شعـب مهووس يصنـع الأزمــات لنفسه بنفســه!!

[عاشق ديرتي بريده]

فعلا اخوي راشد مهووس
مره سالت امام مسجد وقلت ليش ماتنصحون الناس اللي مسويه زحمه وكن الضاعه تبي تخلص تدري وش ... انا بنصحهم انهم يرحون يشترون كل شي عشان يتفرغون للعباده برمضان !!

الحمدلله اللي عافاني من الهووس !!!

مهووس ايهم هذا سلطان والا احمد ههههه

[راشد الصليحان]

اقتباس: المشاركة الأصلية بواسطة الذاهبة بس يستاهل .. من قال له يرتبط بوحدة جاهلة ؟! والمشكلة عاد إذا كان جهل + غباء حرمة .. ياااااااااااع !!

وش فيك انتي يالذاهبة حاقدة على حريمنا ؟؟ اجل تقولين عنهن جاهلات ؟؟ بصراحة مالقيتي واحدة توقفك عند حدك
وينكم الذاهبة تستهر وتقول ماغير يملن بطونهن ...!!

الرجل اللي يطيع مثلهن قلعته حقه وماجاه ...!!

[راشد الصليحان]

اقتباس:  المشاركة الأصلية كتبت بواسطة فراشة نجد     راشد الصليحان ؛؛ حياك الله اخوي ؛؛ لاننا بكل بساطة شعب يفتقر للتنظيم والتنسيق وترتيب حياته ؛؛ ولاتنسى بعد ياراشد العشر الاواخر من رمضان ان الله احينا ؛؛ رعاكـ ربي ؛؛

اهلا فراشة ..
صدقتي وربي الله يكون بالعون موسم الطاعات والخيرات يتحول إلى مواسم للتسابق
بأشهى المأكولات ...!

شكرا لك فرووووشة ...

[عاشق ديرتي بريده]

راشد قعدت افكر بهرجك ورجعت ارد !!!
الحين اذا مانهوسو الناس وشلون يكسبون التجار !!!!!!!!
خلهم ينهوسون عشان التجار ينهبون !!!

بدون هووس لايوجد نهب !!!!!!

[راشد الصليحان]

اقتباس:  المشاركة الأصلية كتبت بواسطة شمس الرياض     راشد مرحبا لا تلومهم شعب نظامه كده >>>> متعوووده دايما تدري وش المشكله ان كل واحد منهم يقول ان اشالله السنه الجايه راح اتفادى اهالزحمة بس ماعندك احد ابو طبيع مايغير طبعه

اهلا بحضورك ..وبعودتك بالسلامة


صدقتي من فيه طبيع مايخليه ..كل مايشوفون زحمة كلهم يركضون لها ..وكأن فيه توزيع مجاني ...!
لعنبوا ابليسكم أردكدوا وتشوفون وشلون يخفضون لكم الأسعار ...!

شكرا شمس الرياض لحضورك هنا

[راشد الصليحان]

اقتباس:  المشاركة الأصلية كتبت بواسطة الذاهـبـة     طيب افرضوا جاء رمضان .. وحنا ماشرينا قواطي شوربة .. و فيمتو أممممممممم تتوقعون صيامنا باطل أول يوم ؟!

اكيد ماله طعم الصيام ...عند هؤلا السذج ..!!

شكرا لك ياذاهبة

[راشد الصليحان]

اقتباس:  المشاركة الأصلية كتبت بواسطة خالد القحطاني     كلام يستحق النشر أخي العزيز راشد .. سلمت أناملك الغيوره على منابر الفضائل. لن أعلق .. فإن حضر الماء بطل التيمم ..

هلابك اخي الغالي جدا جدا. ....خـــالد القحطاني
يارجل خجلتني ...كلماتك وساااام اعتزبه

شكرا لأنفاسك الطيبة

[عبدالله30]

صدقت أخي راشد0

قبل أيام مررت بالمخازن الكبرى ولم اصدق ما رأيت!

الأغلبية لايتحركون الا في الوقت الضائع خاصة في المواسم 0

مصيبتنا ياراشد أننا نحب أن نجتمع سويا في مكان واحد وفي وقت محدد!

تحياتي لك0

[هذيان قلم]

[align=center]\
/
\

" راشد "
الشعب العربي شعب "فوضوي" يلهث خلف كل شي " بنهم"
لا يجيد التدبير ولا الترتيب .. ترى الزوج والزوجه .. يحرثون ازقه المحلات دون وعي ولا ادراك لما يريدون " اي شي يعجبهم يلتقطونه دون تفكير "
العقل العربي يحتاج "فورمات " [/align]

[مسهرهم]

نفتقد كثيرا ثقافة التسوق نتسوق احيانا وكأننا في حالة حرب والله يرحم حال تالي الشهر ؟؟!!

