[align=center]
من جد اللقافه مشكله ..
* قمة اللقافه اذا كنتي قاعده تتكلمين بالتيلفون وجنبك وحده من صديقاتك ولما تسكرين التيلفون تقولك مين هذا ووش السالفه....
ياااااااااختي انتي شدخلك؟!
* قمة اللقافه اذا كنتي طالعه انتي مع صديقتك ووحده كل شوي تدق عليكم ها وين بتروحون وين بتعشون.....
ياحووووول مانبيك معانا بعد ليش اللزقه
*قمة اللقافه اذا كنتوا مسوين جو دراسي بالبيت ويتصل عليكم خالكم ويقول ترى بنتعشى اليوم عندكم مع العيال....
عز الله اخترب الجو
* قمة اللقافه اذا كنت راجع من الجامعه زهقان من الحر والزحمة وتلاقي نسيبك صافط تحت المظله حقتك..
اقلع النسب اللي هالشكل
* قمة اللقافه اذا كنتي بالحمام وانتوا بكرامه واييك واحد ويطفي عليك الليت ويمشي.......
يعني ليش ليش بالله
* قمة اللقافه اذا كنتِ شاريه شغله ومستانسه فيها وتجيك وحده ملقوفه تكسر مجاديفك تقولك يااااااه في ارخص منها عاد ، لعبوا عليك......
من طلب رايك
* قمة اللقافه اذا كنتي شاريه عطر جديد ومستانسه فيه وتجيك وحده ملقوووووفه وتقولك وييييييع ايش هذا؟! أشم ريحة مستشفى ....
يا بابا من طلب رايك
* قمة اللقافه اذا قلتي لصديقاتك مين يبي عشا ترى بنطلب ووحده تقول لالا انا شبعانه ولما يوصل العشا تتليقف وتزط ( تبلع ) البطاطس حقكم كله ....
يعني مستحيه الاخت :
* قمة النذالة اذا واحد معروف عنه ان عينه حاره وشاف عندك شي حلو ويقولك شوفي يا تعطيني اياه ولا ترى بصكك بعين....
ياحووووووووول
* قمة اللقافه اذا تعرفتوا على عايله بالسفر وكل يوم الا يبون يطلعون معاكم وكل ما شريتوا شي شروا مثلكم....
اي حلو شوي عن الناس
*قمة اللقافه اذا وحده من الاهل كل ما تشوفك تسألك ها فلانه متى التخرج وكم معدلك لين تخليك تتحسفين إنك قلتيلها إنك بالجامعه.....
بس عاد ذبحتيني بالكورس الواحد 30 مره تسأليني ، ترا والله المره الثانيه لو سألتيني بصيح
* قمة اللقافه اذا كنتي قاعده بامان الله ووحده من زميلاتك ملقوفه تاخذ تيلفونك من غير ما تستأذن تبي تشوف الصور والمسجات
(باااااااايخه هالحركه اف مااطيقها)
* قمة اللقافه اذا صار حادث بالشارع الثاني والشارع اللي انت فيه واقف مايتحرك كله عشان يشوفون شنو صاير لين يصير حادث ثاني على هالشارع يعني لين متى من جد تعصبني
* قمة اللقافه اذا توك متزوجه والاوادم كل شوي ها يافلانه مافي شي بالطريق؟ ترى الحكي كثر....
تكفوووون خلوني بحالي آنه وزوجي كيفنا لقااااااااااافه
* قمة اللقافه اذا قاعدين تبنون بيتكم والناس كل شوي ها ليلحين ما سكنتوا....
* قمة النذالة اذا كنتي ناويه تشترين فستان لمناسبه معينه وودك تكونين مميزه وقلتي الفكره لوحده من صديقاتك فراحت واشترت نفس الفستان قبلك وخربت عليك .....
امحق صديقه
* قمة اللقافه اذا تبين تقولين سالفه وتقاطعك وحده ملقوفه وتقول السالفه بدالك....
تحسين ان حالك وحال الكنبه اللي قاعده عليها واحد ::
* قمة اللقافه اذا كنتي قاعده تقرين الجريده ومنهمكه فيها وتبين تقلبين الصفحه ولا اللي يمك تقولك لحظه لحظه قاعده اقرا لا تقلبين.....
