مافيه مقارنة

[زنقازنقا]

بسم الله علي وعليكم والله يسلمكم

اكسل شي تروح تبي تغير جو وتجي واثر الجو الزين ببريدة
امطار ووناسة ..

مرة استغرب مرة اتعجب من طبيبة غربية شقراء حمراء عطرء
تخلي الهيصة والوناسة والطرب والمسارح والمقاهي وتذهب
لتعيش بين الوحوش والحشرات والباعوض في ادغال
وصحاري افريقيا ...!! ليش ؟؟
لخدمة الضعفاء والبؤساء وهم لايمتون لها بصلة سوى الصلة الانسانية...
تشوفه مبسوطة والمعنويات عاليه لاحساسه بتقديم شي للانسانية....
آآآآآآآه بس لو تسلم حتى يصير شغلة على اجر ..

يقول داعية اسلامي رحت اسبوع بغيت انهبل طقت تسبدي
جان عقربقر وهشاش << اسبوع
وهالعطراء تقعد سنين وشهورن طوال ؟؟
يمكن ينطق واحدن ذهين مسوي مقطع السمكة وذيلها ويقول
ياااخي تراوه للتنصير هذولا ينصرونهم << طيب يالذهين
خلله للتنصير ماتستاهل الاعجاب على هالهمة العالية لخدمة دين باطل ؟؟
وحنا الاسلام يبينا نفكة من شرنا شوهناه بافعالنا
افعال المسلمين تنسب للاسلام وهو براء
همتنا واصرارنا صفر
ماعندنا همة لصلاة الفجر كل يوم بوقتها
ماقدرنا ننشر بيننا التسامح والتاخي وصفاء النية
ماقدرنا اقل القليل نطهر الستنا من الطنازة والغيبة والنميمة...
الناس يمشون باخلاق تعبانة واصلة للخشم نفسية زفت
ياويلك وسواد ليلك لوتغفل او يغمى عليك اوحتى تموت
وتلف على احد وانت تسوق السيارة يبي يجيك بواري وهواش
ولعان وشتام ويمكن تدبغ دبغن مبرحا ..

عموما اعزي نفسي واقول هالشقراء اللي تروح لافريقيا نشأت
في بيئة منظمة في بلد منظم النظام يمشي على الجميع
كل شي متوفر وكل امورهم طيبة ..
مقارنة بمن يعيش ضغوط نفسية وقلق مستمر....
يشوف التعليم خرابيط ..,,,الصحة برداء
(المستشفيات كثر الله خيرهم ان دخلت عليهم بعلة وحدة
وطلعت باربع علل هماك تمشي على رجليك ماطلعت
مشيول بنعش تراك سالم ) ..
غلاء اسعار وعقاروجشع وطمع ..,,,
دوائر حكومية تعامل معك بتخبط ومزاجية ,,
نظام مطاطي من عنده (و) يمشي واللي ماعنده ينطق ..
عادي موظف اذا رديت عليه او ناقشته بحدة والحق معك يعقد
موضوعك ويقلب الامر شخصي ..!!
كم هائل من العمالة الوافدة تكتشفهم اذا سمح الله وفتحت
محل....
يشكلون لوبي (باختلاف جنسياتهم) لتخسيرك ومحاربتك
وابعادك عن التجارة,,
في بيتك اقفل الابواب بالمفتاح ,,, والنوافذ ضروري عليها شبك حديد,,
لان الحرامية واجد ..

نعود للشقراوات في ادغال وصحاري افريقيا فمن هذا المنبر
.. منتدى بريدة .. احييهن على عملهن الانساني وارسل لهن
صادق تحياتي وقبلاتي الحارة ._.

[صيـدلآنــي]

مآفيه شكـ جُهد وهمه عآليه
وللأسف لن يعود لهُم بالنفع

( هَلْ نُنَبِّئُكُمْ بِالْأَخْسَرِينَ أَعْمَالًا * الَّذِينَ ضَلَّ سَعْيُهُمْ فِي الْحَيَاةِ الدُّنْيَا
وَهُمْ يَحْسَبُونَ أَنَّهُمْ يُحْسِنُونَ صُنْعًا )

وسجلن معكـ
مع اللي يحيون - ومنب مع اللي يقبلون

[Netizen]

أخي الفاضل ..
كلما أرتقى الشخص من الناحية العلمية والمعرفية والفكرية زادت سيطرته على مايحيط به.بمعنى أخرى أنه قل اهتمامه بالأمور التفصيلية الهامشية .
.
.
لدينا نماذج مشرفة مثلما لديهم مع اختلاف واضح بين تلك النماذج سواء من ناحية أعدادها أو أنواعها.
الأهم.. أملنا بالله كبير.

