حقيقة عن الصورة الشهيرة كيكة التقاعد ( طفوا اللمبات لا يسرفن )

[حمود النغيمشي]

السلام عليكم ورحمة الله وبركاته
شخباركم ..؟!!

سبحان الله أحيانا تصور شي ولا تتوقع ولا 1% إنه ينتشر .. خصوصا إذا كان شي عائلي!!

بالنسبة للصورة فهي من تصويري وهي عبارة عن 3 صور وكنت حاط توقيعي على كل صورة منهن ..
لكن يوم جيت ارفع الصور للإنستقرام قلت أبدمجهن بصورة وحدة .. فيوم دمجتهن توقيعي ما طلع منه إلا طرف في ( الصورة الي الوالد يضحك وهو فاتح الكيكة ) وكنت حاطه أيضا على الكيكة نفسها لكن شبه مخفي ويمكن ملاحظته في الأسفل يمين ..

الصورة أخذت من انستقرامي ( متابعيني اكثر من 7600 متابع ) ونشرت في تويتر
إنتشرت الصورة لكن بدون ما تسجل بإسمي. واكبر انتشار صار بعد ما نشرها هاشتاق السعودية ( أكثر من 770 ألف متابع بتويتر )


بالنسبة للحفلة كانت حفلة تقاعد للوالد سويناها يوم الجمعة الي فات وكان كل واحد من اخوتي متكفل بشي .. والكيكة تكفل فيها اخوي احمد وصدقوا الناس بقولتهم عنه ( ملكع ) ههههه راعي مقالب وكذا


وهنا الصورة كما انتشرت



وهنا الصور قبل الدمج في الصورة




عند فتح الوالد للغلاف


وهنا بعد ما جاء اخوي ( تأخر ) ومازحه أبوي بالعقال الله يحفظه ويخليه لنا


والحمد لله متابعيني بالإنستقرام ما قصروا .. وصيتهم يخبرون الناس انها بأسمي .. فما وقف تويتري ذاك اليوم من كثرة المنشن لي بسبب كثرة ردوهم على الناس وذكر اسمي..

هذا الي عندي من توضيح
هذا وصلى الله وسلم على نبينا محمد


حمود النغيمشي

[عبدالملك الوشمي]

ههههههههههههههه
الصرااحه هدية جميلة ومتواضعه ,,
لاكن جبتها في الجبهه بالصميم >> طفوا اللمبات لايسرفن ^.*

[شرق الديار]

موقف طريف وياليت ذكرت انه من بلدة الربيعية
على الأقل تشتهر الربيعية ولو بالتويتر

[المجمعة ديرتي]

ابداع وتميز حتي النخاع الصوره لقيت قبول كبير

الله يخلي لكم الوالد ويديم عليكم الاجتماع والاحتفالات

وعقبال الاحتفال بزواج احمد

[المنغره]

-





يمكن خيره خلتك تشتهر اكثر هه

ماشاء الله مامدانا نشوفه بحسابك الا منتشره..

الله يخليلكم الوالد ويديم افراحكم
~

[احمدابودانه]

إبداع بس ياليت
كانت شي تفرح إشوي ياعني كيكه تكون له صوره في عمر الشباب أو غيره
وهديه تكون حلوووه مثل مشلح او اشياء تكون مقدار الوالد لكن حلووووه طفو اللمبات هههههههههههههه الله يخليه لكم يارب برو بوالديكم يبرون فيكم ابنائكم تحياااااااتي

[Ṥ Қ ў]

ههههههههههههههههاي

مزحهه جمييييله ْْ

الله يخليه لكم ويحفظه ويعطيه الصحه والعافيه

وطولة العمر يـآرب ْْ


يمـآل الف عـآفيه ْ

[حمود النغيمشي]

هههههههههههههه هذي حركة مقصودة لخلق جو المرح في الحفلة

والا ترى كان فيه هدايا كثيرة


نورتوا

[abonaif]

ماشاء الله
الله يخلية لكم و يجعلكم بارين بوالديكم

[بندر الحمر]

تقاعد لا ينسى
شكرا لك لتوضيحك وسلملي ع احمد ومقالبه هههه
الله يحفظ ابيكم