الزواج الناجح(من زوجه متفرغه) والفاشل من( الزوجه المثقفه وراعية نت )

[باسم الثغر]

الخوف إنها تجيك معدومة الثنتين
لا ثقافة ولاإهتمام وحشيمة

علشان كذا
إذا جتك مثقفة عسل على عسل
وإن جتك راعية بيت فعسل على عسل

وإن جن كلهن
فالشهد والعسل

اقتباس:  المشاركة الأصلية كتبت بواسطة مهند الجربوع     يقول صديقي اذا صحيت الصبح لقيت الفطورات والقهوه والشاي والابتسامه واذا رجعت الظهر لقيتها باستقبالي ومعها ضحكه وابتسامه والبيت نظيف ومرتب واتغدا وانام الظهر واصحي العصر واصلي وارجع الاقي الحلى والاكلات والعصيرات وفلة الحجاج ..وفي الليل اصير انا واياها في دنيا ثانيه ...والله انه يلعن الايام اللي قضاها مع زوجته المثقفه اقصد المهمله.

من وين طالبها هذي ؟

أنت متأكد
وإلا كلام ؟

[أبو الريش]

[align=center]أكبر غلط اللي سواه هو اصلا ماعرف يتبادل هي ويها أو يمكن انه ماله بالثقافه,,

بالعكس غالبية الشباب غير متعلمين وغير مثقفين وتزوجو متعلمات وتحسنت حياتهم للأفضل وأدرك أنه فاقد كثير من تعاليم الحياة يوم كان عازب,

المثقفه والمتعلمه تلعب دور بالبيت بشكل أيجابي ,


وحده متعلمه ومثقفه تزوجت رجل راعي تفحيط وسبحان الله قلبت حياته وصار رجل بمعنى حقيقي وصار تعامله أفضل من أول بكثير,,

ووحده غير متعلمه متعقده من الدراسه تزوجت وتلقن بناتها كلام تقولهن قولي ((المدرسه مو حلوه)) والبنات اعمارهم على 5سنوات ,

تظل المثقفه والمتعلمه مهما كان تربي أجياله وفرق بينهم وبين اجيال الغير المتعليمن تلقاهم الفاظهم الفاظ شوارع وتعاملهم غريب[/align]

[سيدآنه]

[align=center].
.

اللهم لا تمتحنني بمثل صديق مهند ..!!!

يا أخي كون الفتاة تتزوج لا يعني أنها تلغي نفسها وحياتها وتعيش ليعيش الزوج فقط .
تهتم فيه وتأدي ما عليها من حقوق مع تأدية أيضاً حقوقها على نفسها .

هي نفس بشرية مساوية لهذا الرجل الذي يريد أن يهضم حقوقها بكل شيء
هو أعلى منها فقط بدرجة القوامة لا أكثر !

لا أحب أن أقول صديقك متعجرف ويريد أمة لا زوجة لكن ربما تجربته رسمت هذه الصورة الغير صحيحه في ذهنه .

فالكثير من المثقفات القارئات المطلعات يؤدين حقوق أزواجهن ومنازلهن على أكمل وجه !

والعلاقة بين المسألتين ليست عكسية


.
.[/align]

[مهند الجربوع]

اشكركم على آرائكم الجميله لكن كثير منكم فهم خطأ ..انا لااقصد جاهله ..بنت حاصله على شهادة الثانوية ومتعلمه وراعية بيت ومتفرغه لزوجها واولادها وبيتها .
والجانب الآخر بنت ماغير ماسكة بالكتاب ولابسة نظارتها واذا خلصت قراءه راحت للانترنت وجلست ساعات نقاشات ورد وزوجها المسكين طفش من هالعيشه . هذا اللي اقصده .

[عذبـــــة]

اقتباس:  المشاركة الأصلية كتبت بواسطة عـــــســـــولــي     الله يصلحتس يعني ياحرى او برى ..يامثقفه او جاهله !!! الرجال يقولتس تزوج خريجة ثانويه يعني متعلمه ومثقفه وفاهمة الدنيا زين وتحاور ووتناقش ..على بالكم خريجة الثانويه هوينه ....خريجة المتوسطه هالحين تلقينها جنيه وعارفتن الجن الأزرق. عاد تصدقين اكره ماشوف المثقفه ام روايات ونظارات يانا اكرهها ومااطيقها بعيشة الله فيها شوفة نفس على خرطي ....يازين المتواضعه اللي تمزح وتضحك وتنعنش الجو بلا كتب بلا روايات ...تحلف انك متزوج طه حسين خخخخ

الزوجة المثقفة اكيد من ضمن ثقافتها انها تعرف بأمور الحياة الزوجية وحقوقها وحقوق زوجها عليها
لكن صاحب الموضوع حصر المثقفة بالإهمال وخريجة الثانوي لم يذكر انها مثقفة بل ذكر انها متفرغه له ولأكله فقط
لهذا جاء ردي
مع علمي ان خريجات الثانوي والمتوسط الآن جنيات على قولتك ويعرفون بالحقوق الزوجية أكثر من المدرسات الكبار
الزوجات يبغون رجال يعرفون لهن بس ويصيرون مثل الخواتم بيدين ازواجهن
اعذب تحية

[انتظرتك]

اقتباس: وش رايكم هل تتزوج من مثقفه وراعية كتب وراويات ونت ومنتديات او تتزوج من ست بيت متفرغه لزوجها واولادها ؟؟

الرجل الذكي هو من يسلب زوجته من عالمها أياً كان
لتكون له وفق مايريد ,,,

[سراج اللوذه]

اقتباس: وش رايكم هل تتزوج من مثقفه وراعية كتب وراويات ونت ومنتديات او تتزوج من ست بيت متفرغه لزوجها واولادها ؟؟

في الحالتين ..وعلى إفتراض أن ما فيه خيارات غيرهم ..شواذ ..
ربما .. / ولتجربه شخصية .. كانت المثقفه المتعلمه ...ربة بيت على مستوى عالي ..

