فعلا اصبحت تجاره وليست قراءة
في الزمن الماضي كان القارى يغضب عندما تحاول ان تعطيه بعض المال
وفي هذا الزمن قبل ان يقراء يسرد لك فائمه بها تفاصيل اسعار منتوجاته العبقريه فهذا عسل مقري وهذا زيتون مقري بل اصبحوا يتفننون بدواء الكبد المقري فيه وو و و و وو
تحولت من فعل يوجر صاحبه لمتاجره عيني عينك
اذكر مره العجوز الله يخليها لي قالت لي جب لي زيتون من شيخ ببريده حسب وصف احد قريباتها
اخذت الوصف ورحت له ويوم جيت ولا الشيخ بقسم وفيه قسم ثاني بقاله او منتوجات على شكل بقاله قلت له الله يجزاك خير ابي زيت زيتون قبل لاكمل جملتي قالي بثلاثين ريال طبعا هالمكان بنفس الاستراحه الي يقراء فيها شيخ معروف الله يجزاه الف خير
اخذتها وحاسبته الزبده عطيت الوالده وبعد كم يوم اسالها هاه يمه وش صار قالت ياوليدي والله ان ركيباتي تمام بعد هالزيتون ابي لي علبتين ثلاث منه لاني احس اني تعافيت عليه
المهم قلت التسعين ريال قيمه الثلاث علب انا اولى فيهم وامر بنده واخذلي علبه زيتون الجوف بخمس وعشرين ريال لتر واحد واخذ لي علبه مويه وافرغهم فيها واقعد اقراء عليهم لين وصلت البيت واعطيه الوالده
وبعد مده سالتها هاه يمه شلون الزيتونات قالت يا وليدي والله ان هالشيخ ربي مباركه ماتدري انها سعابيلي المباركه ماهوب الشيخ
العرض الشجري