مره كنت نايم..
وبعالم الاحلام هايم..
مادري في شو كنت أحلم
مره احس اني اسوق سياره..
ومره اقول كنت مضيف طياره..
كان الجو بارد..
وكنت متغطي وشارد..
رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون..
سمعت صوت ماتوقعته.. :
ولا في خيالي تخيلته..
ولا حتى بحلمي سمعته..
بنت>>
قلت هلا
و قالت اهلين..
نوره موجوده؟؟
قلت وانا صوتي رايح فيها..
لحظه شوي واناديها..
وجلست اصوت واقول نوره..
يامن نوره يلاقيها..
ورديت للسماعه وقلت مادري وين راحت الله يهديها..
بس دقيقه ماعندنا نوره!!!
وبادر البنت خوف!!
قالت آسفه غلطانه..
قلت ولا يهمكـ عادي لاتكونين زعلانه؟؟
مايهم اذا ماعندنا بالاسم فلانه..
قالت شكلكـ كنت نــــايم..
قلت لا ..توني قـــايـــم..
قـالت تدرس؟؟
قلت الدراسه خلاص باح..
انتي شكلكـ تدرسين؟؟
كيف اختباراتكـ؟؟عسى انكم مرتاحين..
قالت باقي لنا ونخلص يومين.
وخايفه والله من مادتين..
قلت من الاختبارات لاتخافين..
دامكـ الليل تذاكرين ..
وعلى الله تعتمدين ..
واللي يزرع جح(بطيخ) مايحصد يقطين..
اهم شي انكـ ماتنسين..
قبل الاختبار الله تدعين..
ومن ابليس تتعوذين..
خلقه من نار وخلقنا من طين ..
وجلسنا نسولف في امور..
من شو اسمكـ الين غلاء المهور..
قالت اسمي (ود) وقلت لها انامحمد.
وقالت صدفه غريبه اسامينا فيها دال.
تصدق كنت اتمنى يسموني نوال !!
تصدقين وانا كنت اتمنى يسموني جمال!
وجلسنا نسولف في بحور الشعر والموال
وماهمنا كلام الناس والعذال..
وفجاءه خلصت السوالف ولا لقينا اللي ينقال ؟؟
وسكتنا ..
وبدلع..قالت انت تشجع الهلال؟؟
قلت في قلبي..مادري أجاوبكـ بكف ولا بنعال
بالله عليكـ هذا سؤال؟؟
قلت أنا نصراوي ..ومايهمني القيل والقال>>احلى
هذا العالمي حبه طاح في القلب ولا ينشال.
والشمس مايغطيها مشخال..
قالت شمعنى النصر!!..
قلت يابنت ..النصر فن و لعب و يفوز باللي حضر..
وجمهوره له كلمه وامر..
يابنت..لاتغريني بالكثير..
لو تضربين مليون بصفر تساوي صفر >>احم
وحتشرنا وشبينا ..بس بسرعه انطفينا ..
الظاهر بعضنا هوينا..
وبدرب الحب ابتدينا..
قالت ..مـــــــحـمد..
قلت آمري يـــــا ود..
قالت اوصف لي شكلكـ..
هذا وين توهقنا..
شوفي العرب لونهم واحد..
والسانهم واحد..واحلف بالله ولا غيره احد..
اني ماني طويل ولا قصير..
شعري ناعم مثل الحرير..
قالت والعيون ..
قلت العيون شبرين في ثلاث اشبار..
قالت اسد..
قلت شكرا يا احلى شهد
المهم انا تواعدنا..
والموعد باكر في المول قررنا..
بين خوف وامل تواعدنا..
وقضيت ليلتي في حيره..
وش البس؟ جنز ولا كندوره والله حيره ..
مافي غيرها يفكـ الحيره..شيشه وتعميره..
ورجعت للبيت اعاتب امسي وابتسم لغدي..
وبصعوبة نمت..قعدت اتقلب وون..
ياقلبي قلي شو اللي من الحب اهون؟؟
غريبه هالدنيا غريبه..
وراحت ليلتي.. وزادت بلوتي
اليوم موعدي.. انا والحب بنلتقي..
وكشخت
لبست فوق راسي غترتي..
في مكان اللقاء تغيرت حتى خطوتي..
صرت ارتجف واترنح بمشيتي..
كأني انساق للموت وهاذي نهايتي..
مب سوالف شجاعه..هذي اكبر بطولاتي..
اذا خسرت بتضيع احلى امنياتي..
جلست ادور والف وحول المكان اطوف..
وين هذيكـ العين اللي عليها قلبي ملهوف..
ود؟؟
ياليت الناس تجي وتشوف..
وفجاءه..
وصلني مسج ..
يقول:
سويتها فيك
رد بيتكم وخل عنكـ هالسوالف ياتعبان..
روح نام يامال العافيه
تعيش وتاكل غيرها
المرسل:
الوالده ذذ
العرض العادي
