|
الزواج الناجح(من زوجه متفرغه) والفاشل من( الزوجه المثقفه وراعية نت )
السلام عليكم ورحمة الله وبركاته : هذا اول موضوع اشاركم فيه وحبيت اطرح تجربة صديقي بزواجه الاول الفاشل وزواجه الثاني الناجح .
صديقي تزوج من انسانه من عايله محترمه لكنها مثقفه وراعية كتب ومنتديات ونت وتزوجها صديقي سنه واحده فقط وطلقها بعد رحلة عذاب شافها صديقي على ايدين المثقفه . يقول تزوجنا وعشنا شهر بس عسل وبعد الشهر رجعت لعادتها قراءة كتب ومقابل للنت والمنتديات ومهملة بيتي وحقوقي وماغير لابسه نظاراتها وماسكه كتب الروايات حتى كرهت شي اسمه كتاب بسببها حتى بغرفة النوم كتب .وبعد القراءه نت وبحث ومنتديات ومواضيع وردود وانا آخر شي في حياتها مع اني ماقصرت معها في كل شي . حياتي صارت جحيم لايطاق اكلي من المطاعم ملابسي عند المغاسل حاولت معها دون فايده اخيرا طلقتها وانا مش ندمان. بعدها تزوج صديقي انسانه حاصله على الثانويه وماكملت وجلست في منزل اهلها وتعلمت فنون الطبخ وادارة البيت وتحمل المسؤوليه وماهيب راعية نت ومنتديات ولاراعية كتب . تزوجها صديقي وتغيرت حياته ورجعت ضحكته وسألته عن زواجه قال اثري ضايع يامهند مع المثقفه . يقول صديقي اذا صحيت الصبح لقيت الفطورات والقهوه والشاي والابتسامه واذا رجعت الظهر لقيتها باستقبالي ومعها ضحكه وابتسامه والبيت نظيف ومرتب واتغدا وانام الظهر واصحي العصر واصلي وارجع الاقي الحلى والاكلات والعصيرات وفلة الحجاج ..وفي الليل اصير انا واياها في دنيا ثانيه ...والله انه يلعن الايام اللي قضاها مع زوجته المثقفه اقصد المهمله. وش رايكم هل تتزوج من مثقفه وراعية كتب وراويات ونت ومنتديات او تتزوج من ست بيت متفرغه لزوجها واولادها ؟؟ |
[align=center]بكل بساطة .........
لكل انسان متطلبات ........... وقبل تتزوج اسأل واسألي عنه .....[/align] |
وواحد يقول اتزوجت وحده مو مثقفة ولا تعرف من العلم الا القراءة والكتابة
تطبخ وتنفخ وتغسل ومو مقصرة بس اذا بغيت زوجة اناقشها واحاورها وافتح معها مواضيع ماالاقي الا وحده تدربي راسها وحتى لو نكون بإجتماع اهلي كل كلامها عن الحلا الفلاني وعن الطبخة الفلانية واهلي مثقفين وانا زوجتي صايرة اقل منهم ومفشلتني بجهلها مابي الطبخ ولا الغسيل لأن المطاعم والمغاسل مالية الديرة ابي زوجة مثقفة تبادلني نفس افكاري الرجال مايمسك لهم سالفة يبغون الحرمة كاملة وهذا مايحصل ليت الرجل يشوف نفسه وتقصيرة بعدين يجي يحاسب زوجته رجال اخر زمن |
لابد من الزواج التكافؤ من كل الجوانب
تعليميا وفكريا واجتماعيا وغيرها ومهند انت بهالموضوع تهضم حق المراة من تجربه لاتمثل شي بالنسبه للمجتمع فلو اجريت دراسة تجد الرجل او الشاب يريد المراة المحاوره التي تبدي رايها يريد المراة المطلعه المثقفة طبعا مع امور اخرى لااريد الخوض فيها وبالاول والاخير السالفة نصيب وماتم الله يعوضها بالمثل ويتم السعاده عليه وعقبالك تقبل تعقيبي |
مرحبا اخي مهند
نقدر طرحك ولكل قارىء وجهة نظر ماحدث لصديقك تجربه لم يكتب الله لها البقاء بمعنى ( نصيب) وليست قياس على المثقفات .. لو كانت زوجته (غير مثقفه) لطالبها بان تكون على درجه من الثقافه وليست كل مثقفه مهمله لبيتها وزوجها ابدااااااا.. اثق بان غالبيه الرجال اذا لم يكن الكل يحتاجون المرأه (المثقفه )و ( القياديه)صاحبه الرأي والفكر والقرار مع احتفاظها بديباجه الموده والاحترام لزوجها.. دعواتنا لغير المتزوجين بالحياه المستقره والاختيار الموفق باذن الله |
اقتباس:
عاد تصدقين اكره ماشوف المثقفه ام روايات ونظارات يانا اكرهها ومااطيقها بعيشة الله فيها شوفة نفس على خرطي ....يازين المتواضعه اللي تمزح وتضحك وتنعنش الجو بلا كتب بلا روايات ...تحلف انك متزوج طه حسين خخخخ |
لا ضرر ولا ضرار
|
غير المنطقي أحسن له يستمر في عشوائيته مع غير متعلمه
وعامله مثقفة ومتطورة ! |
كلام غير منطقي
لانه بكلامك حكمت على المثقفات بالاهمال واللي صار مع صديقك مجرد عينه واحده وماكتب لها النجاح اما لعدم توافق الافكار او ما فيه نصيب ! وبالعكس كثير من اللي حولي من الاهل نساء مثقفات وعلى درجه كبيرة من العلم واصبحن مربيات اجيال فاضلات ويشهد لهن بالخير ولما ارى ما تقول من اهمال فيهن وايضا فيه جاهلات مهملات واحد من معارفي زوجته تحمل الشهادة المتوسطه يشكي دائما من عدم اهتمامها به واهمال المنزل والاطفال وكل ما تفكر فيه الطلعات والمكياج والسوق والسوالف بالتلفون هذي نموذج واحد من الجاهلات سيء وفي جاهلات ربو ابنائهم احسن تربيه وطلعوا دكاترة ومهندسين خلاصة الحديث لا يمكن التعميم في هذه الاشياء فكل شي فيه الصالح والطالح ودي لسموكـ واسف على الاطاله |
أتوقع زوجته الاولى تحضر الدكتورآه مدري الماجستير !!!
مااتوقع تقضي كل وقته بين نت وكتب وتهمل زوجه ,, علشآن منتديآت وخرآبيط .. وفيه متخرجآت من ثآنوي ومآعندهن نت اهم شي عندهن الطلعآآت ,, كل يوم طآلعه من العصر ,, هذآ مو اهمآل !! وترآ ثلآثة اربآع ثقآفآتنآ من آلنت ,, وآلنت مآفي غنى عنه ,, سوآء للمتزوجين او غير آلمتزوجين ,, |
اقتباس:
اما طه حسين .............خخخخخ |
عدت للموضوع يالربع بقولي كلمتين قبل ما أروح أصلي نتفق أن ليس غير متعلمة ذات مستوى تعاملي أو فكري سئ ! نتفق على أن ليس كل متعلمة جامعي ومافوق متميزة فكرياً وتعاملياً ونتفق أن نسبة المتميزات في التعامل والفكر هو لدى المتعلمات . قضينا من هالمعادلة اطلقو رجلينكم للريح نرجع للظروف المعتادة اتكلم عن السياق المعتاد وليس حالة صديقك - في الغالب أن هذه الأنثى لم تجد فكر ً وتعامل يرضيها . ربما هو لم يقدر طموحاتها ولم يتعايش مع مشروعها . أراد اهتماماته وقناعاته دون تضحية ولو قلت في الغالب أن المثقفة تتميز بالحوار و المناقشة والسؤال عن حقوقها ، وتريد مثل ما اطلعت عليه من ظروف أقرانها في هذه الحالة تحتاج الزوجة إلى رجل يعرف يقنن رغباتها ويرضيها ويقنعها بالحوار . وإذا لم يجيد الحوار يعلن الفشل ويزين الطين بله عندما يكون الزوج لايعرف الحوار ولا يجيده وكذلك لا يريد التغيير عما اعتاده واقتنع به وللأسف تجتمع هذه في الرجال . المرأة العاملة التي تتعب وتحترق صحياً ونفسياً في مهمة تقدم ذاتها وتخدم الوطن تستحق من زوجها تنازل أكبر وتفهم لها إيجابيات منها ( تشيل جزء من المصروف ) وبعضهن جل المصروف وبعضهن كل المصروف !!!!!! ودي أقول كلمة ( حرشا ) لكن امسكها مراعاة لنفس غالية ! ومع ذلك يظل الرجل يطالب بكل الأدوار التي تصنعها أمه المتفرغة أو أخته أو نحو ذلك فتح ياعم .. واقرأ التاريخ ففيه العير <<<< الحقو عليه ضيع ! مع السلامة أيها الرفاق وسامحوني لو غلطت بحق أحد |
عزيزي مهند
بصراحه زميلك هذاغلطان يوم طلق زوجته الأولى المفروض تزوج ثانيه عليه والله إن تصير الأولى مايحتاج إن تترك الكتب والروايات والنت وتصير عسل وبس تلاحق الزوج وين راح وين جاء مثل القوقسية بس تلفت عاد انتم اتعرفون الحريم (إلاّ الزوجة الثانية) هذاالواقع الزوجه ماتنظبط إلااذاتزوجت عليه عادأكيد فيه حريم ماشاءالله عليهن قايمات بحقوق الزوج واكثر لكن هنانتكلم عن جزئية بسيطة |
اقتباس:
|
أميل إلى الزوجة المتفرغة حتى لو لا تعرف تفرق بين الرقم والحرف .
|
| الساعة الآن 05:36 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة