|
ابغـــــــــــــي مشورتكم بـــــ صالونى
يسعد صباحكم انا جايتكم ابغى مشورتكم ان شاء الله وتسهل امرى بالأيام الجايه ابفتح صالون نسائي وابي رايكم بـــــ 1- ايهم احسن يكونون العاملات فلبينيات او مغربيات او تونسيات (يعنى انتن لرحتن للصالون ايش تفضلن بغض النظر عن زين شغله ) 2-وين تفضلين تسوين تنظيف البشرة بالصالونات ولا بالمستوصفات؟؟ (علشان اقدر حجم الرغبه للتنظيف البشرة بالصالونات) 3- الحمام المغربى ايهم احسن يكون بنفس الصالون او تطلع العاملة لبيت الزبونه؟ 4-المكياج يهمك يكون ماركه ولا اهم شي يصير حلوو 5-سعة المكان مهمة عندك ولا اهم شي شغل الصالون 6-تحبين يكون فيه مبيعات وكوفى او مايعنيك اهم شي تسوين شغلك 7-هل باعتقادك كثر التخفيضات تدل على خسارة الصالون؟؟ او بمعنى اصح (مايجيهم احد ويبي يحركون سوقهم؟ واخيرا اتمنى تساعدونى باقتراحاتكم وارائكم وايش تحبون وايش تكرهون علشان اسويه على اكمل وجه ولا تنسونى من دعوه بظهر الغيب |
صبآح الخير
والسلآم عليكم يآهو واللهـ فلهـ مآشآء اللهـ شوفي الفلبينيآت غآلبآً يكون قصهم في أنوآع القصآت يتشآبهـهـ يعني خذي لك مغربيهـ أو تونسيهـ من نآحية الحمآمآت الأفضل الروحهـ للبيت، لن حتى لو خليتيهـ بالصآلون رح يطلبونك بالبيت ونآدر ألي ترضى تسوي بالصآلون ( مآفيهـ أمآن ورآحهـ ) من نآحية الأسعآر الأفضل يكون رخيص لأن الزبونآت رح يكونون كثير وزحمهـ لو تعرفين مشغل سهير بجدهـ رح تستغربين من كثرة الحريم ليل ونهآر وبعضهم ينتظرون بالخآرج يجيهم الكبير والصغير وبكل وقت يعني مآيستخسرون فلوسهم ( وأسعآرهم القص بـ 20) من نآحية الكوفي والشغلآت هذي إذآ كآنت أسعآركم رخيصهـ فبالتأكيد رح يجون نآس كثير فالأفضل تحطي من هالشغلآت وقت الإنتظآر :) بالتوفيق لك يآرب :) |
اقتباس:
اقتباس:
اقتباس:
اقتباس:
تلعبين ببشرات الناس يعني اول واخير خلي عندك ذمه اقتباس:
اقتباس:
وتمشي بس اذا بتحطين شي راجع لك اقتباس:
هذي وجه نظري والي احسن انه المفروض بكل المشاغل يكون كذا والله يوفقك ويعينك واهم شي يكون عندك امانه والنظافه اهم شي .. سلاآم |
مراحب اختي
أولا اهم شي في المشغل الموقع ضروري جدا تحسنين اختياره . بالنسبه للعاملات لابد من المغربيات والفلبينيات مالك غنات عن الجنسيتين . أما الحمامات المغربيه ضروري واكيد تكـــــــــون في بيت الزبونه لأني ماضنيت وحده عاقله بتسويه في مشغل . المكياج اكيـــد الزبونه تفضل يكون مكياجها ماركات لكــن بصراحه بيكون مكلف لك شراء الماركات لأنه مسرع ماتخلص فاللي اللاحظه ان اغلب المشاغل ماتستخدم الا مكياج عادي مو شرط يكون ماركه وما منعها انها تكسب او تشتهر بس أنا من رايي تشترين شي من هالماركات وشي من العايديات . سعة المكان اكيد ضروريه بس تراها مب عائق لنجاح كثير نشوف مشاغل كبر الظفر وبعد النجاح تبدأ بالتوسع أهم شي يكون فيه حواجز بين العاملات لتأخذ الزبونه كافة الراحه . الكوفي شوب لابد منه لو ما يجيك منه الا الشكل . التخفيضات ضروريه تنعوش بعد أنا خابره لك عرض مره روعه شفته بأحد مشاغل الرياض وبأعتقادي يكسب ذهب وهو تسوين لك عرض توزعينه بنشرات والعرض هذا للموظفات والطالبات وهو مثلا استشوري شعرك 4 مرات شهريا بقيمة (.....) مثلا كل جمعه تجي تسوي سشوار .. عاد ما أوصيك تـــــــــرى هالحرّيم يموتون بالبهرجه حطي لك بجنب كل عامله زي الأله لتعقيم الفرش بحيث تكون قدام عين الزبونه ويكون لكل عامله مثلا خمس فرش تبدل بعد كل زبونه . وما أوصيك ومثلك ما يحتاج وصاة خلي شغلكم بحدود الشرع ونبهي العاملات بهذا الشي قص الشعر القصير قوه اللي البوي ممنوع حف الحواجب ايضا ممنوع وحده تجيب معها رموش تبغاكم تركبونها لها برضو ممنوع ومن ترك شي لله عوضه الله خيرا منه ... وبس أختي هذا اللي عندي موفقه ان شاء الله بمشروعك الجديد وأي خدمه احنا حاضرين |
لا تطرين لي المغربيات ..شوفة نفس و زقره وما هنا شغل على سنع
والتونسيات شكلهن مثلهن .. والفلبينيات ما عليهن .. انظف البشره بالمستوصفات احسن واضمن , ما حب شغل المشاغل الحمام المغربي احسن تطلع العامله للبيوت , ماظن عاقله ترضى تسوي حمام مغربي برى بيتها المكياج افضل اخذه بيتي افضل واحسن يهمني شغل الصالون اكثر من سعته .. وجود كافي ونحوه يحوي بفخامة المشغل وممكن يجذب اكثر .. التخفيضات برضوه تجذب الزبونات |
مساء صباح الخيرات اختى
ونعم الاختيار وبالتوفيق ان شاء الله انا من رئيي السوريات والمغربيات احلى بالشغل خاصه قص وصبغ لان الفلبينيه صراحتا مااثق فيها ونادر تكون وحده شاطره بصبغ او بقص اما السوريه والمغربيه تقدرين تفاهمين معها وتفهم وش نبي وانصحك اختى باختيار المكان المناسب مع الديكورا ت الموديرن لان صراحتا نفتقر للصالونات الى تفتح النفس واحس هى الى تجذب الناس عندى صور ديكورات للمشاغل حلوه كانك تبينهن قوليلى انزلهن مع الاهتمام بالنظافه اهم شئ اما المكياج خوذى الاساسيات ماركه اما الباقى خوذى رخيص من محددات وغيره واهم شئ تهتمين بالخصوصيه بين الزباين والحمام المغربي افضل شئ تطلع للزبونه والله يوفقك ويسهل امرك |
مراحب اختي فتاة نادرة
اقتباس:
الله يرزقك باللى تمنين شاكره لك |
حياك اختى شواطئ الأنتظار
اقتباس:
الله يوفقك اختى واسعدتنى ارائك يالغاليه ماقصرتى |
غاليتى فتاة المستقبل
اقتباس:
سعدت كثييييييير بمشاركتك |
الغاليه حـــــــــــــــالمة
اقتباس:
اقتباس:
شرفتين يالغلا |
اقتباس:
بس انا قد مره تحسست بشرتي وصار به حبوب عشان كذا قلت بنبهتس لا يدعون الحريمات عليتس وبالتوفيق ياارب بس لاوصيتس لا فتحتيه خبرينا وحطينا شخصيات vipهماه وسوي لنا تخفيضات ..<< عز الله خسرت:c7: امزح ترا الله يكون بعونتس |
اقتباس:
|
الله يكون بعونك
كنت صاحبة مشغل قبل ومارتحت لحد مابعته نصيحه المشغل يبي متابعه يعني تنسين ان لك بيت لحد ماياقف ويبني سمعه بالتوفيق |
شواطئ الأنتظار تستاهلين ياقلبى مهب تخفيض الا مجانا بس انتى شرفينا
|
شموووووخه تسلمين ياعمرى والله انى تشجعت من ناحية تنظيف البشره لأنهم فعلا المستوصفات يدبلون السعر مع ان بعض المشاغل توفر افضل الماركات للتنظيف
|
| الساعة الآن 03:17 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة