ابغـــــــــــــي مشورتكم بـــــ صالونى

[ليون]

هلا بك خيتوووو نواره
انا عارفه المشغل انه يبغى متابعه وفعلا راح تهملين اشياء كثيره لحسابه بس ندور الرزق خاصه بشيء اهواااه

[فجــر]

1- ايهم احسن يكونون العاملات فلبينيات او مغربيات او تونسيات
(يعنى انتن لرحتن للصالون ايش تفضلن بغض النظر عن زين شغله )

الفلبينيات، نفسية حلوة، وشغل مرتب ودقيق.

2-وين تفضلين تسوين تنظيف البشرة بالصالونات ولا بالمستوصفات؟؟
(علشان اقدر حجم الرغبه للتنظيف البشرة بالصالونات)

أسويه بالبيت، لكن كثير يسوونه بالمشغل.

3- الحمام المغربى ايهم احسن يكون بنفس الصالون او تطلع العاملة لبيت الزبونه؟

أفضّل البيت.

4-المكياج يهمك يكون ماركه ولا اهم شي يصير حلوو

مهم يكون ماركة..

5-سعة المكان مهمة عندك ولا اهم شي شغل الصالون

لابد بالبداية يكون مكانك شرح وواسع ومرتب وله طلة عشان تكسبين الزبونات.

6-تحبين يكون فيه مبيعات وكوفى او مايعنيك اهم شي تسوين شغلك
ايه احب يكون فيه شي خاصة اوقات الزحمة على الاقل ماء.

7-هل باعتقادك كثر التخفيضات تدل على خسارة الصالون؟؟ او بمعنى اصح (مايجيهم احد ويبي يحركون سوقهم؟

لا بس مهم تهتمين بجودة الشغل واذا صار الشغل بحودة عالية وباسعار مخفضة مافي ربح
!

[العبرى]

ماشاء الله

اقتباس: - ايهم احسن يكونون العاملات فلبينيات او مغربيات او تونسيات (يعنى انتن لرحتن للصالون ايش تفضلن بغض النظر عن زين شغله )

بعض الشغلات تحتاج فلبينيه أريح..وبعضها مغربيه مثلاً..

مثل التنظيف للبشرة والشمع..والبديكير والمنكير..وماشابه أحسها أريح فلبيبنه..!

القصات والصبغات..وأوقات الميك أب المغربية والفلبينه أريح..!

يقلقني تواجد المصريات..مع أن بعضهم شغلهم توب..لكن للي أول مره بتحسها مغامره..!!

بيكون على قلبي صخره لو سورية..نافخه ريشها على لاشيء...!

اقتباس: 2-وين تفضلين تسوين تنظيف البشرة بالصالونات ولا بالمستوصفات؟؟ (علشان اقدر حجم الرغبه للتنظيف البشرة بالصالونات)

بالصالون..!
وكل ماكانت النتيجه تبان من أول مره..وبدون أثر جانبي كان أحسن..!

اقتباس: 3- الحمام المغربى ايهم احسن يكون بنفس الصالون او تطلع العاملة لبيت الزبونه؟

أكيد في البيت..المهم اللي تطلع تسوي الحمام..تسويه من إلى..
مو تعطي تعليمات وبس..!!

والمغربيه أفضل..!

اقتباس: 4-المكياج يهمك يكون ماركه ولا اهم شي يصير حلوو

الشغلات الأساسية مهم تكون ماركة..
لكن الكمالبات الثانية ماتفرق معي.. يمشي الحال أي نوع..!
بس مو من الحراج

اقتباس: 5-سعة المكان مهمة عندك ولا اهم شي شغل الصالون

الإثنين..وأكيد إذا ارتحت للمكان..برتاح للشغل..!

اقتباس: 6-تحبين يكون فيه مبيعات وكوفى او مايعنيك اهم شي تسوين شغلك

حلو يكون فيه ركن للكوفي خاص ومرتب..وبتصميم مختلف شوي..!

اقتباس: 7-هل باعتقادك كثر التخفيضات تدل على خسارة الصالون؟؟ او بمعنى اصح (مايجيهم احد ويبي يحركون سوقهم؟

عني ممم إيه..!
محد يخسر لوجه الله الحين..
بإستثناء تخفيضات المواسم..والإفتتاح..وتخفيضات للزبائن الدائمين..!

ممكن التخفيضات تكون بشغلات بسيطه مافيها خوف..مثل القص..الإستشوار..وماشابه..!
يعني أشياء مايدخل فيها حروق..أو إنتهاء لصلاحية المواد المستخدمه..!!

اقتباس: واخيرا اتمنى تساعدونى باقتراحاتكم وارائكم وايش تحبون وايش تكرهون علشان اسويه على اكمل وجه

أحب إذا ترددت على مشغل أكثر من خمس مرات يكون لي ميزة
خصوصاً إذا كانت بوقت واحد..
يعني قصيت صبغت سويت تنظيف بشره سويت تسريحه..يكون مثلاً الميك أب مجاني..!

أو..