[امرؤ القيس]

كالعادة الموضوع طلع قشاش مطلقة

يعني


ادور فكرة مالقيت غير ان الشقراء بادغال افريقيا

[أشغلتموهــا]

بصراحه مواضيعك مضحكه وبنفس الوقت هادفه
اهنيك على الاسلوب البسيط ويصل للقلب بسرعه
فعلا اغلب المسلمين وهم العصاهـ فشلونا وكرهو المسيحيين بديننا الاسلامي
هالايام شفت مقطع وفاة شاب والمسيح بدل العزا يحطون عرس
وكان اغلب ردود المسلمين استهتار وانه يبي يطيح بالنار صلقاطي
واسائه فضيعه للميت واهله
وجت مسيحيه ردت وقالت المسيح دين تسماح احسن من دينكم اللي كله قتل وقتيل
والعين بالعين والسن بالسن
وردت الصراحه رد قوى جدا ضايقني من جد
اذا انتم فعلا تحبون الاسلام وتفخرون فيه
خلوهـ يفخر فيكم
صورهـ بأحسن صورهـ قدام العالم
هم مسئولين عن كلامهم واي صورة تتأخذ ضد الاسلام بسببهم راح يحاسبون عليه

[القلم الصريح]

ياخوي انت بالع رادو دارت عيوني عيت تقضي غزلان قلمك هههههههه

تدري تذكرت الخروف البربري لم يبدا يرعى مايرفع راسه وهو انت لما تبدا ترعى بقلمك وسط مراعي منتدى بريدة ماترفعه ههههههههههههههه
فعلا الناس تفوسه شينه وعلى الكوبه وستين كوبه يزعجك بالبواري يبيك توخر واخرتها تلاقيه صافط عند المطعم يبي يعبي الكرشه
زنقا زنقا تستحق علامة الجودة على مقياس قلمي الصريع .

[زنقازنقا]

اقتباس: مآفيه شكـ جُهد وهمه عآليه وللأسف لن يعود لهُم بالنفع ( هَلْ نُنَبِّئُكُمْ بِالْأَخْسَرِينَ أَعْمَالًا * الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا ) وسجلن معكـ مع اللي يحيون - ومنب مع اللي يقبلون

ههههههههههههههه طيب سجلناك حياك الله يابعدي نورتنا

اقتباس: أخي الفاضل .. كلما أرتقى الشخص من الناحية العلمية والمعرفية والفكرية زادت سيطرته على مايحيط به.بمعنى أخرى أنه قل اهتمامه بالأمور التفصيلية الهامشية . . . لدينا نماذج مشرفة مثلما لديهم مع اختلاف واضح بين تلك النماذج سواء من ناحية أعدادها أو أنواعها. الأهم.. أملنا بالله كبير.

كلامك جداا جدااا منتاز فعلا كلما ارتفع علما ارتفع خلقا
وكلما قل العلم تستطحت الافكار
مع ان العلم المقصود ليس العلم الدنيوي بنيل الشهادات
كثير من حملة الشهادات العلياء اهتماماته سطحية

شكرا حبيب قلبي

اقتباس: كالعادة الموضوع طلع قشاش مطلقة يعني ادور فكرة مالقيت غير ان الشقراء بادغال افريقيا

ياخي لا تراعي شعوري خل شعوري بقريح
راع شعور المطلقات الي يقرن الموضوع
لا تطري قشهن
تدري وش يشفع لك
اني احبك مادري وش انا شايفن بك

اقتباس: بصراحه مواضيعك مضحكه وبنفس الوقت هادفه اهنيك على الاسلوب البسيط ويصل للقلب بسرعه فعلا اغلب المسلمين وهم العصاهـ فشلونا وكرهو المسيحيين بديننا الاسلامي هالايام شفت مقطع وفاة شاب والمسيح بدل العزا يحطون عرس وكان اغلب ردود المسلمين استهتار وانه يبي يطيح بالنار صلقاطي واسائه فضيعه للميت واهله وجت مسيحيه ردت وقالت المسيح دين تسماح احسن من دينكم اللي كله قتل وقتيل والعين بالعين والسن بالسن وردت الصراحه رد قوى جدا ضايقني من جد اذا انتم فعلا تحبون الاسلام وتفخرون فيه خلوهـ يفخر فيكم صورهـ بأحسن صورهـ قدام العالم هم مسئولين عن كلامهم واي صورة تتأخذ ضد الاسلام بسببهم راح يحاسبون عليه

