ياناس ابي حل جذري-لهم
 

يابدر والله قهر إذا كانت النظافه يعتبرها البعض (مثاليه)

وبعدين وين التعب في جمع الوسخ باي مكان -البيت أو السياره

أو حتى المكان اللي يجلس فيه - ما أدري وش القصه-هل هو عجز وتكاسل

هل هو لامبالاة-هل هو -عدم إحترام-أو إستهتار بالنفس-أو تخلي عن القيم


ما أدري والله ما أدري -يوجعني راسي من كثر التفكير-دلني تكفى يابدر

معقوله يا الماسه السبب تربية الوالدين-يعني كل اللي يصير سببه التربيه

يعني معقوله -مافيه أحد يربي-أو مافيه احد يربي صح-

أطلب من كل شخص يقرأء الموضوع -يفكر بينه وبين نفسه -هل يحرص على

النظافه في داخل البيت وخارجه أو بس بداخل البيت فقط-


معناه لابد من التركيز شوي على التربيه هذا أولا-

لكن كيف نحل المشكله اللي تحصل الأن -يعني كيف نعدل عقولهم ونغير

اسلوبهم - كيف نقولهم -هذا خطأ- كيف-

[align=center][align=center]اعتقد هذا انسب الحلول بعض البشر ماتجي الابالعين الحمراء ...وانا واثق من بعد أرشادك لهم وتثقيفهم في النظافة العامة من بكرا ماراح تلاقي الا اللي يرضيك...لا تنسي تكوني محتشمة في لبسك (وقتها )..!![/align][/align]

[align=center]أم اليسر ..




أعتقد بأن الأسرة لها تأثيرها التربوي على كل فرد منها ..

فأي سلوك يقوم به الفرد في الشارع أو المدرسة أو البيت يعود على التربيّة الأسرية لهذا الفرد ..

الشباب في تلك المسطحات التي ذكرتيها .. لا يُقدرون جهد عمّال النظافة على تنظيف أماكن تواجدهم بل يعتبرونهم يعملون بالراتب و هذا خطأ إجتماعي كبير قد تكون عواقبه مؤثرة مستقبلاً ..



تحيتي لكِ[/align]

مرحبا أم اليسر

لو تعودوا من الأساس تنظيف بقاياهم في البيت لما حصل ذلك

مثلا المفروض نتعود حتى في البيت الذي يخرج عن سفرة الطعام منك أنت المطالب بتنظيفه0

ليست المشكلة بمكانهم من بعدهم المصيبة كيف يواصلون جلساتهم وهم بين اكوام من بقايا

الأطعمة ومخلفاتها ؟!!!

الود لك0

طيب انتي ليه تطالعين يمين ويسار !


السبب وانا اخوك تربية الوالدين ووالدين الوالدين ووالديهم من ايام ماكانت الديره مافيها وجبات سريعه ولا مسطحات خضراء وكان العجاج ينظف وراهم



شكرا لك

أبشر -

ولايهمك -شكلك حريص -عليهم -وعلى تثقيفهم-


لا -وتبي العين الحمراء- متأثر منها ياطويل العمر-


على العموم منور الله يحفظك

يا أخوي الله يطول لي بعمرك-ويحفظك -المشكله أنا متأكده إنها من التربيه

بالدرجه الآولى -طيب والحل- أنا أقترح يكون في خطب الجمعه مثلا عن النظافه

وحتى لو كان في الخطبه شي عن النظافه تلقى الإمام يركز على الإستحمام

والنظافه الشخصيه -يعني ما يكون محور الخطبه حول النظافه عامه ككل-بمعنى


أن تكون الخطبه شامله أنواع النظافه -الداخليه والخارجيه -حتى نظافة العقل


المفروض تكون شامله لكل-شي حتى نظافة المنزل والأشياء الخاصه -كذا الدين


ماهو من بعيد لبعيد-عقول الشباب الحين -شبه فارغه من هذا الجانب-

ليه -أبغى جواب-


أشكر لك تفضلك بطرح رأيك ألذي أثرا الموضوع بارك الله فيك

أنا معك الله يسلم قلبك -والمفروض يكون فيه (عين حمراء ) من الآسره على التربيه عموما وعلى الإهتمامات الشخصيه -يعني تركز الآسره شوي على -بعض ألامور اللي تهم الأبناء -

تعتقدون -وجود الخدم هل له تأثير على الآمر هذا -يعني -تدربو أبنائنا

على إنه ينظف المكان من قبل غيره -يعني الاتكاليه -ممكن هذا يكون-ابغى إجابه -ربما -صح



منوره يالغاليه - وشرفني مرورك الله يطول بعمرك

[align=center]أنا بيتي بالآسكان -يعني حول المسطحات الخضراء قريبه منها-

يوم الخميس والجمعه -تعالي شوفي- مناظر -خياليه- ليه كذا -وين عقولهم

معقوله -يكون كل هذا (عجز-تماسل-لامبالاة-إستهتار-) والصبح تعالي شوفي

هالمساكين -عمال النظافه-بالشموس-اللي تصلخ الجلد-وعلى رجليهم

ويالله شيلو من وراهم-أنا ودي أدري -مافيه واحد منهم فكر بيوم من الآيام

إن اللي خلى هالعامل- ينظف-إنه قادر يخليه ينظف مثله بيوم من الآيام


يعني الإنسان -مايعلم الغيب- يمكن هاللي يتبطح بالمسطحات يجي بعد خمس

سنوات فقر وحاجه تخليه يسوي اللي كان العامل يسويه-طيب أرحموهم

تعالو من باب الرحمه-ياناس -أرحمو من في الآرض يرحمكم من في السماء

خلو نيتكم إنها صدقه لله -ونظفو المكان بعدكم-



معليش -جوان -إعذريني ياقلبي- والله من شي فيني -الله يكون بالعون


قال النظافه -مثاليه -طيب من يردك تصيرمثالي والا مستغني عنها -ماشاء الله



مشكوره ياجوان على ردك -وساعديني نغير تفكيرهم مع بقية الآخوان[/align]

سم وأبشر -ماراح أطالع يمين يسار



وخلنا على الوالدين-كيف نغير تفكيرهم وأسلوبهم بالتربيه-زين عندي إقتراح


تكون فيه محاضرات في فترة الصيف -وأثناء الفعاليات- وتكون المسابقه على

ثقافة الشخص- من الجانب اللي نبيه وهي النظافه -يعني مثل رسالة

الدكتوراه -تكون فيه جائزه قيمه -للبحوث الخمسه الآولى- وتكون شامله

كل شي عن النظاف- وتقدم -للجنة المهرجان حيث يتم التقييم -وتقديم الجوائز


وبنفس الوقت -يكون فيه تنسيق من البلديه مع أصحاب المنتزهات-مثل العييري


بارك -أو الحدائق العامه الموجوده ببريده - تكون لجنه تقدم جوائز فوريه-لصاحب


أنظف مكان - وتقدم له الجائزه -حتى لو كانت بسيطه - أي شيء- يجذب


بالطريقه هذي يكون فيه تشجيع -للناس على النظافه والحرص عليها-


وفيه طرق ثانيه نفس الشي تعين على تغيير تفكير الشباب -ويطبق طريقة

الجائزه الفوريه على الشباب الجالسين على المسطحات الخضراء بالشوراع

من باب النظافه العامه الخاصه بالبلديه -والا وش رايكم أنتم



مني لك خاص كل الشكر والتقدير أخوي على مرورك -وأتمنى تفاعلك معنا



دعواتي لك بالسعاده والتوفيق-