فضيلة الشيخ يجيز للمرأة قيادة السيارة . وأخـــــــيرا .

[دمي ولا دمعة امي]

اقتباس:  المشاركة الأصلية كتبت بواسطة هلاليه بنت نصراوي     لا انا كتبت ابد ماافي شي يعني مو قصدي انه مافي شي قصد العكس مستغرربه

بالوقت هذا لا تستغربين من اي شي بالدنيا

إلا سواقت الحريم لانه مافيه امل يسوقن

[بابا سنفور]

يعني بعد الكلية بشري لهاااااا سيااااااااره
والله ياهي صعبه
تموت بالكروسيدا
وش السواااااااات

[اميرة بكلمتي]

والله لو يسوقن الحريم

كان تلقة العيال

مسنترين بالشوارع

ولا ينامون ابد

يخافون تطلع بنت باي وقت

[أولمـي بـليز..{]

اقتباس:  المشاركة الأصلية كتبت بواسطة دمي ولا دمعة امي     بالوقت هذا لا تستغربين من اي شي بالدنيا إلا سواقت الحريم لانه مافيه امل يسوقن

الله يسمع منك ياارب

[eivl girl]

والله بهالموضوع مااتمنى إلا برمودا يرد
حبيباتي الي تتكلم هون تعرف ان صوتها ربما يصل فلا تستهينن
المواضيع هذي مافيها استهبال وتنكيت او استفزاز
الي بترد ترد صح او تتفضل
----
طبعا الشيخ انا مااعرفه بس من صورته واضح انه حريم العين
فاكيد رد على مايملي عليه قلبه ولا يعلم مايحبك حوله من مؤامرات<<ومااستنكر يكون متقولين عليه
عشنا نقاد وسنضل بلا مقود فمن شب على شيئ شاب عليه وهذا ماشبينا عليه
وسنشيب عليه بأذن الله
اللهم احفظ بلادنا من المنافقين فقد عثو فيه فساد

[بابا سنفور]

وشلون يعني يا ايفل قيرل
يعني يسذبون علينا

[دمي ولا دمعة امي]

سنفور لاتدقق يابن الحلال

[بابا سنفور]

تدقق
وش ادقق به
اقول وش بكم الغااااااااز
سذا انا طلع لي قرووووووون

[»•° عطر الليل °•«]

ميشآء الله
آجل آفتاء الشيخ تسوقون
زين مبروووكـ
الله يعينا عليكم ..!!!
ماتحملنا بعض وحنا رجآآل..!
وشلوون انتم يالحريم ؟

[نبراس القصيم]

اقتباس:  المشاركة الأصلية كتبت بواسطة مياسة     - تذكرون اول من طلعت الدشوش.. صار كافر من يشوفون قرص في سطح بيته.. ويجب مقاطعته !! * والحين اتحداك تلاقي بيت ما فيه قرص فضائي!! - تذكرون لما طلعت جوالات البلوتوث والكاميرة.. حرااااام.. ولو بنت تشتريه صار من الكبائر !! * الحين اتحداك تلاقي احد ما معها مثل هالجولاات.. حتى الاطفال والعجز! - تذكرون اول دخول النت في الجزيرة العربية.. البيت اللي فيه نت بيت فاسد ,,! و البنت اللي تدخل نت ادشر بنت.. واصيع انثى على الارض !! ومستحيل تُخطب !! * والحين اتحداك تلاقي بيت ما فيه نت..! تدري ليه ؟؟؟ لان استخداماتنا احنا غلط بغلط .. جهل بجهل ..! مغثة بمغثة !! بعطيك ابسط مثال.. والامثلة تزدحم بذاكرتي ,,! يحكي علي خالي قبل كم سنة.. لما كان ببريطانيا وجمعته طاولة ببريطاني وسعودي.. يقولي كنا نتصفح جوال البريطاني.. ويورينا مخططات هندسية.. واشياء اخرى تبع شغلنا.. ولما راح البريطاني.. قال زميله (السعودي) تعال بوريك شي بجوالي.. واثاريها فيفي عبده تهز الوسط .. !!! بالله شفت اردى من كماختنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ (انا لا تخذ العرب قدوة.. معاذ الله,, لكني ابحث عن العقل الضائع) !

والله صدقت مياسة

كل جديد نستخدمة في الغلط وتعالي شوفي الجوالات

مليئه بالمناظر المزرية والمقاطع المخزية

والصراحة أنا أويدك على كل كلمة قلتيها

وأحياناً تأتي لحظات تمنين ان تمسك مقود سيارة


لك كل مودتي مياسة


نبراس

[أبو الريش]

سوقن بس لاتجيبن العيد

الحين بالبيت ماتعرفن تدبرن اموركن وشلون لاسقتن عاد

طبل مابكن نفع خخخخ

[engel]

انا مع رغبتي الجامحه في السواقه وإمكانياتي اللامحدوده التي تخولني اشتري أجمل وأفخم سياره لو كتب ربي سواقه لكن من أقوى المعارضين
لأن أول من بيفرح أخواني إذا سقنا وراح يلقون بي في اليم وأنا مطلقه وعلى أسوأ الأحوال أصنف من المحتاجين والمطالبين بالسواقه ومن أجلي دافعوا وطالبوا ، والآن لو أأشر ودوني أهلي للمريخ أجل إذا سقت راح أروح آخذ بخار لوحدي آخر الليل لما تزيد الذبحه الصدريه وإذا جيت أراجع لبنتي أنا راح أسوق وأجلسها بجانبي تبكي ولا أحد يرد
وإذا احتجت أغراض لعزيمه في الظهريه أروح أتمخطر بين البنقال اللي بالسوبر ماركت ، وإذا جت مراجعات أبوي اللي ينضرب بها مشوار 250 كيلو في الظهريه راح أطلع من الدوام وأضرب لي هالمشوار مثل ما يسوي أخوي يطلع من الدوام 2 ظهرا وع طول لمستشفى السرطانات بعد ضربة شمس وخط
من يقول أن المرأه بتسوق رفاهيه
إذا ساقت بتسوق حااااااااااااااجة وذل ودليل ع تفكك الأسره أو مقطوعه من شجره
مثل ما بتسوقين بتروحين لزواج أو ملاهي أو زميلتك أصلا لن تجدي وقت بتسوقين تبحثين عن وايت مويه إذا قضى الخزان ولا للبلديه تطلبين وايت شفط مجاري أو للاسعاف بنتك فيها حراره واستفراغ وماانتي لاقيه أحد
أو للصيدليه في انصاف الليالي تجيبين فانتولين لجهاز البخار
أو صبحيه تبدلين قميص النوم بأي خلقه ومن ثم تتسحبين تدورين عبايتك وتنزلين وأنتي كل الليل ما نمتي من المولود اللي عمره أربع شهور فيه مغص ويصيح ، وتروحي توزعين عيالك الابتدائي بنت وولد كل واحد مدرسه والمتوسطه بنت والثانوي بنت ، والروضه، ومن ثم ماتلحقي ترجعي تنامي ألا وجرس الساعه يرن طلعت بنت الروضه وانضربي عند باب مدرسة الابتدائي بقي ربع ساعه ع طلعتهم ، ومافيه وقت ترجعي بهم للبيت انضربي عند باب المتوسطه والثانوي إلى وحده وانتي طالعه من 11 ونصف ومن ثم انطقي عند هالاشارات ونظرات وشمس ومري البقاله خذي لبن وخضار وحليب للطفل من الصيدليه والجوال يرن زوجك بيضرب أمبيره تأخرتوا ع الغداء وارجعي البيت مطرسي الغداء وكلوه مااستوى ولا جيبوا من المطعم ولا تغصبوا حواق الخدامه
وبيتفرغ زوجك يتنعم يدور له زوجه غير هاللي طول وقتها طردي امرأه في ثوب رجل يبي وحده يدخل البيت مايلقى شعرها معرق ونفسيتها عفن ومحتاجه ترتاح
يريد وحده تنسيه الدنيا إذا دخل
ومتعطره ومتكشخه
مو وحده متجهزه بالشكاوي والبكاوي
ولا يغرونك المجتمع اللي يسوق زميلتي خليجيه تتبهذل وهي رايحه للدوام 5تماما وعندها رضيع
وزوجها شغال سفرات وطلعات مستغني عنها بغيرها ما قدرت تكسبه ولا تستقر محملها البيت كله وهالطفل المقرود اللي يداوم معها من 5 ويطلع وحده ، وإذا وصلت البيت بعد ضربة الخط نصف ساعه وهالطفل بجانبها يموت بكاء على مقعده إلى أن تصل البيت عمره سنتين وجسمه جسم سنه
المجمل : من تريد أن تكون قوامه ع نفسها تسق ومن تسق مليون بالميه هذي ألقوها أهلها للكلاب أو لاتعني شيء لهم حيت ماتت يكون تخفيف ورحمه .
الله يخلف ع الزميلات نسوق و محتاجين نتكشخ لهم ولا نروح الكوفيره بسياراتنا لاجل نحضر عرسهم ، ولا دوامتنا اللي نصحى ومعانا شنطه كبر البعير هاده حيلنا ونتركها بجانبنا ونسوق أو نطلع ظهريه بعد عناء الدوام مانقوى نلبس حتى عبينا وتريدونا بعد نسوق ..
أبدا ارجوكم الله يقطع لسان كل مطالب فالبنت عندها شبكة من السواويق أبوها أخوها عمانها خوالها أولاد أختها وأخوها وأن ضاقت سواق خاص أو عام مع زوجته