الله يهني ايامك بالايمان وطاعة الرحمن
وموضوع تعليق المسيحيين فعلا
اشوفه كثير بس ترى احيان
يكون ملاحدة يدعون الاسلام ويسبون
او شيعة لان الشيعي ماهناش مكينة
حياك ربي ونورتينا

اقتباس: اخوي انت بالع رادو دارت عيوني عيت تقضي غزلان قلمك هههههههه تدري تذكرت الخروف البربري لم يبدا يرعى مايرفع راسه وهو انت لما تبدا ترعى بقلمك وسط مراعي منتدى بريدة ماترفعه ههههههههههههههه فعلا الناس تفوسه شينه وعلى الكوبه وستين كوبه يزعجك بالبواري يبيك توخر واخرتها تلاقيه صافط عند المطعم يبي يعبي الكرشه زنقا زنقا تستحق علامة الجودة على مقياس قلمي الصريع .

حرام عليك بربري هههههههههههه
بس اخر كلامك يكفين علامة الجودة

[To Be]

اخي لا تراعي شعوري خل شعوري بقريح
راع شعور المطلقات الي يقرن الموضوع
لا تطري قشهن
تدري وش يشفع لك
اني احبك مادري وش انا شايفن بك




تسلم على الرد

[هلاوين]

زنقا منقا يستاهلن الشكرررررر

[&سفآنه&]

الله المستعان!!!
طيب يازنقا دامك متحمس للدعوه ليه ماتتطوع
وتروح لأفريقيا أحس من الكلام بالمنتديات اللي
مايودي ولايجيب..
,

[الفتى السمنسي]

المشاركة الأصلية كتبت بواسطة امرؤ القيس



كالعادة الموضوع طلع قشاش مطلقة

يعني


ادور فكرة مالقيت غير ان الشقراء بادغال افريقيا











يبدو أن الطبيب النفسي الذي عالجك قبل فترة لم يكن طبيبا بارعا .
شفاك الله مما تعاني منه ولكن عليك بقراءة الأذكار والمداومة على قراءة القرآن الكريم حتى تتحسن نفسيتك وتعيش مع الآخرين بسلام ومحبة وصفاء .

[Я ę l â ҳ ê]

قلتها بعنوان موضوعك مافيه مقارنه !

[التنين الصيني]

زنقا ....

موضوعك 10 في 1

عموماً هي نتاج العلم والتربية ....

<<< ضاعت الفكرة ههههه

[كااااجو]

كعادتك مقلع ويادوب الواحد يجمع ... افكار رائعه

بس خل عنك القبلات الحاره علشان ماينقدون علينا هالشقران العطران

[زنقازنقا]

اقتباس: تسلم على الرد

الله يسلم عمرك

اقتباس: زنقا منقا يستاهلن الشكرررررر

اكيد ... حيالله الرجال

اقتباس: الله المستعان!!! طيب يازنقا دامك متحمس للدعوه ليه ماتتطوع وتروح لأفريقيا أحس من الكلام بالمنتديات اللي مايودي ولايجيب.. ,

ابي ثلاث اشياء والله ماجلس هنا
عمري يرجع عشرين
معي شهادة ثانوي علمي مقبول او ان شاء الله مخقول
اخو اكبر من يصير يهتم باهلي

وان جلست انتفي حواجبي

اقتباس: يبدو أن الطبيب النفسي الذي عالجك قبل فترة لم يكن طبيبا بارعا . شفاك الله مما تعاني منه ولكن عليك بقراءة الأذكار والمداومة على قراءة القرآن الكريم حتى تتحسن نفسيتك وتعيش مع الآخرين بسلام ومحبة وصفاء .

هههههههههههههه ارفق عليه ترى الدنيا عبر وانا خوك

اقتباس: قلتها بعنوان موضوعك مافيه مقارنه !

صحيح ...
حياك ربي

اقتباس: زنقا .... موضوعك 10 في 1 عموماً هي نتاج العلم والتربية .... <<< ضاعت الفكرة ههههه

ههههههههههههه لا تواخذن الاسلاك قالبن لونه من الدنيا

اقتباس: كعادتك مقلع ويادوب الواحد يجمع ... افكار رائعه بس خل عنك القبلات الحاره علشان ماينقدون علينا هالشقران العطران

ههههههههه اجل هم راعين مناقيد مثلنا
لا ماعليك ماينقدون عندهم شي اساسي