لاتحسبني وانا اطريك مغليك...!

**نار**ورماد** · 14-01-06, 11:07 pm

لاتحسبني يوم انا اطريـك مغليـك
يمكن مع سير السوالـف طريتـك

العام تنساني وانـا اليـوم ناسيـك
كلك على بعضك ترانـي نسيتـك

ماني على رجواك يازين ناسيـك
اموت في عـزي وانـا مارجيتـك

كل المشاعـر فيضهـا ماتدانيـك
دامك تشكل في غـرورك وطيتـك

كنت اتحاشى غلطتـي ماتباريـك
حتى وانا مجرووح جيت وعطيتك

اعطيتك افراح العمـر والتباريـك
وان داربك همك رحلـت ولقيتـك

واليوم طلبت احلى القصايد تسليـك
جبت القصايـد كلهـا وارتضيتـك

اكتب علشـان المعانـي معانيـك
واقرا حروفي واعرف اني قريتـك

وأداعب احلامك واناجـي لياليـك
وان مرني طيفك مشيت وسريتـك

واليوم بدلـت المشاعـر تماتيـك
وأقصى ضلوعي عن هواها قصيتك

يحرم علي اليـوم بسمـك اناديـك
وش عاد لو قلتـي ترانـي فديتـك

تقبلوا تحياتي

الـمـهـاجـر · 15-01-06, 01:09 am

أبيات جميلة ...

أبدعت أخي الكريم .

abdullah 9 · 15-01-06, 01:52 am

حلو يانار ورماد

دمعــة أمـل · 15-01-06, 04:25 am

اخي نار ورماد........

كلمات رائعة ابدعت فيها اخي.........واصل رسم هذا الابداع بيننا

شكرا لك

مجد88 · 15-01-06, 11:51 am

قصيدة نبطية حزينة جميلة المعاني بسيطة الكلمات ، عميقة الأثر.

أشكرك أخي الفاضل ودمت بخير.

**نار**ورماد** · 15-01-06, 05:44 pm

يعطيكم الف عافيه اخواني الاعضاء على مروركم

الي زاد الموضوع روعه ورونق فعبقت منه الصفحه برائحه الفل والياسمين
وعانقت منه اغصان الورود الكلمات

ارجع واقول يعطيكم العافيه
وان شاء الله بيصير فيه تفاعل بيننا

الرمادي · 17-01-06, 05:17 pm

صح لسانك اخي نار ورماد

كلمات جميلة حملت الرقة والعذوبة والعمق

تقبل تحياتي ,,,

عبدالله القيعاني · 17-01-06, 06:27 pm

اخي / نار ورماد

تسلم ولا هنت وتسلم الايادي على تسطيرها .. صح لساااااااااااااااانك ننتظر منك الجديد

لك خالص تحياتي ،،

يتصفح الموضوع حالياً : 1 (0 عضو و 1 ضيف)