|
شعـب مهووس يصنـع الأزمــات لنفسه بنفســه!!
نحن شعب مهوووس مصاب بالهلع
نحن شعب لانجيد سوى إفتعال مواسم الأزمات ! شعب إستهلاكي ســاذج ..! لاحظوا كيف تزدحم الأسواق في وقت واحد في كل مناسبة ثقافة التسوق الجماعية وبصورة شرهة جعلتنا مائدة مستساغة لكل من يرغب في إستغلالنا بكل شيء لفت إنتباهي اللهث والركض خلف السلع الإستهلاكية الرمضانية منذ الآن خوفاَ من إرتفاع الأسعار في الشهر الفضيل ...هذا التسوق المحموم ساهم بإرتفاع الأسعر منذ الآن ...!! وما ان يخرج المتبضع من سوق السلع الإستهلاكية تجده يلهث نحو المكتبات لشراء الأدوات المدرسية ...! كل شيء زحمة في زحمة ...وكأن كل شيء مجاني ..يتم توزيعه ببلاش ! إلى متى ثقافتنا محصورة بالخوف والهلع ..من كل شيء ؟؟؟ |
لأن أول ما تعلمناه بالحياة :
( جاك الذيب جاك وليده ) .. و بقي معنا .. و سيبقى .. حيث أنه مصدر و أساس تربيتنا .. بالمناسبة .. أنا طايحة بالتسوق الإلكتروني .. تخبر البدو إذا طاحوا بشيء .. هه !! أقلقت أرامكس .. و ما عمدت إلى ذلك : إلا عشان أسهم في تخفيف الزحمة .. و تفريغ حيز يكفي لشخص واحد .. |
هالوقت الدركسون بيد السيندريللا الجميلة:ash:,,لكن منول يوم الرسن بيد أبوعلي وأبوناصر والأمور ماشية عال العال...تصدق إن هالحريم ماغير تضف بالعربيات وتعبر وتدبر وهالدبشة الصقعى يمشي مدهدر رأسه ماغير يحاسب ويفتح باب السيارة للسيندريللا علشان تركب....أقول:نعيب أسواقنا والعيب فينا...ومالإسواقنا من عيب سوانا...شكرا راشد .
|
اقتباس:
جاك الذيب جاك وليده ...!! سياسة الترهيب ..مخلوطة بالبحامة ...وعلى قولتهم خذ احتياطك قبل الناس ! وصار حالنا (عنز وطاحت بعبس ..) خخخخخخخخخخخ على قولتك تخبر البدو إذا طاحو بشي ..! كثير ماسمعت يالذاهبــة قولتهم معرفة بدوي ..! لكن الحين اقول هوس بريداوي الدعوى صارت (أنهابة ) ...! شكرا لك .... |
الزمن تغييًير ..!! والنــــــاس أكيد راح تتغييًر ،، |
هذه ظاهره اجتماعيه تعودنا عليها ولا نستطيع حلها
فهذه السنه اجتمع موسمين 1 شهر رمضان المبارك 2 بداية العام الدراسي فتجد جميع المحلات مزدحمة حتى المحلات التي ليس لها دخل تجدها مزدحمه لاني مرة شفت محل للدراجات والالعاب وكأنه يبيع سمبوسه من الزحمه!!! هههه اللهم لك الحمد والشكر |
^^
صدقت .. بعض الحريم ما عندها دبرة .. نسأل الله العافية و السلامة .. :) بس يستاهل .. من قال له يرتبط بوحدة جاهلة ؟! والمشكلة عاد إذا كان جهل + غباء حرمة .. ياااااااااااع !! أذكر وحدة كانت اسبوعياً تنزل السوق و تتقضى للمطبخ .. (( يعني بس أكل أكل أكل في هالبطن )) حتى أن عائلتها كانت صغيرة جداً ( 3 أفراد فقط ) كانت الله يذكرها بالخير .. تشتري و تتعمد تصرف على الأكل .. أكثر من اللازم حتى لو كان نص اللي بالثلاجة خربان و فاسد .. لأن ماحد ياكله !! بس لازم تمشي على سياستها اللي تقول : (( نتف ريش طيرك قبل يالف على غيرك )) .. يعني خايفة يجمع قروش .. ثم يعرس عليها .. :( :( :( طيب مو أول خليه يبني بيت مسكين أكلته الآجارات .. ! طيب اشتري لك انتي شي عليه القيمة .. ذهب - ساعات - مجوهرات .. يا عزتي له مسكين ..بس إن شاء الله يصكها بمره يأدبها تأديب .. * معليش انا آسفة .. أحس اني بمجلس حريم على هالخذاريف * |
راشد الصليحان ؛؛
حياك الله اخوي ؛؛ لاننا بكل بساطة شعب يفتقر للتنظيم والتنسيق وترتيب حياته ؛؛ ولاتنسى بعد ياراشد العشر الاواخر من رمضان ان الله احينا :) ؛؛ رعاكـ ربي ؛؛ |
اقتباس:
الشفاحة بالرجال والحريم ...تقل يلعبون بالوقت بدل الضايع ..! شيل وحط بهالعربيات وملاحق التخفيضات بين العثيم وجيان ...! اللهم لكل الحمد والشكر ..!! تصدق يابوخالد ..؟ هذا الوضع يذكرني بأزمة الكويت يوم الناس يخزنون السكر والرز والكشافات ..والسرج ..! اتعجب على حالنا ..وين التوكل على الله ؟؟؟ شكرا ابوخالد |
راشد مرحبا
لا تلومهم شعب نظامه كده >>>> متعوووده دايما تدري وش المشكله ان كل واحد منهم يقول ان اشالله السنه الجايه راح اتفادى اهالزحمة بس ماعندك احد ابو طبيع مايغير طبعه |
طيب افرضوا جاء رمضان ..
وحنا ماشرينا قواطي شوربة .. و فيمتو أممممممممم تتوقعون صيامنا باطل أول يوم ؟! |
اقتباس:
|
اقتباس:
الزمن تغير والناس ماتتغير طبايعهم ...!! تأكد من هالشيء ...شكرا لحضورك |
اقتباس:
ولاتنسى موسم عاصمة التمور ..!!! والله ماغير حظ ابوخلق الباكستاني والأفغاني ...اللي يجي للمزارع ويشتري التمر بمليون او بنصف مليون ...ويكسب من وراه 3 مليون ...والمواطن مساك قش ...! وحنا فرحانين (بعاصمة التمور ) شكرا لك |
اقتباس:
كلام يستحق النشر أخي العزيز راشد .. سلمت أناملك الغيوره على منابر الفضائل. لن أعلق .. فإن حضر الماء بطل التيمم .. |
| الساعة الآن 04:54 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة