كروت مبعثرة !!

[ابو عراده]

اقتباس:  المشاركة الأصلية كتبت بواسطة قـتـالـه     وبسم الله ورقتي الثانيه : النساء (السحآ) مدري .. اصابتني قعشريرة ورهبه قاعده اتكلم بلسانهن ان رفعتها بالشارب وان طمنتها باللحيه عواجه لها يدين ورجلين وجذع بس روعتها بعواجتها .. الحرمه العدله ممله وكئيبه وهي اللي رجلها يعرس عليها < توحش السحآ خلقنا الله مايلات ولنا مليون رأي وبنفسيات متقلبه تدرون ليه ؟ لان الرجل ملول ومايشبع ويبي هكآ تجين يالسحآة تسوين فيها مطيعه ويصير دورك بالحياة تصلين وتقرين الكهف وتطبخين وتبخرين غرفة النوم والباقي سوقه واستراحات على بالك مطيعه الحين ميلي واعصي وتمردي اعنبوا حيتس وشوفي شلون يركض وراك هو وابو جيرانكم بعد من عجايب الحرمه انها عايشه بالمقلوب تتمرد على المجتمع وبجلسات الحريم وعند رجلها شيرازيه اقلبي الوضع ياعين امي .. اقلبيه وشوفي كيف العيشه ، اختي تقول لقعدت اتغدآ انا ورجلي ينشدن بإلحاح عن سوالف اختي العرصه هي ورجلها عاد هذيك ياكافي من قوة التمرد شاقتن بالسمآ شق اقولها ترا وده انه هو رجلها يالسباطيه انتي ورزتس اللي كله طماط :\

كلام مستهلك أوي أوي ويمثل صاحبته وعاداتها التي تربت ونشأت عليها فقط .
مجتمعنا متعدد الأعراق فمنهم القبيلي والخضيري والعبد واهل الباديه وماتعرضت له الاخت راعية الحبحب وتطرقت له يخص فئة واحده من تلك الفئات وهي فئة معروفه بعدم التقيد بالعادات والأعراف والتقاليد وتميل الى التمرد حتى على الدين .
ومن هذا المنطلق فإن ماذكرته راعية الحبحب يمثل خطها التي تنتمي إليه فقط ولكنه لايصلح لبقية الخطوط المحافظة بمجتمعنا .
هذا والله اعلم .
ملاحظة للزوجات : لاتتأثرن بهذا الكلام المتمرد والذي يمثل صاحبته فقط وقمن بما أمركن الله تجاه ازواجكن ولاتسمعن كلام المرجفات .

[قـتـالـه]

اقتباس:  المشاركة الأصلية كتبت بواسطة ابو عراده     كلام مستهلك أوي أوي ويمثل صاحبته وعاداتها التي تربت ونشأت عليها فقط . مجتمعنا متعدد الأعراق فمنهم القبيلي والخضيري والعبد واهل الباديه وماتعرضت له الاخت راعية الحبحب وتطرقت له يخص فئة واحده من تلك الفئات وهي فئة معروفه بعدم التقيد بالعادات والأعراف والتقاليد وتميل الى التمرد حتى على الدين . ومن هذا المنطلق فإن ماذكرته راعية الحبحب يمثل خطها التي تنتمي إليه فقط ولكنه لايصلح لبقية الخطوط المحافظة بمجتمعنا . هذا والله اعلم . ملاحظة للزوجات : لاتتأثرن بهذا الكلام المتمرد والذي يمثل صاحبته فقط وقمن بما أمركن الله تجاه ازواجكن ولاتسمعن كلام المرجفات .

انت صر حريمتك بصرار وماعليك من باقي السحآ
يالمقرود مو كل تمرد يقصد فيه التمرد على الدين
سبحان الله يارِجل < بلسان بدوي
مدري .. تقل عرفت منهو انت من ضعف اللباقه الكلاميه اللي يتحلى فيها فلان ههه
ترا عيب تشير لنشأة الشخص بحديثك لو هو سربوت ملحد
مو وحده مسلمه عقلها بوزن اربعة اشداء
تعودوا تمزحون وتخوضون وتلعبون بدون المساس بشخص اللي قدامكم
صعبه هذي ؟

[ابو عراده]

اقتباس:  المشاركة الأصلية كتبت بواسطة قـتـالـه     انت صر حريمتك بصرار وماعليك من باقي السحآ يالمقرود مو كل تمرد يقصد فيه التمرد على الدين سبحان الله يارِجل < بلسان بدوي مدري .. تقل عرفت منهو انت من ضعف اللباقه الكلاميه اللي يتحلى فيها فلان ههه ترا عيب تشير لنشأة الشخص بحديثك لو هو سربوت ملحد مو وحده مسلمه عقلها بوزن اربعة اشداء تعودوا تمزحون وتخوضون وتلعبون بدون المساس بشخص اللي قدامكم صعبه هذي ؟

والليييييييي رجعنا الياطير ياللي !!!!
مايحوسك غير اذا قلبتي على حكاية انا عرفتك وماعرفتك وبعدها تشين العشره على اوهام لاتستند لدليل .
الموهيييم نرجع لموضوعنا انتي تحدثتي عن حياة فئة معينة بمجتمعنا والكل يعرف كيفية حياة هذه الفئة وتخميني الشخصي من خلال تحليلك واستشهادك بإختك انكم من هالفئة اللي حريمها تركب رجاجيلها .
وزي ماقلتلك حنا بمجتمع متعدد الاعراق وماينطبق على ذولا مستحيل ينطبق على ذولاك وهكذا وهم كلهم يعيشون بمجتمع واحد .
وكلامي جاء صريح وماتوقع انك تزعلين من الصراحه وهو رايي ووجهة نظري الشخصيه .
تحملي كلامي ياراعية الحبحب .

[قـتـالـه]

اقتباس:  المشاركة الأصلية كتبت بواسطة ابو عراده     واستشهادك بإختك انكم من هالفئة اللي حريمها تركب رجاجيلها .

يخيي وشم هالفئه اللي الحرمه تركب رجلها ؟
اسم ابوهم مركوب الركباني ؟
واسم ديرتهم الركبانيه؟
والطقاقات يغنن بعرسهم كل المراكيب ركاااابه :|
ترا ماعندك سالفه .. محد يركبونه الا وهو راضي وجايزنله
بس تدري وشي الزينه ؟
لما تجيك عصيه صعبه عسره معشرها سم
ويروضها واحد نفسه طويل
يسويها بإنسانيه عاليه هذا وين نلاقيه ،
اعرف ابو بناته عسرات يدور هالنمونه
حالف لو يلاقي بنشري يعرفلهن ان يدفع الابو المهر .. لبى العساره احبها ياناس