[سموه بديني]

اختي مياسه
انا كنت اتكلم عن رايي وإلا فالكل له وجهة نظر
واذا تمنيت الموت ما أكون مثل النعام اللي يدس راسه بالتراب
هذي فتنه عظيمه وفيما معنا حديث الرسول صلوات الله عليه ورضوانه
متحدثا عن اشر امته من يلحق على فتن اخر الزمان فيما معنى الحديث

اللهم يارحمن يارحيم برحمتك استغيث امتنا غير مفتونين بغير طاعتك
اللهم امين
امين
امين

[المطنون]

اقتباس:  المشاركة الأصلية كتبت بواسطة دمي ولا دمعة امي     ولله من واحد واحد تبي تشوفونه واقفن يساع الحريم وبعدين اذا ساقت الحريم وش فيها

ياأخي انت تتكلم من جد !
اذا انت تتكلم من جد والله انك ماتستحي على نفسك ولافيك عرق من المرجله .
وهل انت ترضي على اهلك تسوق ويجي عسكري ويستلكع عليها ؟
انا اشك في مذهبك .
انت من اي المذاهب بالله عليك .
واذا انت ترضي على اهلك فانا ماأرضاء علي بنات المسلمين .
اخي المحترم اذا انت من هالجنس فاحنا في بلد مسلم وعنده عاداتها تقاليدها ولااسمح لي اي انسان يتكلم مثل كلامك .

[كفاني عذاب]

اقتباس: مياسة - تذكرون اول من طلعت الدشوش.. صار كافر من يشوفون قرص في سطح بيته.. ويجب مقاطعته !! * والحين اتحداك تلاقي بيت ما فيه قرص فضائي!!

انا هنا اقف ضدك فاذا انتم عندكم دشوش واللي يقربون لك .
فانا واهلي واللي يقربون ليس عندنا هاذا الاشياء ولله الحمد .

لاتشوفين الناس بعين طبعك .
واذا انت تتكلمين اتكلمي عن نفسك !

اقتباس: - تذكرون لما طلعت جوالات البلوتوث والكاميرة.. حرااااام.. ولو بنت تشتريه صار من الكبائر !! * الحين اتحداك تلاقي احد ما معها مثل هالجولاات.. حتى الاطفال والعجز!

اخت مياسه لاتحرمين ولاتحللين اي شي من عندك !
اذا عندك الفتوى فياليت تجيبينه هنا ؟
واعتقد ان المشايخه قالو اللي يستخدمه لعرض محرم فهاذا حرام .

اقتباس: - تذكرون اول دخول النت في الجزيرة العربية.. البيت اللي فيه نت بيت فاسد ,,! و البنت اللي تدخل نت ادشر بنت.. واصيع انثى على الارض !! ومستحيل تُخطب !! * والحين اتحداك تلاقي بيت ما فيه نت..!

رجاء خاص ياأخت مياسه انتي تكلمي عن نفسك واذا انتي تستخدميه لغرض محرم فالبعض من الناس الثانيه تستخدمه لغرض مباح !
ورجاء خاص اخت مياسه انتي تكلمي عن نفسك ولاتعمين الناس !

واذا هذه الاشياء عندك انتي واهلك تراء مهب كل الناس مثلكم .

اقتباس: تدري ليه ؟؟؟ لان استخداماتنا احنا غلط بغلط .. جهل بجهل ..! مغثة بمغثة !!

لا !
انتي اللي ممكن استخدمتيه غلط بغلط
وهنا بعض البنات استخدمت هذه الاشياء غلط بغلط !
(( مثل العنز اللي طاحت بعبس ))

تقل اول مره تشوف الشي واخر مره !

اقتباس: بعطيك ابسط مثال.. والامثلة تزدحم بذاكرتي ,,! يحكي علي خالي قبل كم سنة.. لما كان ببريطانيا وجمعته طاولة ببريطاني وسعودي.. يقولي كنا نتصفح جوال البريطاني.. ويورينا مخططات هندسية.. واشياء اخرى تبع شغلنا.. ولما راح البريطاني.. قال زميله (السعودي) تعال بوريك شي بجوالي.. واثاريها فيفي عبده تهز الوسط .. !!! بالله شفت اردى من كماختنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ (انا لا تخذ العرب قدوة.. معاذ الله,, لكني ابحث عن العقل الضائع) !

هاذا من غبي خالك اللي هاذا اخوياه

اقتباس: يا اخي كفاني عذاب لا تستغرب مني هالكلام.. إيه نعم أنا غيورة على نفسي ! وابوي واخوي وزوجي بعد غيورين عليّ ,,

طيب اجل لاتقولين ابي اسوق قبل الموت !

اقتباس: والله اشد واشد واشد منا ومنك غيرة على محارمه.. لكن لا هكذا تورد الابل .. ولا هكذا تؤكل الكتف ,,

الحمدلله كي اتمنى ان المسليمن كذا .

والكل يغار على اهله والمسلمين .

اقتباس: كل شي بلا حدود ولا قيود.. اصبح استخدامه سيء.. حتى النوم والاكل والشرب له ميزان بالشريعة الاسلامية كل شي له شروط مستمدة من ديننا السمح فهو ناجح.. كعقود الزواج.. البيع والشراء.. وغيرها فلا شك ان قيادة المرأة سيكون لها ميزان وشروط مأخوذة من الاسلام لا من العشوائية وإلا ---> لكانت وبال على المجتمع !!

طيب اخت مياسه اذا كان الشيخ اللي ذهب الي الكويت ويقول له لاتقاطعون الدنمارك الا بأمر من ولاه الامر !
وانتي وش رايك في كلام الشيخ هذا .

انا اتبع الشيخ اللي كلامه صحيح ومنطقي وفي عين العقل !

اقتباس: هذه وجه نظري.. والمشايخ ابخص مني ومنكم

مهب كل المشايخه اللي يصلحك .
اجل لو يقولك صلي شمال تصلين .

اقتباس: اقول قولي هذا,, واستغفرالله لي ولكم ولفيصل ,, عذراً طولت.. يا شين الحماس

ياليت انتي تفهمين الكلام ولامهب اي شيخ انتي تسمعين كلامه
والشي في العقل .

لكي تحياتي