جاني أتصال من رقم غريب من تركيا .. (( دقة وسكر )) ..
وبما أني قلت يمكن هاللي دق من اخوياي الدااشرين في بلاد الله الواسعة ..
أتصلت على الرقم ..
ردت علي هاك البنت (( صوتها يدوخ يا شيخ قسم )) .. قلت لها (( أنت داقة علي )) .. قالت (( أيه ))
من لهجتها عرفت انها من العراق ..
المهم قلت لها وش تبين ؟
قالت لي : مبروك أنت ربحت معنا جائزة قدرها خمسين ألف دولار من شركة نوكيا !
قلت لها : وش جاب شركة نوكيا لتركيا ؟
قالت : هذا فرعها الرئيسي الثاني .
قلت طيب : انا أعرف أن الشركات العملاقة اللي مثل نوكيا تتصل على الرابح ماهوب تدق دقة وتسكر
تلعثمت وما عرفت ترد ..
عرفت أن ماعند امها سالفة .. وقلت مع السلامة ..
قالت لي : لا أصبر .. ما تبي تاخذ الجائزة ؟
قلت لها : لا خذيها أنت .. لو تبين اعطيتس انا بعد خمسين ألف دولار هدية ما عندي مانع ..
حاولت قدر الإمكان تاخذ مني رقم حسابي .. عييت أعطيها .
سكرت من عندها ..
ونسيت السالفة .. إلين ما جتني الفاتورة اللي طيرت عقلي ..
مكالمة لبلغاريا بقيمة 180 ريال بخمس دقايق !!!
وش الهبال هذا .. انا أتصلت على تركيا وش جاب بلغاريا ؟
رحت لشركة الأتصالات قالوا لي مو بس أنت الكل يشكي من هالشي ... وزين انك ما عطيتهم رقم حسابك يدخلون على النظام ويشفطون فلوسك .. وشلون ما أدري .
العرض الشجري