اي مو صار لها ساعه مقطوطه ماقريتها الحين صارت حلوه من جد تعصبني خخخخ
* قمة اللقافه اذا كنتي نايمه وحدها الاحلام السعيده ويجيك واحد ويحط كلينكس بخشمك او اذانك يعني يمزح معاك.....
اعتقد بتدعين عليه دعوه قويه بقلبك :
* قمة اللقافه اذا كنتي انتي ويا وحده طالبين عشا وقاعدين تاكلون وتدخل عليكم واحده وتقولولها تفضلي والاخت ماتصدق خبر وتتفضل صح.....
مجامله يا الحبييييييييبه فشيلة ليه كذا
* قمة اللقافه اذا قاعده على جهازك تكتبين بالمنتدى وتقعد وراك وحده ملقوفه وتغث عيشتك لاتكتبين كذا واكتبي كذا وععععععععععععععععععع الحركه سم الا ممموت
* قمة اللقافه اذا كنتوا قاعدين شله بمطعم الجامعه وجنبكم وحده قاعده لحالها وقاطه اذانها على سوالفكم ولا قلتوا سالفه تضحك قامت تتبسم كنها مستخفه.....
صدق قوات عين
* قمة اللقافه اذا كنتي شاريه شنطه اصليه وتيجيك وحده ملقوفه وتقولك اذا الشنطه اصليه وريني كرتها ....
انتي شعليك
* قمة اللقافه اذا عندكم عرس وتدق عليكم وحده تصير لكم من بعييييييييييييد تقول ابي بطاقات زياده .....
احمدي ربك عازمينك بعد
* قمة اللقافه اذا كل ما تشترين شي تجي وحده تقولك
من وين شاريته وتروح تشتري نفسه
* قمة اللقافه اذا دق على جوالك واحد فاضي بنص الليل ويقولك الووووووووو هذا مو تيلفون أحمد ......
أي أحمد عسى الله لا يحمد عقباك انشاءالله
* قمة اللقافه اذا كان عندكم عزيمه في بيتكم وعندكم جاره ملقوفه تقوم تتصل عليكم وتقول عسى ماشر شعندكم ، كنها ما تدري ( يعني تبي تقولك ليش ما عزمتونيييي ؟ ).......
اوووووووووووف ودي اكسر راسها
* قمة اللقافه اذا وحده تتنطط من مكان لي مكان ومن مطعم لي مطعم ومن سوق لي سوق وكل يوم مهوله بعمرها كل هذا عشان تدور لها على زوج
اي انثبري ابيتكم واستني نصيبك ليه طايره >> اقول سولارا ماذكرتك بمسج ..... خخخخخخخخخ
* قمة اللقافه لما تكون نازل بمطار بعض الدول وكل واحد يبي يشيل شنطتك من كل صوب وتقوم هوشه ويتذابحون على شناطك وانت قاعد تستنى آخرتها .....
اعتقد انك ودك ترجع بيتكم احسن لك
* قمة اللقافه اذا حطيت حالتك بالمسنجر مشغول ويتسلط عليك واحد كل شوي يسإلك :إنت شقاعد تسوي ؟؟ بايش مشغول ؟؟.....
ياخي افهم مشغووووول
*قمة اللقافه لما تكونين متفقه مع زوجك إنكم تقضون نهاية الإسبوع بفندق من باب التغيير وتتسلط عليكم إخته ( ها، وين رايحين؟ ) و ( ليش الخساير ؟ ) و(شالسبب ؟) و ( متى ترجعون ؟ ) و ( خلكم بالبيت أريح لكم ) لين يهون زوجك ويأجل الفكره ... :
ودك تقتلينها لوما إنه حرام
* قمة اللقافه اذا وحده من الاهل كل ما تشوفك تسألك ها فلانه متى الزواج
عسى قريب تخليك تتحسفين قلتيلها مخطوبه
* قمة اللقافه لما تكون شابك التلفون بانت كل شوي تجي عند راسك اختك وتقولك متى بتخلصين ياعمري طيييييييييييري
الي يعاني مثل هذه الحالات ياليت يبطلهااااااااااااااا كفاية خلااااااص زهقتوووا العالم
م
ل
ط
و
ش[/align]
العرض العادي