إذا صبغت عند نفس المشغل ثلاث أو اربع مرات وراء بعض بأوقات مختلفه
يكون لي مراعاة بالسعر للمرة الأخيرة للنصف..
أو أعطى خدمه مجانية مميزه..!


أكره ماأشوف اللي في الإستقبال..!!

فيه واحد من المشاغل اذا دخلته قرفت من اللي بالإستقبال فيه..
قلة أدب..على مياعة مالها داعي..ومافيه أسلوب..!

حطي لك في الإستقبال سوريه أو مصرية..لسانها يكون حلو..!!

والأهم صاحبة المشغل تكون بشوشة مع الزبائن..

أذكر موقف حصل معي في أحد أوقات الأعياد
أرتفع سعر خدمة معينه عند مشغل أعتدت الذهاب إليه..أرتفاع السعر بشكل غير معقول..
ففارق السعر بين الأمس واليوم كبير..وبين اليوم والغد أكبر..!

فحين سألت ليه تغيرت الأسعار..

قالت بكل بجاحه..:أنتم زبائننا..؟
قلت..:نعم
قالت..: أجل أدفعوا...!!!

حنا نرفع السعر عشان اللي مو زبوننا مايعجبه ويرجع..!!



قاتل الله الطمع..!


وفقك الله



تحيتي,,,

[ليون]

معافايه اختى فجر
اسعدنى رايك

[ليون]

هلا وغلا بالعبرى

اقتباس: يقلقني تواجد المصريات

هذولى ماهظمتهن بالكوفيرا

اقتباس: أحب إذا ترددت على مشغل أكثر من خمس مرات يكون لي ميزة خصوصاً إذا كانت بوقت واحد.. يعني قصيت صبغت سويت تنظيف بشره سويت تسريحه..يكون مثلاً الميك أب مجاني..! أو.. إذا صبغت عند نفس المشغل ثلاث أو اربع مرات وراء بعض بأوقات مختلفه يكون لي مراعاة بالسعر للمرة الأخيرة للنصف.. أو أعطى خدمه مجانية مميزه..!

فكره حلوه مره وحطيتها ببالى

اقتباس: أذكر موقف حصل معي في أحد أوقات الأعياد أرتفع سعر خدمة معينه عند مشغل أعتدت الذهاب إليه..أرتفاع السعر بشكل غير معقول.. ففارق السعر بين الأمس واليوم كبير..وبين اليوم والغد أكبر..! فحين سألت ليه تغيرت الأسعار.. قالت بكل بجاحه..:أنتم زبائننا..؟ قلت..:نعم قالت..: أجل أدفعوا...!!! حنا نرفع السعر عشان اللي مو زبوننا مايعجبه ويرجع

ان شالله ماتصير منا وعلى ما قلتى اهم شي الأستقبال ممكن هى اللى تحببك بالمكان
وترتاحين معه بالتعامل

الله يوفقك اختى وسعدت جدااا برايك

[eivl girl]

تبغين نصيحتي حطي اسعارك زي مشاغل الرياض وشوفي الزباين كيف
حاولي توفرين كل الشغلات فيه والعاملات شكلي حطي فلبينيه للبدي كير والطقه
وحطي شاميه للمكياج وحطي مغربيات للقص
الله يوفقك ومن الحين ترا لي كرسي وابي تخفيض

[نبض الوريد]

[align=center]همسه: تري السوريات أكثر أناقه ودقه في المكياج بالذات بهذه الشغله وفوق هذا تعاملهم مع الزبائن خيال ،،لطف إلى أبعد الحدود،،

اقتباس: 7-هل باعتقادك كثر التخفيضات تدل على خسارة الصالون؟؟ او بمعنى اصح (مايجيهم احد ويبي يحركون سوقهم؟

هذه النقطه لا تتركيها على الهامش - بمعنى أسعارك نفس أسعار الأخرى فقط بداية الأفتتاح أطبعي كروت كهديه لزبوناتك بمناسبة الأفتتاح يحصلن فيه على خصم خاص بهذه المناسبه،،
لأن الناس مايهمها كثير السعر بقدر مايهمها العمل النظيف،،

مجرد مداخله لا أكثر،،،،، الله يوفقك يارب[/align]

[حاااالمه]

اهلا وسهلا
\اتمنى يعجبونك

















وشكرا

ادعيلى

[shahd2007]

مرحبا اختي ليون ...

اقتباس: 1- ايهم احسن يكونون العاملات فلبينيات او مغربيات او تونسيات (يعنى انتن لرحتن للصالون ايش تفضلن بغض النظر عن زين شغله )

فيه ناس تحب الفلبينيات وفيه احد يفضل المغربيات .. فأنت جيبي من الجنسيتيين .. عشان يكون عاملات فلبينيات وعاملات مغربيات

اقتباس: 2-وين تفضلين تسوين تنظيف البشرة بالصالونات ولا بالمستوصفات؟؟ (علشان اقدر حجم الرغبه للتنظيف البشرة بالصالونات)

عن نفسي مابعد جربت التنظيف للبشره بس لو ابسوي اروح لمركز متخصص <<مستوصف

اقتباس: 3- الحمام المغربى ايهم احسن يكون بنفس الصالون او تطلع العاملة لبيت الزبونه؟

اكيد بالبيت احسن ...

اقتباس: 4-المكياج يهمك يكون ماركه ولا اهم شي يصير حلوو

كريم الاساس والكحل والماسكر .. ضروري ماركه .. وغيره عادي موب لازم .. لانه شغل مؤقت حق ساعتيين بالكثير ..

اقتباس: 5-سعة المكان مهمة عندك ولا اهم شي شغل الصالون

احب المكان الوسيع النفه .. النظيف اللي ريحه المطهرات تقابلك عند الباب ...

اقتباس: 6-تحبين يكون فيه مبيعات وكوفى او مايعنيك اهم شي تسوين شغلك

يمكن المشروبات البارده والماء ضروري .. وغيره على حسب الزباين اذا كان في وقت الصيفيه او نهايه رمضان احط شاي وكوفي .. لان الناس تقعد كثير بالمشغل

الله يوفقك بصالونك الجديد عاد سوي لي تخفيض اذا جيت للقصيم ..

[بنت أهلي]

أختي أتمنى لك التوفيق في مشروعك القادم

الأخوات ما قصروا كفوا,ووفوا,لكن بقى الموقع إنتبهي لا تصفينه

بشارع المشاغل!!!!!!!!!!!!!!!!!!!!!ترى ملينا من التردد

للصفراء<<<خوذي أجر أهل الشمال(النهضةأوالريان)

بالتوفيق أختي,,,,,,,,,

[ليون]

يا هلا وغلا ب eivl girl
ان شالله بحاول قد ما اقدر اسوى اسعار ترضى الزباين
واتشرف بحضورك عندى بالصالون

[الورده النديّه]

الله يوفقك حبيبتي
ولا تنسين انه التجاره شطاره
ويبغى لها وحده شخصيتها قويه ولا تداري العقارب قصدي الاقارب عشان مايخسر 0
من واقع تجربه شخصيه اختي فتح لها زوجها 3 مشاغل لكن ولا واحد نجح
لأنها طيبه مره وتجامل الكل وخاصة الاقارب
و تعرفين الناس ماينعطون وجه بالتخفيض
لين خسرت وخسر المشغل < بالعربي ماتصلح للتجاره
انتي ان شاء الله انك قدها
اسمحي لي على تطفلي ,,
دمتي بنجاح 0

[ليون]

مُجَـّردْ إنْسَان
صحيح ان السوريات معاملتهن مع الزباين حلوه مرررة ومعهن لسان ينقط عسل بس فيهن اشكاليه انه اذا بحط عماله عربيه ثانيه معهن زي المغربيات (ماراح يتطابقن) يعنى انواع الهوشات فأنا لازم اختار احدى الجنسيتين

اسعدنى رايك
ودمت بخير

[ليون]

الغاليه حاااالمه
الصور تجننننننن واتمنى يكون صالونى بهالمستوى وان شاء الله بحاول قد ما اقدر بس ودتس لصار تسذا اطق لى لوحتن وش كبره (ممنوع دخول البزران)يالله يالله
مشكلتنا هنا اننا دايم ننتقد الأماكن النسائيه مثل المشاغل انها ماتكون فخمه وحاجه متعوب عليه زى اللى نشوف بالمناطق الثانيه مثل الرياض مثلا لكن لشفنا مجتمنا لقيناه ما يسمح لنا نسوى هلأشياء
رحت لمشغل ليلة العيد فخم مررة وكانت صاحبته متكلفه عليه وحاطه ضيافه وعيديات وشكولاتات ومانعه دخول الأطفال علشان مايحوسون عليه وبدن هالحريم من دخلت الى وراه خمسه اللى متعنقطن بعباته واللى زامته ....الخ حاولت فيهم صاحبة المشغل يخلون بزارينهم بالسياره ولا يرجعون بهم زعلوو الحريم وطلعوا اخر شي ملت صاحبة المشغل واسكتت وخلت كلن يخل ببزارينه
شوووووي الا الدنيا (شعيط بعيط)مسكينه شي ماتتخيلينه من الحوسه وكاسات العصير وقراطيس الشكولاته مرميه على الأرض الى الجدران ما سلمن من الشكولاته ...
جبت حاصلى بس تخيلت نفسي مكانه
الله يعطيك العفيه ياوخيتى وماقصرتى وان شالله تشوفين صالونى بهالمستوى واحسن بحول الله وقوته

[ليون]

ياااااااهلا بــــ shahd2007

اقتباس: فيه ناس تحب الفلبينيات وفيه احد يفضل المغربيات .. فأنت جيبي من الجنسيتيين .. عشان يكون عاملات فلبينيات وعاملات مغربيات

ان شالله انه هذا اللى استقريت عليه

وماقصرتى يالغاليه على رايك
دمت بحفظ الله