اليوم ابقولكم شي مضيق صدري من زمان وقاهرني وشاب كبدي
ياناس فيه بعض (أقول بعض) الشباب الله يهديدهم ويصلحهم يارب
بصراحه اللي أنا شايفته بعيوني هي القذاره يعني (الوساخه)بعينه وعلمه لبعض الشباب وإنشاء الله مهوب كلهم
ياناس ما تلاحظون المسطحات الخضراء وأنتم بالطريق للبيت ليلا تقريبا الساعه وحده أو ثنتين-وخاصه ايام عطلة الأسبوع أو الإجازه الطويله
فيه العجب العجاب والله إن المكان كأنه جايه إعصار مناديل مجدعه في كل مكان
وعلب المشروبات الغازيه ما تقدر تعدهن (عساهم للصلاح)وعلب الطلبيات من هالمطاعم-وخاصه الفلين منها على مكانه--
شباب الوجبات السريعه الله لايبلانا
واللي يضيق صدري زياده
عمال هالبلديه اللي يدورون وراهم وينظفون لكن ماعندك أحد .....ماهنا إحساس بالنظافه أصلا
طيب وش يضرهم بنفس الكيس اللي جابو فيه الطلب يجمعون الوسخ ويربطونه
ويخلونه بمكانه -ميخالف -المهم -
ينظفون المكان بعدهم-(دع المكان أنظف مما كان)
-ياناس وش الحل - أحيانا ودي أنزل لهم -وأتكلم معهم -أحس ما أحد قالهم
عن النظافه - أجل ليه هم كذا!!!
والله إنه قهر إن اليابان وغيرها وصلو لكل شي وعيالنا ماتشيل الوسخ عقبه
لا ويبون وظايف راقيه على كرسي دوار ومكتب مكيف وراتب مغري
ودي أدري وين المشكله فيه بالتعليم ولا بالتربيه وإلا بالشخص نفسه
أبي الحل لوسمحتو لآنه طفح الكيل بهؤلاء اللي عنده حل يسعفنا فبه الله يجزاه خير
ابغى كلام جدي -ودي بحل جذري- دعوه للنقاش
العرض الشجري