سأعترف لكم...لقد كنت مضطهدة..!

[..روز..]

اقتباس:  المشاركة الأصلية كتبت بواسطة نملة كاشخه     اختي روز بصراحه من جد تأثرت بما كتيتيه ليس فقط لأن كتبتيه بأسلوب رائع ومحمس لا بل لأني عشت حالتك مرارن واكثر من ذلك لاتتصورين ويمكن حالتك هاذي اهون مني انا مثلك مع خواتي واخوي وكلهم اصغر مني بس لان ابوي قبل كان مدلعني بزياده ويفرق بيني وبينهم بكل شي واللحين اعاني هالشي مع ابوي وامي ابوي كنه رجل امي وامي كنها مرت ابوي وكلهم يجتمعون بوقت واحد تخيلي ولا ياليته على الكلام لأ بمد اليد قدام خواتي وقدام الناس تخيلي انتي يارووووووز وربي اخر الليل الناس ماتنام من صراخي وهواش ابوي وضربه لي وربي مايرتاح الا ليما يشوف الدم على ايدي او كتفي او بظهري ويرتاح واخاف يشوفه يزيد علي بتقولون وش مسويه له اسباب تافهه وربي يا سهرانه على النت وربي منتدى بريده وربي او سهرانه بفراشي وتعديت حدود وقت النومه او نزلت تحت اشرب ماء ولحالي والمشكله لا امتلك لاجوال ولا شي ليش مدري وامي تطبق اللي بالتلفزيون علي وراه عباتك هنا شكلك طالعه بالشارع ماندري وليش تأخرتي بالرجعه من الجامعه من جابك ؟؟؟؟؟؟؟؟ وعمانك اللي من الرضاع ليش تكلمينهم بالجوال وليش تسلمين عليهم وابوي واخوي البزقه ياقفون يشوفون وشلون اسلم عليهم وبحقد بعد افشل بصراحه ولا تروحين معهم بالسيارة يمكن ويمكن ومن صغري على هالمشووووووووووووار وشوفي اللحين عمري 23 وللحين ليما اتزوج بظل على هالحال وكرهت كل الرجال اللي بالعالم وكرهت الزواج وطاريه لو ابوي يقدم لي واحد انجنيت تخيلته رجل بشوارب وشعر كل وجهه يخرع ودب وكنه الجاحظ او عنتر واقعد اصيح لو كان واحد من عيال عمي وانا اعرف شكله بعد بس دامه ابوي اللي جايبه ارفضه وتستمــــر معـــــانـــــــــــــــاتـــــــي والحمد لله على كل شي والحمد لله على حالتك اللحين وانا سعيده انها تحولتي الى انسانه سعيده بحياتك على فكرة انا الكبيرة العوده بين خواتي واتمنى لك التوفيق والسعادة بالدارين اختك نموووووووووووله

أهلين نملة نورتي موضوعي...

ماتتصورين قد إيش تألمت وأنا أقرا كلامك...في البداية قلت أكيد إنها تمزح ، لأني بصراحة ما استوعبت الموضوع....

تصرفات أمك وأبوك غريبة خصوصا إنهم صغار يعني مانقول والله شايب معذور ومعروف بالحرارة..وإلا عجوز شكاكة...

المبرر الوحيد لتصرفاتهم هذي هو الخوف (الله يجيرك ) خايفين عليك ...صدقيني مافيه أبو أو أم يكرهون عيالهم ... تلقين أبوك وهو يضربك يتخيل إن هالضرب بيخليك أحسن الناس...

وبالنسبة لتصرفات أمك ياكثر البنات الي يشْكون أمهاتهم حتى وحدة تقول لي (الي يشوف تعامل أمي معي يقسم إني ضرتها ماني بنتها..!)

الله يخليك يا نملة لاتخلين هالأشياء تأثر عليك حاولي تكونين أقوى...صحيح إن العبرة خانقتني وأنا اكتب لك بس أبغاك تكونين أقوى...

حاولي تعرفين الأشياء الي تنرفز أهلك واتركيها حتى لو كانت تافهة....

أو أتفه من التافهة...

قدّريهم ووجبيهم عشان تفرضين إحترامك عليهم...



صدقيني أناعارفة إن تصرفهم معك ظالم ويقهر...بس فكري معي..هل أنت اخترتي أمك وأبوك..؟

ربي كتب إنك تكونين فرد بهالأسرة.....



وكم بيعيشون لك..(الله يطول بأعمارهم)..عشرين...ولا ثلاثين ولا أربعين سنة...؟

لازم تصبرين زي ما أنت الحين...

وبإذن الله كلها أيام وتفتحين لك بيت خاص ويرزقك ربي أحسن من الي تتمنين...وتجيبين أحلى بنات وأولاد وتربينهم أحسن تربية بدون تفرقة أو ضرب أو كلام فاضي....

بتنسين كل الي راح...صدقيني...

لكن أنت تدعين..؟ ادعي ربك...بكل وقت...

اسألي مجربة أول ماتصير لي مشكلة ما أتحمل أروح مكان لحالي وأدعي أدعي أدعي لين تنفرج...

والله ما أذكر إني دعيت بشي وربي ما أجابني...

كنت دايم أحسن الظن بالله ..وربي مايخيّب ظني...






أعلل النفس بالآمال أرقبها
ما أضيق العيش لولا فسحة الأمل !


ابتهجي يانمووووولة ابتهجي....فالحياة تفتح ذراعيها لك....