[عبدالله بن سلمان]

الاخ راشد اعجابي بموضوعك الذى يستحق القرآة
تعتبر ثقافة التسوق موجودة فى كل مكان الا ان ثقافتنا فى التسوق ردئية جدا لدرجة انك تستطيع القول حينما تشاهد الزحام والفوضى هل نحن مقبلون على كساد اقتصادى او كارثة
اخى راشد مفهوم التسوق الغذائي او الكمالي هو بالاساس اسلوب وجدوى واحتياج الا اننا نسير فى الزحام وكأن الصورة فى توزيع المنح الاغاثية فى البلدان المنكوبة
اخى راشد مادام هذا الشعب يستهلك الاكياس والكراتين ولا يتعامل مع المقدار فأتوقع للامام يابلادى ومزيدا من الفوضى
عبدالله سلمان

[عجوز سمنسي]

[align=center]

اقتباس:  المشاركة الأصلية كتبت بواسطة ابوخالد382     هالوقت الدركسون بيد السيندريللا الجميلة,,لكن منول يوم الرسن بيد أبوعلي وأبوناصر والأمور ماشية عال العال...تصدق إن هالحريم ماغير تضف بالعربيات وتعبر وتدبر وهالدبشة الصقعى يمشي مدهدر رأسه ماغير يحاسب ويفتح باب السيارة للسيندريللا علشان تركب....أقول:نعيب أسواقنا والعيب فينا...ومالإسواقنا من عيب سوانا...شكرا راشد .

هههههههههههه

ابو خالد يعني الا تبي تجيبنا للسوالف هذي ونطيح حنا والحريم هواش؟
لكن يسلم بؤك يارااااااااااقل

وربي ان الرخمة اللي يدهدر راسة ورا ام الصفطات انه رخمة وضايع مع ان بعض الحريم لها دبرة بالتصريف والشراء لكن الاغلب فيهن لعانة مثل ماقالت ام الجميع الذاهبة


راشد الصليحان : هلا بك ياقلبي وياحبي لك

ماسمعت اخر نكتة تداولها الجميع ؟
خذها جتني بلوتوث من واحد عند اشارة المحاكم يحسبني ابروح لبندة

-1 عجينه سنبوسه وجه و وجه
2 -ألوان زيت دوار الشمس
-3 قلم رصاص مقرمش
4 -مكرونه روكو طويله مسطره
5 -دفاتر سلك قودي 60 ورقه
6 - توت صف ثاني ابتدائي
7 - كراسه رسم ما تشرب الزيت
(محشش مضيع بين مقاضي رمضان ومقاضي المدرسة)
بلغنا الله واياكم رمضان

تحياتي لك ولمواضيع الرائعة ياسيدي[/align]

[راشد الصليحان]

اقتباس:  المشاركة الأصلية كتبت بواسطة عاشق ديرتي بريده     فعلا اخوي راشد مهووس مره سالت امام مسجد وقلت ليش ماتنصحون الناس اللي مسويه زحمه وكن الضاعه تبي تخلص تدري وش ... انا بنصحهم انهم يرحون يشترون كل شي عشان يتفرغون للعباده برمضان !! الحمدلله اللي عافاني من الهووس !!! مهووس ايهم هذا سلطان والا احمد ههههه

اخي عاشق ..فيه واحد منكم متخرم ..! يا انت يا الإمام اللي انت كلمته
هالحين الشراء الفوضوي يساعد على التفرغ للعبادة ؟؟

خخخخخخخخخخخ

اقول ياعاشق اهل العقول براحة ...

شكرا لك

[قرناس]

0
0
0
باختصار
من المعلوم ان الغالبية يحترون الناقوط ( المعاش )
عشان تسد حاجاتها الضروريه
والناقوط معروف مايصب الا آخر الشهر .
بس عندي سؤال محيرني
وشي ثقافة التسوق ممكن احد يشرحها لي لو تكرمتم ....؟؟؟؟؟؟

[عجوز سمنسي]

[align=center]

اقتباس:  المشاركة الأصلية كتبت بواسطة قرناس     بس عندي سؤال محيرني وشي ثقافة التسوق ممكن احد يشرحها لي لو تكرمتم ....؟؟؟؟؟؟

ثقافة التسوق ياقرناسوه هي ان يعي الشخص او المتسوق الضروريات المهمة وحاجاته الملحة وان يعي ان هناك من يريد ان يبتز ماله باي وسيلة او اغراء سواء عن طريق الدعايات او التخفيضات المزورة
يقومون بتخفيضات على سلعة معينه ويرفعون سلع اخرى لعلمهم انك لن تخرج من السوق الا وانت قد خصصت المبلغ الذي في جيبك لهم

فهل وعيت ثقافة التسوق؟[/align]