترن بهذه الأسعار المبالغ فيها لأطفال ماتعدوا الـ40 يوم ..

[جلوي العتيبي]

رحال

اقتباس: لا يصير تكتب شي وما تدري عنه ...

لا أدري لكن انت ماتدري !!

لازلت اقولك وين عدم الإحترام ؟

اقتباس: بس ما قلت لنا توقف وراك والا جنبك ؟؟؟؟

ماادري وشلون تتصور الطابور ..

نحن نتحدث عن الإلتزام بالطابور والأسبقيه اما الباقي فنحن مجتمع مسلم ندركه ونعيه ولله الحمد.

اقتباس: جرت العادة والذوق العام أن لا يلزم أن تطلب المرأة الأذن لأن الرجال سيقدمونها من غير طلب .... لكن حظها طيحها بناس .....

لأن الرجال سيقدمونها ..

طيب إن لم يقدموه مثل ناسنا ؟

هل تتقدم دون إذن ؟

اقتباس: يعني المرأة الشابة تتساوى مع الرجل لازم تمسك سرى ...

نعم المرأه الشابه والتي لاتعاني من إعاقه تحترم الرجال وتقدر تواجدهم ولاتتجاوز الرجال .

اقتباس: صورة للاعضاء مع التحية ....

إذا كانت المرأه فوق طابور الرجال في نظرتك فالله يخلف على هؤلاء الرجال أقولها بملء فمي

[عجوز سمنسي]

لماذا النساء في هذا الوقت صارن قليلات حياء؟

الحريم من حياهن اول كانن يبارن الساس وصوتهن مايطلع من حناجرهن من الحياء والحشمة

بالله دلوني على حرمة تستحي الحين ؟

الموقف اللي صورته لنا ابو شهد يوضح ان الحريم صارت تستغل ضعف هيبة الرجل اليوم وتقديره للمرأة ودعوات الخروج للاسواق والتمرد على القيم

متى كانت المرأة تخالط الرجال وتحاول ن تسبقهم في الادوار

كان الرجل حينما يرى المرأة تمشي على استحياء يقدمها على نفسه واليوم صارت ترزرز والقهر لبسة مخصر وتبي تدفدف العالم

ابو شهد كلامك صحيح وليتك معطيها طراق والا مهزئها عند العالم

ابو شهد تصدق بغيت انزل الموضوع هذا بس خفت يقولون اجتماعي ؟

دمتم

[بــرمــودا]

اقتباس:  المشاركة الأصلية كتبت بواسطة جلوي الشقير     برمودا ما اعتقد إن هذا حل .. شكراً لك

[size=5]وليه ياحبي ماتعتقد إن هذا هو الحل؟؟هي سيده ضعيفه ولها خصوصيتها في مجتمعنا المحافظ وجرت العاده أن نقدم دائما النساء علينا حتى في فرن الخباز نقوم بإعطائها أرغفة الخبز دون أن تنتظر دقيقة واحده .....شكرا لك أبو شهد[/size]

[جلوي العتيبي]

اختي جمان البحر

ربما تكونين غريبه بهذا التصرف في الأوساط النسائيه .

وزحمة الأسواق هذه الأيام شاهد كبير على حب النساء للأسواق وبحثهن الدائم عنها..يعني ماظلمناهن.

غلاء الأسعار والله ودي بالرأي الأول يكمل ويتولى المايك بس شكل المشوار مطول ..

أعتقد ان الأقمشه لاتقاس بمساحتها وتكلفة تصميمها وعملها وإنما تقاس بمدى توفرها وزيادة عرضها .

فالمواليد ملابسهم قليله وغالية السعر عكي ملابس النساء ماشاء الله لاشفت اللي بالمحلات قلت متى يصرفونهن

[بــرمــودا]

اقتباس:  المشاركة الأصلية كتبت بواسطة عجوز سمنسي     لماذا النساء في هذا الوقت صارن قليلات حياء؟ الحريم من حياهن اول كانن يبارن الساس وصوتهن مايطلع من حناجرهن من الحياء والحشمة بالله دلوني على حرمة تستحي الحين ؟ الموقف اللي صورته لنا ابو شهد يوضح ان الحريم صارت تستغل ضعف هيبة الرجل اليوم وتقديره للمرأة ودعوات الخروج للاسواق والتمرد على القيم متى كانت المرأة تخالط الرجال وتحاول ن تسبقهم في الادوار كان الرجل حينما يرى المرأة تمشي على استحياء يقدمها على نفسه واليوم صارت ترزرز والقهر لبسة مخصر وتبي تدفدف العالم ابو شهد كلامك صحيح وليتك معطيها طراق والا مهزئها عند العالم دمتم

هلا عجوز ,,وليه أنت بعد مضخم الموضوع ؟؟هل المرأة تلك فعلت منكرا عندما سبقتهم إلى مكينة الصرافه ؟؟؟هي المسكينة تعتقد أنها وسط إخوتها والذين سيقدرون وضعها وكونها إمرأة .....دمت بخير عجوزي

[جلوي العتيبي]

العجوز السمنسي

أعتقد أنه إستغلال لإحترام الرجال للنساء أكثر منه إستغلال لضعف هيبة الرجل..

فأصبحت تعتقد أنها مقدمه على الرجل ولاتحتاج للإستئذان..والحاجه لتنبيهها وتذكيرها بإحترام النظام مطلب فهي بهذا التصرف تسيء لتربيتها ولمجتمعها بشكل عام .

[عجوز سمنسي]

[align=center]

اقتباس:  المشاركة الأصلية كتبت بواسطة بــرمــودا     [size=5]وليه ياحبي ماتعتقد إن هذا هو الحل؟؟هي سيده ضعيفه ولها خصوصيتها في مجتمعنا المحافظ وجرت العاده أن نقدم دائما النساء علينا حتى في فرن الخباز نقوم بإعطائها أرغفة الخبز دون أن تنتظر دقيقة واحده .....شكرا لك أبو شهد

ابو خلد : نعم نقدمها في كل مكان حينما نرى انها تستحي وتخجل وتعرف ان هذا مكان رجال لايصح مجاراتهم او مخالطتهم او التقرب منهم

وقت مانرى ن المرأة اصبحت تخجل صدقني سيتنافس الرجال على تكريمها اما ان خلعت جلباب الحياء والحشمة فلا ولاكرامة[/size][/align]

[جلوي العتيبي]

ابوخالد

نقدمها شيء ..وتتجاوزنا شيء آخر


حاول تتصور الموقف جيداً لتدرك أنه قلة أدب وعدم إحترام للرجال ..


حاول أن تقارن بين المرأتين:

وحده تقول للرجل تفضل أنت جاي قبلنا وترجع مجموعه من المتكدسات .

ووحده تتجاوز الرجال بغباء ماادري بمحاولة إستغفال .

أيهما أحرى للإحترام وأيهما تتصرف بشكل صحيح؟

[بــرمــودا]

اقتباس:  المشاركة الأصلية كتبت بواسطة عجوز سمنسي     [align=center] ابو خلد : نعم نقدمها في كل مكان حينما نرى انها تستحي وتخجل وتعرف ان هذا مكان رجال لايصح مجاراتهم او مخالطتهم او التقرب منهم وقت مانرى ن المرأة اصبحت تخجل صدقني سيتنافس الرجال على تكريمها اما ان خلعت جلباب الحياء والحشمة فلا ولاكرامة[/align]

طيب ممكن تقولي مثلا هالمرأة التي تسبق الرجال على مكينة الصرافة دون إستئذان ؟؟ أين مكمن الخلل التي إرتكبته تلك السيده ؟؟ لاتقول لي : لازم تأخذ إذن من الرجل ..هه إنتبه