والعكس صحيح ..

[فتاة المستقبل]

مادري حاستن البلاء بصديقك موب ب زوجـــته ..
تلقى زوجته الاولى سوت اشغاله ورتبت بيته وسوت اللي عليه همن فتحت له النت او كتاب تسلي روحه ساعتين ثلاث قال ذي راعية ثقافه ونت
يبيه تقابله 24 ساعه تسن ماله شغل إلا هــــو ..
برضوه هو شكله اخذ فكره عن الحريم خلاص إذا تزوج خلاص بتجيه ملاك الانثى على كيف كيفه وعلى مزاجه هو ,,

اقتباس: يقول صديقي اذا صحيت الصبح لقيت الفطورات والقهوه والشاي والابتسامه واذا رجعت الظهر لقيتها باستقبالي ومعها ضحكه وابتسامه والبيت نظيف ومرتب واتغدا وانام الظهر واصحي العصر واصلي وارجع الاقي الحلى والاكلات والعصيرات وفلة الحجاج ..وفي الليل اصير انا واياها في دنيا ثانيه ...

غالبا اللي كذا - ماقول كلهن - تفكيرهن معاهم معاهم عليهم عليهم
يعني لاقال الزوج يمين قالت يمين وإلا قال يسار قالت يسار ,,مهما كان انت اتزوجت تبي تشاركك حياتك وقرارتك وتعطيك رأيها وتنبهك إن أخطئت

على عكس الزوجه الاولى راح تساعد زوجها بقرارته بتنفع زوجها يعني ماراح يقتصر زوجها على الأمه او الخادمه كما في الثانيه


على العموم ..
ايها الشاب مهما لفيت ومهما درت الدنيا ماراح تلاقي امراه ترضيك بالكامل
بمعنى حديث الرسول علية الصلاة والسلام
(ان كرهت منها خلقا رضيت بخلق اخر )

[سيدآنه]

اقتباس:  المشاركة الأصلية كتبت بواسطة انتظرتك     الرجل الذكي هو من يسلب زوجته من عالمها أياً كان لتكون له وفق مايريد ,,,

أوووف .!!!

ينخاف من الرجل اللي كذا ,, هذي أفكار حريم ما تجي بعقل رجّال ؟

[سيدآنه]

اقتباس:  المشاركة الأصلية كتبت بواسطة فتاة المستقبل     غالبا اللي كذا - ماقول كلهن - تفكيرهن معاهم معاهم عليهم عليهم يعني لاقال الزوج يمين قالت يمين وإلا قال يسار قالت يسار ,,مهما كان انت اتزوجت تبي تشاركك حياتك وقرارتك وتعطيك رأيها وتنبهك إن أخطئت

أنا من هذا الموضوع اكتشفت ان تفكير أبو جدّي سليمان ما زال !

هو يبي زي ما تقولين شغالة بس بالليل مره

يعني بالعربي هو يقوده لا أكثر

الله يصلحك يا فتاة فاهمة الزواج غلط .. من اللي قايل لك انه مشاركة ؟



.
.

[انتظرتك]

اقتباس:  المشاركة الأصلية كتبت بواسطة سيدآنه     أوووف .!!! ينخاف من الرجل اللي كذا ,, هذي أفكار حريم ما تجي بعقل رجّال ؟

لا تخافي الرجال يتعلمون من الحريم ,,,

[رواسي]

السلآم عليكم

بصرآحهـ هو على حسب الزوج

دآئمآً الفتيآت اللوآتي لم يكملن درآستهن هم ألي يتزوجون بسرعهـ وهم ألي بيتهم يلق من النظآفهـ
وأكلآت وحركآت وكل شيء يحبهـ بطن الرجل

لكن لآينقصهآ إلآ بشيء وآحد إذآ جآت تتكلم مع نسآء مثقفآت يبآن غبآئهآ وكأنهآ مآتعرف في الحيآة غير الطبخ
وكذآلك لآيستطيع الزوج أن يستشيرهآ بأمور الحيآهـ


أمآ المثقفهـ فهي ثقآآفة وتعلم وطبخ ونظآفهـ ومعآملهـ رآقيهـ

لكن لآينقصهآ إلآ رسميتهآ سوآءً مع الزوج أو غيرهـ

شكرآً لكم

[@المعالي@]

انت تقيس على تجربة صديقك
ولم تسمع الطرف الثاني

والمثقفه افضل

اما صديقك اظنه ما احب الاولى ولا كان كل شي عنده عادي

او انه نظرته للزوجه انه تكون زي الشغاله

تقديري للجميع